കേരളത്തിന്റെ പ്രിയപ്പെട്ട ലാലേട്ടന് ഇപ്പോള് കിട്ടിയത് മാലപടക്കം മാത്രം. ഗുണ്ട് വരാനിരിക്കുന്നതേയുള്ളു. നരേന്ദ്രമോദി വീണ്ടും അധികാരത്തിലെത്തിയാല് ലാലേട്ടന് ഇരിക്കുന്നത് രാജ്യസഭയിലായിരിക്കുമെന്ന് ബിജെ പി വൃത്തങ്ങള്
കേരളത്തിന്റെ പ്രിയപ്പെട്ട ലാലേട്ടന് ഇപ്പോള് കിട്ടിയത് മാലപടക്കം മാത്രം. ഗുണ്ട് വരാനിരിക്കുന്നതേയുള്ളു. നരേന്ദ്രമോദി വീണ്ടും അധികാരത്തിലെത്തിയാല് ലാലേട്ടന് ഇരിക്കുന്നത് രാജ്യസഭയിലായിരിക്കുമെന്ന് ബിജെ പി വൃത്തങ്ങള് സൂചിപ്പിക്കുന്നു.
നരേന്ദ്രമോദി ജയിച്ചില്ലെങ്കിലും ലാലേട്ടന് രാജ്യസഭയിലെത്തുമെന്ന കാര്യം ഉറപ്പാണ്. അദ്ദേഹത്തെ ലഫ്റ്റനന്റ് കേണലാക്കിയത് യു പി എ സര്ക്കാരാണ്. യുപിഎ ജയിച്ചാല് കേന്ദ്രമന്ത്രിയാകാന് സാധ്യതയുള്ളവരില് പലരും മോഹന്ലാലിന്റെ അടുത്ത സുഹൃത്തുക്കളാണ്. പ്രത്യേകിച്ച് കെ.സി. വേണുഗോപാല്.
മോഹന്ലാല് ഇതിനു മുമ്പ് തന്നെ രാജ്യസഭാംഗം അകേണ്ടതായിരുന്നു. അത്തരത്തിലൊരു നിര്ദ്ദേശം ബി ജെപി സര്ക്കാര് മുന്നോട്ടു വച്ചെങ്കിലും അതിനോട് അദ്ദേഹം അനുകൂലമായി പ്രതികരിച്ചില്ല. തന്നെ ബിജെപിക്കാരന് ആക്കാനുള്ള നീക്കം തകൃതിയാണെന്ന് ലാലിന് അറിയാമായിരുന്നു. തെരഞ്ഞടുപ്പില് മത്സരിക്കണമെന്ന നിര്ദ്ദേശം നല്കിയെങ്കിലും അതും അംഗീകരിച്ചില്ല. ഉയരങ്ങള് ഇനിയും കീഴടക്കാനുള്ളപ്പോള് പ്രതൃക്ഷ രാഷ്ട്രീയ ബാന്ധവം വേണ്ടെന്ന് ലാല് കരുതി. രാജ്യസഭയിലേക്ക് ലാല് വന്നാല് അതിനെ രാഷ്ട്രീയമായി കണക്കാക്കാന് കഴിയില്ല.
മോഹന്ലാല് എന്ന നടന്റെ പീക്ക് ടൈം ആണ് ഇത്. ഒടിയന് എന്ന സിനിമ വേണ്ടത്ര വിജയിക്കാതെ വന്നപ്പോള് അദ്ദേഹത്തിനെതിരെ സംസാരിച്ചവര്ക്കുള്ള മറുപടിയാണ് പത്മ പുരസ്കാരം. ഒടിയന് സിനിമക്ക് അടി തെറ്റിയതിന് പിന്നിലും ബിജെപി ആരോപണം നിഴലായുണ്ട് . ആബാലവൃത്തം ജനങ്ങളുടെയും പ്രിയപ്പെട്ട നടനാണ് ലാല്. അവിടെ ജാതിയും മതവുമില്ല. ലാലിന്റെ നേട്ടങ്ങളെ സ്വന്തം നേട്ടമായി കാണുന്നവരാണ് മലയാളികള്. അതില് രാഷ്ട്രീയം കലര്ത്തരുതെന്ന അപേക്ഷ മാത്രമാണ് അവര്ക്കുള്ളത്. ബി ജെ പി എംപിയായ ശേഷം സിനിമ വിട്ട സുരേഷ് ഗോപിയുടെ അവസ്ഥ മോഹന്ലാലിന് വരരുതെന്നും അവര് ആഗ്രഹിക്കുന്നു. എന്നാല് സുരേഷ് ഗോപി സ്വയം സിനിമ വിട്ടതാണ്. സിനിമ അദ്ദേഹത്തെ വിട്ടതല്ല.
മോഹന് ലാലിന്റെ മാതാപിതാക്കളുടെ പേരിലുള്ള ട്രസ്റ്റിന്റെ ഉദ്ഘാടനം നിര്വഹിച്ചത് പ്രധാനമന്ത്രിയാണ് . മോദി ഇക്കാര്യം ട്വീറ്റ് ചെയ്തു. ലാലുമായി നില്ക്കുന്ന ചിത്രവും അദ്ദേഹം പങ്കുവച്ചു. അതോടെയാണ് ബി ജെ പി ആരോപണം വന്നു ചേര്ന്നത്. എന്നാല് പ്രധാനമന്ത്രിയെ കാണേണ്ടി വന്ന സന്ദര്ഭം ലാല് തന്നെ വ്യക്തമായി കേരളത്തെ അറിയിച്ചതാണ്. ഏതാനും വര്ഷങ്ങള്ക്ക് മുമ്പ് പെരുന്നയില് നടന്ന എന് എസ് എസ് സമ്മേളനത്തില് ലാല് പങ്കെടുത്തതും ഇത്തരം ആരോപണങ്ങള്ക്ക് വഴി വിളക്കായി. എന്നാല് നായര് സര്വീസ് സൊസൈറ്റിയുമായി ലാലിന് അടുത്ത ബന്ധം വളരെ മുമ്പേയുണ്ട് .
തന്നെ സ്നേഹിക്കുന്നവര്ക്കാണ് ലാല് പത്മ പുരസ്കാരം സമര്പ്പിച്ചിരിക്കുന്നത്. പ്രായഭേദമന്യേ തന്നെ ആരാധിക്കുന്ന എല്ലാവരുമായി മോഹന്ലാല് പുരസ്കാരലബ്ദിയിലെ സന്തോഷം മോഹന്ലാല് പങ്കിടുന്നു. വിനയാന്വിതനായി അടുത്ത കാല്വയ്പ്പിന് ഒരുങ്ങുകയാണ് മോഹന്ലാല് ഇപ്പോള്.
പ്രിയദര്ശന്റെ കുഞ്ഞാലിമരയ്ക്കാര് വരാനിരിക്കുന്നതേയുള്ളു . അതു കൂടി വരുമ്പോള് മോഹന്ലാല് കയറും കൊടുമുടിയോളം.
https://www.facebook.com/Malayalivartha
