ശബരിമല, ലിംഗ സമത്വം വിഷയങ്ങളിലെ സര്ക്കാര് നിലപാട് ഉയര്ത്തി പിടിച്ചും പ്രളയ സമയത്തെ പ്രവര്ത്തനങ്ങളെ പ്രശംസിച്ചും ഗവര്ണര് പി. സദാശിവത്തിന്റെ നയപ്രഖ്യാപന പ്രസംഗം
ശബരിമല, ലിംഗ സമത്വം വിഷയങ്ങളിലെ സര്ക്കാര് നിലപാട് ഉയര്ത്തി പിടിച്ചും പ്രളയ സമയത്തെ പ്രവര്ത്തനങ്ങളെ പ്രശംസിച്ചും കേന്ദ്രഫണ്ട് അനുവദിക്കാത്തതില് മോദി സര്ക്കാറിനെ വിമര്ശിച്ചും ഗവര്ണര് പി. സദാശിവത്തിന്റെ നയപ്രഖ്യാപന പ്രസംഗം. പ്രളയത്തെ അതിജീവിക്കാന് കേരളത്തിന് കഴിഞ്ഞുവെന്നും അതിനായുള്ള നടപടികള് സര്ക്കാര് കൈകൊണ്ടെന്നും ഗവര്ണര് പറഞ്ഞു. കേരളത്തിന്റെ 100 വര്ഷത്തെ ചരിത്രത്തിനിടെ ഏറ്റവും വലിയ പ്രളയം നേരിട്ട വര്ഷമാണ് കടന്നുപോയതെന്ന് ഗവര്ണര് വ്യക്തമാക്കി. മത്സ്യതൊഴിലാളികള് ഉള്പ്പെടെയുള്ളവര് പ്രളയബാധിത പ്രദേശങ്ങളില് എത്തി രക്ഷാപ്രവര്ത്തനം നടത്തിയത് അഭിനന്ദനീയാര്ഹമാണ്. വ്യോമസേന, കേന്ദ്ര ദുരിത നിവാരണസേന തുടങ്ങിയ സേനകള് കാര്യക്ഷമമായി പ്രവര്ത്തിച്ചു. ഭക്ഷണം, വസ്ത്രം, കുടിവെള്ളം തുടങ്ങിയ അടിസ്ഥാന സൗകര്യങ്ങള് ഒരുക്കാന് കേരളത്തിലെ എല്ലാ മേഖലയിലുള്ളവരും ഒരുമിച്ചു നിന്നുവെന്നും ഗവണര് പറഞ്ഞു.
കേന്ദ്ര സര്ക്കാറിനെതിരെയും ഗവര്ണറുടെ പ്രസംഗത്തില് വിമര്ശനമുണ്ട്. കേന്ദ്രസംസ്ഥാന ബന്ധം ശരിയായ നിലയിലല്ല. സംസ്ഥാനത്തിന്റെ വികസന നേട്ടങ്ങള് കേന്ദ്ര സഹായത്തിന് തടസമാകുന്നു. കേരളത്തിന്റെ പുരോഗതി ചൂണ്ടിക്കാട്ടി അര്ഹമായ സഹാ!യം നിഷേധിക്കുന്നുവെന്നും ഗവര്ണര് ചൂണ്ടിക്കാട്ടി.
ഭിന്നലിംഗക്കാരുടെ ക്ഷേമത്തിനായി ആദ്യമായി ബില് അവതരിപ്പിച്ച സംസ്ഥാനമാണ് കേരളം. അഴിമതി കുറഞ്ഞതും സൈബര് കുറ്റകൃത്യങ്ങള് കുറഞ്ഞതുമായ സംസ്ഥാനവും കേരളമാണ്. ക്രമസമാധാന പാലനത്തില് ഇന്ത്യയില് ഒന്നാം സ്ഥാനം സംസ്ഥാനത്തിനുണ്ട്.
ശബരിമല വിഷയത്തില് സുപ്രീംകോടതി വിധി നടപ്പാക്കുകയെന്നത് സര്ക്കാറിന്റെ ഉത്തരവാദിത്വമാണ്. അതിനുള്ള നടപടികള് സര്ക്കാര് സ്വീകരിച്ചു. ലിംഗസമത്വം ഉറപ്പാക്കാന് സംസ്ഥാനത്തിന് ബാധ്യതയുണ്ട്. സര്ക്കാര് സംഘടിപ്പിച്ച വനിതാ മതില് ലിംഗ സമത്വത്തിനായുള്ള ശ്രമമായിരുന്നു. 50 ലക്ഷത്തിലേറെ പേര് വനിത മതിലില് പങ്കെടുത്തു
ജനങ്ങളുടെ ജീവനും സ്വത്തിനും സംരക്ഷണം നല്കുന്നതിനായി പുതിയ നിയനിര്മാണം നടത്താന് കഴിഞ്ഞു. അതുവഴി അക്രമങ്ങള് നടത്തികൊണ്ടുള്ള ഹര്ത്താലുകളെ നേരിടും. പൊതു, സ്വകാര്യ സ്വത്തുകള് നശിപ്പിച്ചുകൊണ്ടുള്ള ഹര്ത്താലുകളെ നേരിടും. ടൂറിസം, െഎ.ടി മേഖലകളെ ഹര്ത്താലില് നിന്ന് ഒഴിവാക്കും. രണ്ടു വര്ഷത്തിനിടെ വികസനനേട്ടങ്ങള് കൊയ്യാനും സര്ക്കാറിനായി. കൊല്ലം ബൈപാസ്, ഗെയില് പൈപ്പ് ലൈന് പദ്ധതി, മലയോര ഹൈവേ, കണ്ണൂര് വിമാനത്താവളം തുടങ്ങിയ യാഥാര്ത്ഥ്യമാക്കാന് സര്ക്കാറിനു കഴിഞ്ഞുവെന്നും ഗവര്ണര് പ്രസംഗത്തില് വ്യക്തമാക്കി.
പ്രധാന പ്രഖ്യാപനങ്ങള്
ആദിവാസി കുടുംബത്തിന് ഒരാള്ക്ക് സര്ക്കാര് ജോലി നല്കും. ഇതിനായി സ്പെഷ്യല് റിക്രൂട്ട്മന്റെ് നടത്തും. ആദിവാസി ക്ഷേമത്തിനായി മില്ലറ്റ് വില്ലേജ് പോലുള്ള സമഗ്രപദ്ധതികള്, പ്രളയബാധിത പ്രദേശങ്ങളിലെ പിന്നാക്ക വിഭാഗങ്ങള്ക്ക് വ്യാപാരം തുടങ്ങാന് പലിശരഹിത വായ്പ നല്കും, എല്ലാ ഇ.എസ്.ഐ ആശുപത്രിളില് സൂപ്പര് സ്പെഷ്യാലിറ്റി സൗകര്യം ഉറപ്പാക്കും, വൃദ്ധജനശിശു പരിപാലനത്തിനായി കുടുംബശ്രീ വഴി കേന്ദ്രങ്ങള്, എല്ലാ പൊലീസ് സ്റ്റേഷനുകളെയും ജനമൈത്രി കേന്ദ്രങ്ങളാക്കും, നവോത്ഥാന മ്യൂസിയം സ്ഥാപിക്കും
മുന്നാക്ക വിഭാഗങ്ങളില് സാമ്പത്തികമായി പിന്നാക്കം നില്ക്കുന്നവരെ സഹായിക്കാന് സര്ക്കാര് പ്രതിജ്ഞാബദ്ധം, പൊലീസില് വനിതകള്ക്ക് 15 ശതമാനം സംവരണം നല്കും, 80 മെഗാവാട്ട് ശേഷിയി ല് ഇടുക്കിയില് പുതിയ ജല വൈദ്യുത പദ്ധതി
പ്രവാസി ഡിവിഡന്ഡ് ഫണ്ട് വഴി പ്രവാസികള്ക്ക് പെന്ഷന് നല്കും ഗ്രീന് കാമ്പസ് പദ്ധതി തുടങ്ങും സോളര്, ബയോഗ്യാസ് പദ്ധതി തുടങ്ങും, ഇലക്ട്രിക് ബസുകള് പ്രോത്സാഹിപ്പിക്കും, വായന പ്രോത്സാഹിപ്പിക്കും വായനയും പ്രോത്സാഹിപ്പിക്കും ഹയര് സെക്കന്ററി വിദ്യാര്ഥികള്ക്ക് അഭിരുചി പരീക്ഷ നടത്തും വ്യവസായ ബന്ധ പരിപാടികള് ഉന്നത വിദ്യാഭ്യാസ മേഖലയില് നടപ്പാക്കും
ഗോത്ര ബന്ധു പദ്ധതി ആദിവാസി മേഖലയിലേക്കും വ്യാപിപ്പിക്കും
മലപണ്ഡാരം വിഭാഗങ്ങള്ക്ക് പ്രത്യേക പാക്കേജ്
ആലപ്പുഴയിലും മഞ്ചേശ്വരത്തും ഹാര്ബര് ഓഫീസുകള് തുടങ്ങും, ഇലക്ട്രിക് എഞ്ചിനീയറിങ് വിഭാഗം തദ്ദേശ സ്ഥാപനങ്ങളില് തുടങ്ങും, 15000 സ്ത്രീകള്ക്ക് പ്ലംബിങ്ങ്
ഉള്പ്പെടെ പരിശീലനം, മാലിന്യത്തെ ഊര്ജമാക്കി മാറ്റുന്ന കാന് പി.പി.പി പദ്ധതി,
നാല് പുതിയ വനിതാ പൊലീസ് സ്റ്റേഷന് തുടങ്ങും, 100 സ്കൂളില് കൂട്ടി സ്റ്റുഡന്റ് പൊലീസ് വ്യാപിപ്പിക്കും, സോളാര് പദ്ധതി വ്യാപിപ്പിക്കും, സമഗ്രാരോഗ ജാഗ്രതാ പദ്ധതി നടപ്പാക്കും സഹായത്തോടെ മെഡിക്കല് കോളജുകളില് ട്രോമ കെയര് കാരുണ്യ പദ്ധതി ആയുഷ്മാന് പദ്ധതിയുമായി സംയോജിപ്പിക്കും മാതൃക കുട്ടികളുടെ വീട് എറണാകുളത്ത് തുടങ്ങും, ക്ഷേമ പെന്ഷന് വിതരണത്തിന് കമ്പനി, പാലക്കാട്ട് ഗാന്ധി ദര്ശന് ഇന്സ്റ്റിറ്റിയൂട്ട് , കുട്ടികളുടെ തീയേറ്റര് തുടങ്ങും
ആറന്മുള കണ്ണാടി ഉണ്ടാക്കുന്ന കുടുംബങ്ങള്ക്ക് സഹായം, തൃശൂരിരില് അന്താരാഷ്ട്ര സാഹിത്യമേള സംഘടിപ്പിക്കും, പ്രവാസി നിക്ഷേപ പദ്ധതി തുടങ്ങും (5 ലക്ഷം രൂപ കിഫ്ബി യില് നിക്ഷേപിക്കുന്നവര് പെന്ഷന് നല്കുന്ന പദ്ധതി), മൂവാറ്റുപുഴ വാലി പദ്ധതി മാര്ച്ചില് കമ്മീഷന് ചെയ്യും വന്യമൃഗങ്ങള്ക്ക് സഞ്ചരിക്കാന് ഇടനാഴി പദ്ധതി ആലോചനയില്, സ്ത്രീകള്ക്ക് സ്വയം രക്ഷക്ക് ആയോധന കലയില് പരിശീലനം, സെമി ഹൈസ്പീഡ് റെയില്വേ (തിരുവനന്തപുരം കാസര്കോട് വരെ 4 മണിക്കൂര് കൊണ്ട് യാത്ര).
https://www.facebook.com/Malayalivartha
