പശ്ചിമബംഗാളിലെ കോല്ക്കത്തയില് നാടകീയ രംഗങ്ങള്; പോലീസ് കമ്മീഷണറുടെ ഓഫീസില് പരിശോധനയ്ക്കെത്തിയ സിബിഐ ഉദ്യോഗസ്ഥരെ പോലീസ് അറസ്റ്റു ചെയ്തു

പശ്ചിമബംഗാളിലെ കോല്ക്കത്തയില് നാടകീയ രംഗങ്ങള്. പോലീസ് കമ്മീഷണറുടെ ഓഫീസില് പരിശോധനയ്ക്കെത്തിയ സിബിഐ ഉദ്യോഗസ്ഥരെ പോലീസ് അറസ്റ്റു ചെയ്തു. അഞ്ച് സിബിഐ ഉദ്യോഗസ്ഥരെയാണ് പോലീസ് അറസ്റ്റു ചെയ്തത്. ഐപിഎസ് ഉദ്യോഗസ്ഥനായ രാജീവ് കുമാറിന്റെ ഓഫീസില് പരിശോധനയ്ക്കെത്തിയ സിബിഐ ഉദ്യോഗസ്ഥരെയാണ് പോലീസ് അറസ്റ്റു ചെയ്തത്.
കോല്ക്കത്ത സിബിഐ ഓഫീസും പോലീസ് വളഞ്ഞു. സിബിഐ ജോയിന്റ് ഡയറക്ടറുടെ വീട്ടിലും പോലീസെത്തി. പോലീസിനു പിന്തുണയുമായി മുഖ്യമന്ത്രി മമത ബാനര്ജിയും രംഗത്തെത്തിയിട്ടുണ്ട്. മമത രാജീവ് കുമാറിന്റെ വീട് സന്ദര്ശിച്ചു.
ഇന്ന് രാവിലെ മുതല് പശ്ചിമബംഗാള് കേന്ദ്ര-സംസ്ഥാന സര്ക്കാരുകള് തമ്മിലുള്ള പോരിന് സാക്ഷ്യം വഹിച്ചിരുന്നു. ഇന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥിന്റെ ഹെലികോപ്ടറിന് ബംഗാളില് ഇറങ്ങാന് മമത അനുമതി നിഷേധിച്ചിരുന്നു. ബിജെപിയുടെ റാലില് പങ്കെടുക്കുന്നതിനുവേണ്ടിയാണ് യോഗി അനുമതി തേടിയാണ്.
ഇതിനു പിന്നാലെ പശ്ചിമബംഗാളില് മമതയ്ക്കെതിരെ ബിജെപി പ്രവര്ത്തകര് പ്രതിഷേധങ്ങള് സംഘടിപ്പിച്ചിരുന്നു. തൃണമൂല് കോണ്ഗ്രസിന്റെ ഓഫീസുകള്ക്കു നേരെയും പ്രതിഷേധങ്ങള് അരങ്ങേറിയിരുന്നു. ഇതിനു പിന്നാലെയാണ് റെയ്ഡിനെത്തിയ സിബിഐ ഉദ്യോഗസ്ഥരെ പോലീസ് അറസ്റ്റു ചെയ്തത്.
ശാരദ, റോസി വാലി ചിട്ടിത്തട്ടിപ്പുമായി ബന്ധപ്പെട്ട് ചോദ്യം ചെയ്യാനായി രാജീവ് കുമാറിനെ തേടി സിബിഐ ഉദ്യോഗസ്ഥര് ഇന്ന് രാവിലെ കോല്ക്കത്തിയില് എത്തിയിരുന്നു. എന്നാല് ഐപിഎസ് ഉദ്യോഗസ്ഥനായ രവി കുമാറിനെ കഴിഞ്ഞ വെള്ളിയാഴ്ച മുതല് കാണാനില്ലെന്നാണ് പറയുന്നത്.
ശാരദ ചിട്ടിത്തട്ടിപ്പുമായ ബന്ധപ്പെട്ട പ്രത്യേക അന്വേഷണ സംഘത്തിന്റെ തലവനായിരുന്നു രവി കുമാര്. കേസില് കാണാതായ രേഖകളേയും ഫയലുകളേയും സംബന്ധിച്ച് ചോദിച്ചറിയുവാന് സിബിഐ രവി കുമാറിന് നോട്ടീസ് അയച്ചിരുന്നെങ്കിലും പ്രതികരിച്ചിരുന്നില്ല.
രണ്ടു തവണയാണ് സിബിഐ ഇദ്ദേഹത്തിനു നോട്ടീസ് അയച്ചത്. എന്നാല് പ്രതികരണം ഉണ്ടായില്ലെന്ന് സിബിഐ ഉദ്യോഗസ്ഥര് പറയുന്നു. ശാരദ ചിട്ടിത്തട്ടിപ്പ് കേസ് വൈകിപ്പിക്കാനും ഇല്ലാതാക്കാനുമുള്ള ശ്രമങ്ങളില് രവി കുമാറിന് പങ്കുണ്ടെന്നാണ് സിബിഐ കരുതുന്നത്.
തെരഞ്ഞെടുപ്പ് മുന്നൊരുക്കങ്ങള്ക്കായി തെരഞ്ഞെടുപ്പ് കമ്മീഷന് വിളിച്ചു ചേര്ത്ത യോഗത്തിലും രാജീവ് കുമാര് പങ്കെടുത്തിരുന്നില്ല. ഇതുമായി ബന്ധപ്പെട്ട് തെരഞ്ഞെടുപ്പ് കമ്മീഷന് സംസ്ഥാന സര്ക്കാരിനോട് വിശദീകരണം ചോദിച്ചിട്ടുണ്ട്.
ചിട്ടിത്തട്ടിപ്പ് കേസ് അന്വേഷിക്കുന്ന പ്രത്യേക അന്വേഷണ സംഘത്തിന്റെ തലവനായി 2013 ല് ആണ് രാജീവ് കുമാറിനെ നിയമിക്കുന്നത്. ഇദ്ദേഹം കേസില് പലരേയും രക്ഷിക്കുന്നതിനായി പ്രധാനപ്പെട്ട പല വിവരങ്ങളും നഷ്ടപ്പെടുത്തുകയോ നശിപ്പിക്കുകയോ ചെയ്തെന്നാണ് സിബിഐ സംശയിക്കുന്നത്.
രണ്ടു തവണയാണ് സിബിഐ ഇദ്ദേഹത്തിനു നോട്ടീസ് അയച്ചത്. എന്നാല് പ്രതികരണം ഉണ്ടായില്ലെന്ന് സിബിഐ ഉദ്യോഗസ്ഥര് പറയുന്നു. ശാരദ ചിട്ടിത്തട്ടിപ്പ് കേസ് വൈകിപ്പിക്കാനും ഇല്ലാതാക്കാനുമുള്ള ശ്രമങ്ങളില് രവി കുമാറിന് പങ്കുണ്ടെന്നാണ് സിബിഐ കരുതുന്നത്.
തെരഞ്ഞെടുപ്പ് മുന്നൊരുക്കങ്ങള്ക്കായി തെരഞ്ഞെടുപ്പ് കമ്മീഷന് വിളിച്ചു ചേര്ത്ത യോഗത്തിലും രാജീവ് കുമാര് പങ്കെടുത്തിരുന്നില്ല. ഇതുമായി ബന്ധപ്പെട്ട് തെരഞ്ഞെടുപ്പ് കമ്മീഷന് സംസ്ഥാന സര്ക്കാരിനോട് വിശദീകരണം ചോദിച്ചിട്ടുണ്ട്.
ചിട്ടിത്തട്ടിപ്പ് കേസ് അന്വേഷിക്കുന്ന പ്രത്യേക അന്വേഷണ സംഘത്തിന്റെ തലവനായി 2013 ല് ആണ് രാജീവ് കുമാറിനെ നിയമിക്കുന്നത്. ഇദ്ദേഹം കേസില് പലരേയും രക്ഷിക്കുന്നതിനായി പ്രധാനപ്പെട്ട പല വിവരങ്ങളും നഷ്ടപ്പെടുത്തുകയോ നശിപ്പിക്കുകയോ ചെയ്തെന്നാണ് സിബിഐ സംശയിക്കുന്നത്.
https://www.facebook.com/Malayalivartha






















