ഒരു തലമുറയുടെ ഹരമായി മാറിയ താരമാണ് ഷക്കീല. ഇന്നും ഷക്കീലയ്ക്ക് ആരാധകരുടെ കുറവില്ല. അതിനാലാണ് ഷക്കീലയുടെ ജീവിതം മുന്‍നിര്‍ത്തി സിനിമ പോലും ഉണ്ടായത്. തന്റെ ജീവീതം ആസ്പദമായി ഒരുങ്ങുന്ന സിനിമയുമായി ബന്ധപ്പെട്ട് നല്‍കിയ അഭിമുഖത്തില്‍ മീ ടു ക്യാമ്പയിനെ തുറന്നു എതിര്‍ക്കുകയാണ് ഷക്കീല. പഴയ കാര്യങ്ങള്‍ പറയുന്നതില്‍ യാതൊരു അര്‍ത്ഥവുമില്ലെന്നും ഇഷ്ടപ്പെടാത്ത രീതിയില്‍ ആരെങ്കിലും പെരുമാറിയാല്‍ അന്നേ ചെരൂപ്പൂരി അടിക്കണമായിരുന്നുവെന്നും ഷക്കീല പറയുന്നു.

ദുരനുഭവങ്ങള്‍ ഏറെയുണ്ടായിരുന്നുവെങ്കിലും അതെല്ലാം വെല്ലുവിളിയായി കരുതി ജീവിച്ചു കാണിക്കുകയാണ് ചെയ്തതെന്നും ഷക്കീല പറയുന്നു. മലയാള സിനിമയില്‍ ഒരുപാട് അഭിനയിച്ചുവെങ്കിലും ഇന്ന് തനിക്ക് സിനിമയുമായി ബന്ധപ്പെട്ട ആരുമായി ബന്ധമില്ലെന്നും ഷക്കീല പറഞ്ഞു.മലയാളത്തില്‍ എന്റെ സിനിമകള്‍ വിതരണം ചെയ്ത് പണക്കാരായ പലര്‍ക്കും ഇന്ന് എന്നെ ഓര്‍മ്മയില്ല.

കിന്നാരത്തുമ്പികള്‍ അമ്മയുടെ നിര്‍ബന്ധത്തിനു വഴങ്ങിയാണ് അഭിനയിച്ചതെന്നും ആഗ്രഹിച്ച വേഷങ്ങള്‍ മലയാളത്തിലോ തമിഴിലോ ലഭിച്ചില്ലെന്നും ഷക്കീല പറയുന്നു. മലയാളത്തില്‍ നിന്ന് തമിഴിലേയ്ക്ക് വന്നപ്പോള്‍ നാല് വര്‍ഷം ജോലിയില്ലാതെ ഇരുന്നു ഷക്കീല പറഞ്ഞു. കമല്‍ഹാസിനെ ഏറെ ഇഷ്ടപ്പെടുന്നതായി രാഷ്ട്രീയ നിലപാടുകള്‍ക്കൊപ്പം നില്‍ക്കാന്‍ ഇഷ്ടപ്പെടുന്നതായും ഷക്കീല പറയുന്നു.

കുട്ടികള്‍ക്കെതിരായുളള ലൈംഗിക അതിക്രമങ്ങളോട് പോരാടുമെന്നും അത്തരം വാര്‍ത്തകള്‍ ഉറക്കം നഷ്ടപ്പെടുത്തുമെന്നും ഷക്കീല പറയുന്നു. ഷക്കീലയുടെ ആത്മകഥയും ജീവതത്തില്‍ അവര്‍ നേരിട്ട വെല്ലുവിളികളും സജീവ ചര്‍ച്ചയാക്കി നടന്‍ സലീംകുമാറിന്റെ ഫെയ്‌സ്ബുക്ക് കുറിപ്പ് സമൂഹമാധ്യമങ്ങള്‍ ഏറ്റെടുത്തിരുന്നു. ഷക്കീലയെന്ന നായിക നടി ജീവിതത്തില്‍ നേരിട്ട പ്രതിസന്ധികളെക്കുറിച്ചും അതിനെ അതിജീവിച്ചതിനെക്കുറിച്ചുമെല്ലാം വിവരിക്കുന്നതാണ് ആത്മകഥ. അമ്മയുടെ നിര്‍ബന്ധത്തിന് വഴങ്ങി പതിനാറാം വയസ്സില്‍ ലൈംഗികതയിലൂടെ വീടിന്റെ പട്ടിണിമാറ്റിയ സന്ദര്‍ഭങ്ങളടക്കം വിവരിക്കുന്ന ആത്മകഥയെക്കുറിച്ച് ജോയിഷ് ജോസ് തയ്യാറാക്കിയ കുറിപ്പാണ് സലീംകുമാര്‍ ഫേസ്ബുക്കില്‍ പങ്കുവച്ചത്.

ഇരുപത് പേരെയെങ്കിലും താന്‍ പ്രണയിച്ചുവെന്നും വിവാഹം എന്ന ലക്ഷ്യത്തോടെയായിരുന്നു ഞാന്‍ ആ ബന്ധങ്ങള്‍ കണ്ടതെന്നും പക്ഷേ വിധി എല്ലാം മാറ്റി മറിച്ചെന്നും പ്രണയ ബന്ധങ്ങളെല്ലാം പരാജയമായിത്തീര്‍ന്നെന്നും ഒരു പുതിയ പ്രണയത്തിനായി ഞാന്‍ ഇപ്പോഴും കാത്തിരിക്കുകയാണെന്നും ആത്മകഥയില്‍ ഷക്കീല വ്യക്തമാക്കുന്നുണ്ട്.

ഷക്കീലയുടെ ആത്മകഥയും ജീവതത്തില്‍ അവര്‍ നേരിട്ട വെല്ലുവിളികളും സജീവ ചര്‍ച്ചയാക്കുന്നതിനിടെ നടന്‍ സലീംകുമാറിന്റെ ഫേസ്ബുക്കിലെ കുറിപ്പും വൈറലായിരുന്നു. ഷക്കീലയെന്ന നായിക നടി ജീവിതത്തില്‍ നേരിട്ട പ്രതിസന്ധികളെക്കുറിച്ചും അതിനെ അതിജീവിച്ചതിനെക്കുറിച്ചുമെല്ലാം വിവരിക്കുന്നതാണ് ആത്മകഥ. അമ്മയുടെ നിര്‍ബന്ധത്തിന് വഴങ്ങി പതിനാറാം വയസ്സില്‍ ലൈംഗികതയിലൂടെ വീടിന്റെ പട്ടിണിമാറ്റിയ സന്ദര്‍ഭങ്ങളടക്കം വിവരിക്കുന്ന ആത്മകഥയെക്കുറിച്ച് ജോയിഷ് ജോസ് തയ്യാറാക്കിയ കുറിപ്പാണ് സലീംകുമാര്‍ ഫേസ്ബുക്കില്‍ പങ്കുവച്ചത്.

കുടുംബത്തിലുള്ളവര്‍ക്കെല്ലാം ഞാന്‍ അഭിനയിച്ചുണ്ടാക്കിയ കാശ് മാത്രം മതിയായിരുന്നു.അതേ സമയം എന്റെ സാന്നിധ്യം അരോചകവും. ചേച്ചിയുടെ മകളെ താന്‍ സ്വന്തം മകളെപ്പോലെ കരുതി സ്‌നേഹിച്ചു എന്നാല്‍ അവളുടെ കല്യാണംപോലും എന്നെ അറിയിക്കാതെ മംഗള കര്‍മങ്ങളില്‍ നിന്നെപ്പോലൊരു സെക്‌സ് നടി അപശകുനമാണെന്ന ചേച്ചി മുഖത്തുനോക്കി പറഞ്ഞെന്ന് ഷക്കീല പങ്ക് വയ്ക്കുമ്പോള്‍ നമ്മുടെ ഉള്ളവും ഒന്ന് പൊള്ളും. കുടുംബത്തിലെ ആര്‍ക്കെങ്കിലും കുഞ്ഞുങ്ങള്‍ പിറന്നാല്‍ ഞാനോടി ചെല്ലാറുണ്ട്. എന്നാല്‍ കുഞ്ഞുങ്ങളുടെ മുഖംപോലും എന്നെ അവര്‍ കാണിക്കാറില്ല. കുറച്ച് ഗ്ലാമര്‍ സിനിമകളില്‍ അഭിനയിച്ചതിന്റെ പേരിലാണ് ഈ അയിത്തം. ഞാനിപ്പോള്‍ കരയാറില്ല. ഈ ജന്മം ഇങ്ങനെയങ്ങ് നരകിച്ചു തീര്‍ക്കുകയാണെന്നും ഷക്കീല പറയുന്നു.

ഇരുപത് പേരെയെങ്കിലും താന്‍ പ്രണയിച്ചുവെന്നും വിവാഹം എന്ന ലക്ഷ്യത്തോടെയായിരുന്നു ഞാന്‍ ആ ബന്ധങ്ങള്‍ കണ്ടതെന്നും പക്ഷേ വിധി എല്ലാം മാറ്റി മറിച്ചെന്നും . പ്രണയ ബന്ധങ്ങളെല്ലാം പരാജയമായിത്തീര്‍ന്നെന്നും. ഒരു പുതിയ പ്രണയത്തിനായി ഞാന്‍ ഇപ്പോഴും കാത്തിരിക്കുകയാണെന്നും ഷക്കീല പറയുന്നു.ഒറ്റപെട്ടു പോകും എന്ന് സുരക്ഷിത താവളങ്ങളില്‍ മറഞ്ഞു പറയുന്നവരുടെയും എന്തെങ്കിലും ഒക്കെ പറഞ്ഞു തുടങ്ങുമ്പോള്‍ തന്നെ തെറി വിളിച്ചും സഹതപിച്ചും പരിഹസിച്ചും നിശബ്ദരാക്കുന്നവരുടെയും ഇടയില്‍ ജീവിക്കാനുള്ള ഊര്‍ജ്ജം നിറച്ച് തെറിയും അസഭ്യങ്ങളും മാത്രം കേട്ടു ശീലിച്ച ചതി മാത്രം പരിചയിച്ച ഒരു യുവതി മാനുഷിക പരിഗണന എന്ന മിനിമം കടമയെങ്കിലും തന്നോട് കാണിക്കമെന്ന് പറയാതെ പറയുന്നു ഈ പുസ്തകത്തില്‍ എന്നും സലിം കുമാര്‍ വ്യക്തമാക്കുന്നു.