മണ്‍വിള ഫാമിലി പ്ലാസ്റ്റിക്ക് തീപിടുത്തം അന്വേഷണം ക്രൈംബ്രാഞ്ചിന് കൈമാറി. കഴക്കൂട്ടം പൊലീസ് അന്വേഷണം നടത്തിയ കേസ് കഴിഞ്ഞ ദിവസമാണ് ക്രൈംബ്രാഞ്ചിന് കൈമാറാന്‍ ഡി. ജി. പി ഉത്തരവിട്ടത്. തിരുവനന്തപുരം ജവഹര്‍ നഗര്‍ യൂണിറ്റിലെ െ്രെകം ബ്രാഞ്ച് ഡി.വൈ.എസ്.പി സുഗതനാണ് അന്വേഷണ ചുമതല. നേരത്തെ കഴക്കൂട്ടം പൊലീസിന്റെ അന്വേഷണത്തില്‍ ഫാക്ടറിയില്‍ തീയിട്ടതുമായി ബന്ധപ്പെട്ട് ഫാക്ടറിയിലെ ജീവനക്കാരായ പെരുങ്ങുഴി മുട്ടപ്പലം ചിലക്കൂര്‍ വീട്ടില്‍ വിമല്‍ എം.നായര്‍ (21), കഴക്കൂട്ടം കാര്യവട്ടം സരസ്വതി ഭവനില്‍ ബിനു (36) എന്നിവരെ അറസ്റ്റ് ചെയ്യ്തിരുന്നു. കഴിഞ്ഞ ആഴ്ച ഇവര്‍ രണ്ട് പേരും ജാമ്യത്തിലിറങ്ങി.
കേസന്വേഷണം അവസാനിച്ച് അടുത്ത മാസം കുറ്റപത്രം കോടതിയില്‍ സമര്‍പ്പിക്കാനിരിക്കേയാണ് അന്വേഷണം െ്രെകംബ്രാഞ്ചിന് കൈമാറിയത്. നേരത്തെ തന്നെ കേസ് അന്വേഷണവുമായി ബന്ധപ്പെട്ട് ആക്ഷേപങ്ങള്‍ ഉയര്‍ന്ന് വന്നിരുന്നു. ഫാക്ടറിയിലെ സി സി ടി വി ക്യാമറയില്‍ നിന്നും ലഭിച്ച ദൃശ്വത്തിന്റെ അടിസ്ഥാനത്തിലാണ് ഈ രണ്ട് പ്രതികളേയും അറസ്റ്റ് ചെയ്തത്. തീ പടര്‍ന്ന് കയറിയ ബില്‍ഡിങ്ങിനകത്ത് ഇവര്‍ കയറി പോയതൊഴിച്ചാല്‍ തീ കത്തിച്ചതിന്റെ യാതൊരു വിധ തെളിവുകളും പൊലീസിന് ലഭിച്ചില്ലന്ന ബന്ധുക്കളുടെ ആരോപണവും ഉയര്‍ന്നിരുന്നു. പിടിയിലായ പ്രതികളില്‍ ഒരാള്‍ ബുദ്ധി വൈകല്യമുള്ള വ്യക്തിയും മറ്റൊരാള്‍ 21 വയസ്സുകാരനുമായിരുന്നു. വിമല്‍ ഒരു വര്‍ഷമായി ഫാക്ടറിയിലെ സ്‌റ്റോറിലാണ് ജോലി. ബിനു കമ്പനിയില്‍ ജോലിക്കെത്തിയിട്ട് ആറ് മാസം മാത്രമെ ആയിട്ടുള്ളൂ. പ്രതികളെ പൊലീസ് പിടികൂടി കഴക്കൂട്ടം സ്‌റ്റേഷനിലെത്തിച്ച സമയം മുതല്‍ മാതാപിതാക്കളും ബന്ധുക്കളും ഇവര്‍ നിരപരാധികളാണെന്ന് നിരന്തരം പറഞ്ഞിരുന്നു.

പോലീസിന്റെ രഹസ്യാനോഷണ വിഭാഗവും അന്വേഷണത്തില്‍ ക്രമക്കേടുണ്ടെന്ന് കാണിച്ച് റിപ്പോര്‍ട്ട് നല്‍കിയിരുന്നു. ഇതിനെ തുടര്‍ന്ന് ബന്ധുക്കള്‍ കേസ് മറ്റൊരു ഏജന്‍സിയെ കൊണ്ട് അന്വേഷിക്കണമെന്ന് ഡി.ജി.പി ക്കും മറ്റും പരാതി നല്കി. ഈ പരാതിയുടെ അടിസ്ഥാനത്തിലാണ് െ്രെകംബ്രാഞ്ചിന് കൈമാറിയത്.
2018 ഒക്‌റ്റോബര്‍ 31 ന് വൈകിട്ട് 6 മണിയോടെയാണ് ഫാമിലി പ്ലാസ്റ്റിക്ക് ഫാക്ടറിയില്‍ തീ പടര്‍ന്നത്. പതിനഞ്ച് മണിക്കൂര്‍ കത്തി ജ്വാലിച്ച തീയില്‍ 40 കോടിയോളം രൂപയുടെ നഷ്ടമാണ് ഉണ്ടായത്.