ആര്എസ്എസുകാരെ ആക്രമിച്ച ശേഷം വിദേശത്തേക്ക് മുങ്ങിയ പ്രതി 15 വര്ഷത്തിനു ശേഷം പിടിയില്
തിരൂര് മംഗലത്ത് ആര്.എസ്.എസ് പ്രവര്ത്തകരെ ആക്രമിച്ച കേസിലെ പ്രതിയായ എസ്.ഡി.പി.ഐ പ്രവര്ത്തകന് 15 വര്ഷത്തിനു ശേഷം അറസ്റ്റില്. മംഗലം തോട്ടിലങ്ങാട് അബ്ദുള് ഗഫൂറാണ് അറസ്റ്റിലായത്. വിദേശത്തേക്ക് തിരികെ പോകാന് കരിപ്പൂര് വിമാനത്താവളത്തിലെത്തിയപ്പോഴാണ് പ്രതി പിടിയിലായത്.
2004-ലാണ് മംഗലത്ത് വച്ച് ആര് എസ് എസ്, എസ്.ഡി.പി.ഐ സംഘര്ഷമുണ്ടായത്. അതിനു ശേഷം ഒളിവില് പോയതായിരുന്നു അബ്ദുള് ഗഫൂര്. 2018-ല് മഞ്ചേരി സെഷന്സ് കോടതി ഇയാളെ പിടികിട്ടാപുള്ളിയായി പ്രഖ്യാപിച്ചു. തുടര്ന്ന് ലുക്ക് ഔട്ട് നോട്ടീസും പുറത്തിറക്കി.
യു.എ.ഇയില് ഡ്രൈവറായി ജോലിചെയ്യുകയായിരുന്നു. ഇടക്കിടെ പൊലിസിന്റ കണ്ണുവെട്ടിച്ചു നാട്ടില് വന്നു പോയി. ഇത്തവണ നാട്ടില് വന്നു തിരികെ വിദേശത്തേക്ക് പോകുന്നതിനിടെ കരിപ്പൂര് വിമാനത്താവളത്തില് വച്ച് ഇമിഗ്രേഷന് വകുപ്പ് ഉദ്യോഗസ്ഥരാണ് പിടികൂടിയത്. ലുക്ക് ഔട്ട് നോട്ടിസിന്റെ അടിസ്ഥാനത്തില് ആയിരുന്നു ഇത്. തുടര്ന്ന് തിരൂര് പൊലിസിനു കൈമാറി.
വധ ശ്രമം, മതസ്പര്ധ വളര്ത്തുന്ന രീതിയിലുള്ള പ്രവര്ത്തനം തുടങ്ങിയ വകുപ്പുകളാണ് പ്രതിക്കുനേരെ ചുമത്തിയിട്ടുള്ളത്. മഞ്ചേരി കോടതിയില് ഹാജരാക്കിയ പ്രതിയെ റിമാന്ഡുചെയ്തു.
https://www.facebook.com/Malayalivartha
