കെ.എസ്.ആര്.ടി.സി എംപാനല് ജീവനക്കാരും അഡൈ്വസ് മെമ്മോ ലഭിച്ചിട്ടും നിയമനം ലഭിക്കാത്തത് ചോദ്യം ചെയ്ത്ഉദ്യോഗാര്ഥികളും നല്കിയ ഹര്ജിയില് ഹൈക്കോടതി വിധി ഇന്ന്
കെ.എസ്.ആര്.ടി.സിയില് അഡൈ്വസ് മെമ്മോ ലഭിച്ചിട്ടും നിയമനം ലഭിക്കാത്തത് ചോദ്യം ചെയ്തത് ഉദ്യോഗാര്ഥികള് നല്കിയ ഹരജിയിലും പിരിച്ചുവിട്ട നടപടി ചോദ്യം ചെയ്തു. എംപാനല് ജീവനക്കാര് നല്കിയ ഹരജിയിലും ഹൈക്കോടതി ഇന്ന് വിധി പറയും. ജസ്റ്റിസുമാരായ വി ചിദംബരേഷ്, നാരായണ പിഷാരടി എന്നിവരടങ്ങിയ ഡിവിഷന് ബെഞ്ചാണ് വിധി പറയുക. നേരത്തെ കേസ് പരിഗണിച്ച കോടതി പത്തു വര്ഷത്തില് കുറവ് സര്വീസ് ഉള്ള മുഴുവന് എംപാനല് ജീവനക്കാരെയും പിരിച്ചുവിടാന് നിര്ദേശം നല്കിയിരുന്നു.
ഒഴിവുകളിലേക്ക് പി.എസ്.സി ലിസ്റ്റില് നിന്നും നിയമനം നടത്താനും കെ.എസ്.ആര്.ടി.സിയോട് ഇടക്കാല ഉത്തരവിലൂടെ ആവശ്യപ്പെട്ടിരുന്നു. ഉത്തരവിന്റെ അടിസ്ഥാനത്തില്1421 പേര് ജോലിയില് പ്രവേശിപ്പിച്ചു. ഇതിനിടെ കേസില് കക്ഷിചേരാന് എം പാനല് ജീവനക്കാരെയും ഹൈക്കോടതി അനുവദിച്ചിരുന്നു. പത്തു വര്ഷത്തില് കൂടുതല് സര്വീസ് ഉള്ളവരോട് കെ.എസ്.ആര്.ടി.സി പ്രതികാര ബുദ്ധിയാണ് കാണിച്ചതെന്നും മിനിമം വേതനം പോലും അനുവദിച്ചിരുന്നില്ലെന്നും എം പാനല് ജീവനക്കാര് ഹൈകോടതിയെ അറിയിച്ചിട്ടുണ്ട്.
"
https://www.facebook.com/Malayalivartha
