ആരാ ഇതിന് ഉത്തരവാദി നമ്പി നാരായണന് പത്മഭൂഷണ് നല്കരുതായിരുന്നു; ഇത് തെറ്റായ തീരുമാനം; സുപ്രീം കോടതി പരിശോധിക്കുന്ന കേസില് ഉള്ള ആളിന് എന്തിന് അവാര്ഡ് നല്കി; റെക്കമെന്റ് നടത്തിയ സംസ്ഥാന സര്ക്കാര് തീരുമാനം തെറ്റ്
റിപ്പബ്ലിക് ദിനത്തോടനുബന്ധിച്ചുള്ള പത്മ ഭൂഷണ് നല്കിയ ഐഎസ്ആര്ഒ മുന് ശാസ്ത്രജ്ഞന് നമ്പി നാരായണനെതിരെ തുറന്നടിച്ച് മുന് ഡിജിപി ടി.പി. സെന് കുമാര്. നമ്പി നാരായണന് പത്മഭൂഷണ് നല്കരുതായിരുന്നുവെന്നാണ് സെന്കുമാര് പറയുന്നത്. ഇത് തെറ്റായ തീരുമാനമാണ്. സുപ്രീം കോടതി പരിശോധിക്കുന്ന കേസില് ഉള്ള ആളിന് എന്തിന് അവാര്ഡ് നല്കി. റെക്കമെന്റ് നടത്തിയ സംസ്ഥാന സര്ക്കാര് തീരുമാനം തെറ്റാണ്. അത് വിലയിരുത്തിയ കേന്ദ്ര സര്ക്കാര് തീരുമാനവും തെറ്റാണ്. എത്രയോ പ്രഗത്ഭരായ ശാസ്ത്രജ്ഞരുണ്ട്. അവരെ ഒഴിവാക്കി നമ്പി നാരായണന് എന്തിന് കൊടുത്തു.
ഞാന് ഒരു പുസ്തകം എഴുതുന്നുണ്ട്. അതില് എല്ലാം പറയും. ചാരക്കേസ് പഠിക്കാതെയാണ് പലരും പെരുമാറുന്നത്. ഐഎസ്ആര്ഒയെ നശിപ്പിക്കുന്നതിനാണെങ്കില് ഐഎസ്ആര്ഒ ഡയറക്ടറെയല്ലെ കേസില്പ്പെടുത്തേണ്ടത്. ഒരു പ്രതിയായ ആളിന് ഇതുപോലെ പുരസ്കാരം നല്കാന് പാടില്ല. വിതുര പെണ്വാണിഭ കേസില് പ്രതിയായ ഒരാളിന് പുരസ്കാരം നല്കിയാല് എങ്ങനെയിരിക്കും. നമ്പിനാരായണന് മാത്രം 50 ലക്ഷം കൊടുത്തതിനേയും സെന്കുമാര് ചോദ്യം ചെയ്തു. ശക്തമായ നിയമ നടപടികളുമായി മുന്നോട്ട് പോകുമെന്നും അറിയിച്ചു.
ഇന്നലെയാണ് പത്മ പുരസ്കാരങ്ങള് പ്രഖ്യാപിച്ചത്. നടന് മോഹന്ലാലിനും ഐഎസ്ആര്ഒ മുന് ശാസ്ത്രജ്ഞന് നമ്പി നാരായണനും അന്തരിച്ച മുന് മാധ്യമ പ്രവര്ത്തകന് കുല്ദീപ് നയ്യാരും അടക്കം 14 പേര്ക്ക് പത്മഭൂഷണ് ലഭിച്ചു.
ഗായകന് കെ.ജി. ജയന്, പുരാവസ്തു ഗവേഷകന് കെ.കെ. മുഹമ്മദ്, ശ്രീനാരായണധര്മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ, കൊല്ക്കത്ത ടാറ്റ മെഡിക്കല് സെന്റര് ഡയറക്ടര് ഡോ. മാമ്മന് ചാണ്ടി എന്നിവര്ക്ക് പത്മശ്രീ പുരസ്കാരവും ലഭിച്ചു.
അന്തരിച്ച ഹിന്ദി നടന് കാദര് ഖാന് (മരണാനന്തരം) ഉള്പ്പെടെ 94 പേരാണ് പത്മശ്രീ പുരസ്കാരത്തിന് അര്ഹരായത്. ബോളിവുഡ് നടന് മനോജ് ബാജ്പേയ്, ഫുട്ബോള് താരം സുനില് ഛേത്രി, തമിഴ് നടന് പ്രഭു ദേവ, ഇന്ത്യന് ക്രിക്കറ്റ് താരം ഗൗതം ഗംഭീര്, ഗായകന് ശങ്കര് മഹാദേവന്, ഡ്രമ്മിസ്റ്റ് ശിവമണി, ഗുസ്തി താരം ബജ്രംഗ് പുനിയ തുടങ്ങിയവരും പത്മശ്രീ പുരസ്കാരത്തിന് അര്ഹരായി.
നാടന് കലാകാരന് തീജന് ബായ്, കിഴക്കന് ആഫ്രിക്ക ആസ്ഥാനമായി പ്രവര്ത്തിക്കുന്ന പൊതുപ്രവര്ത്തകന് ഇസ്മായില് ഉമര് ഗുലെ, ലാര്സന് ആന്ഡ് ടര്ബോ കമ്പനി ചെയര്മാന് അനില് മണിഭായ് നായിക്, മറാഠി നാടകാചാര്യന് ബല്വന്ത് മൊറേശ്വര് പുരന്ദരെ എന്നിവര്ക്കാണു പുരസ്കാരം ലഭിച്ചത്.
നമ്പി നാരായണന് നീതി ഉറപ്പുവരുത്തണമെന്നും നഷ്ടപരിഹാരം വര്ധിപ്പിക്കണമെന്നും സുപ്രീംകോടതിയാണ് നേരത്തെ വിധിച്ചത്. ഐ.എസ്.ആര്.ഒ ചാരക്കേസ് അന്വേഷിച്ച ഉദ്യോഗസ്ഥര്ക്ക് എതിരെ നടപടി ആവശ്യപ്പെട്ട് നമ്പി നാരായണന് നല്കിയ ഹരജി സുപ്രീംകോടതി വിധി പറയാനായി മാറ്റിയ വേളയിലാണ് കോടതി ബെഞ്ച് ഇങ്ങനെ അഭിപ്രായപ്പെട്ടത്. സുപ്രീംകോടതിയുടെ മേല്നോട്ടത്തില് അന്വേഷണത്തിന് തയാറാണെന്ന് സി.ബി.ഐ അറിയിച്ചതിന് പിന്നാലെ വാദം കേള്ക്കല് അവസാനിപ്പിച്ച് ചീഫ് ജസ്റ്റിസ് അധ്യക്ഷനായ ബെഞ്ച് കേസ് വിധിപറയാനായി മാറ്റുകയായിരുന്നു.
ചാരക്കേസ് സി.ബി.ഐ ഉദ്യോഗസ്ഥര് ഉള്പ്പെട്ട കേസാണെങ്കിലും ഏജന്സിയെന്ന നിലയില് അന്വേഷണത്തെ ഭയക്കുന്നില്ലെന്ന് സി.ബി.ഐ അഭിഭാഷകന് വാദിച്ചു. ഇത് കോടതിയുടെ മേല്നോട്ടത്തില് തന്നെയാകണമെന്നും അഭിഭാഷകന് ബോധിപ്പിച്ചു.സത്യസന്ധനായ ഉദ്യോഗസ്ഥനാണ് സിബി മാത്യുസ് എന്നും വിവരാവകാശ കമീഷണര് വരെയായി പ്രവര്ത്തിച്ച ചരിത്രം നോക്കിയാല് ഇത് ബോധ്യമാകുമെന്നും അദ്ദേഹത്തിന്റെ അഭിഭാഷകന് വാദിച്ചു. ഇനിയൊരന്വേഷണം അപമാനിക്കാനാണെന്നും അഭിഭാഷകന് കൂട്ടിച്ചേര്ത്തു.
നഷ്ടപരിഹാരം തങ്ങള് നല്കേണ്ടതുണ്ടോ എന്ന നമ്പി നാരായണന്റെ എതിര്കക്ഷികളുടെ ചോദ്യത്തിന് നഷ്ടപരിഹാരം എന്തുകൊണ്ട് നിങ്ങള്ക്ക് നല്കിക്കൂടാ എന്ന് ബെഞ്ച് തിരിച്ചുചോദിച്ചു. നഷ്ടപരിഹാരം നമ്പി നാരായണന് എങ്ങനെ ലഭ്യമാക്കുമെന്ന കാര്യത്തില് സംസ്ഥാന സര്ക്കാര് തീരുമാനമെടുക്കട്ടെ എന്ന് ചീഫ് ജസ്റ്റിസ് ദീപക് മിശ്ര പറഞ്ഞു.
എന്തുതന്നെയായാലും നമ്പി നാരായണന് നീതി ലഭിക്കേണ്ടതുണ്ടെന്നും അന്വേഷണം ഏതുനിലക്ക് വേണമെന്ന് തീരുമാനമെടുക്കേണ്ടിയിരിക്കുന്നുവെന്നും ജസ്റ്റിസ് ചന്ദ്രചൂഡ് അഭിപ്രായപ്പെട്ടു. കേസിനായി 19ാം തവണയാണ് ഡല്ഹിയില് വരുന്നതെന്ന് നമ്പി നാരായണന് കോടതിക്കുപുറത്ത് പറഞ്ഞു. ഈ കേസിനുള്ള അവസാനത്തെ വരവായിരിക്കുമിതെന്നാണ് കരുതുന്നതെന്നും നീതി ലഭിക്കുമെന്നാണ് പ്രതീക്ഷയെന്നും നമ്പി നാരായണന് പറഞ്ഞു. അതാണ് സംഭവിച്ചത്. എന്നാല് സെന് കുമാറിന്റെ നിലപാടോടെ വീണ്ടും കേസ് മാറി മറിയും.
"
https://www.facebook.com/Malayalivartha
