ശബരിമല യുവതീപ്രവേശനം അനുവദിച്ച ഭരണഘടനാ ബെഞ്ചിന്റെ വിധിക്കെതിരെ നല്കിയ പുനപരിശോധനാ ഹര്ജിയില് സുപ്രീംകോടതിക്ക് മുന്നിലുള്ളത് അഞ്ച് കാര്യങ്ങളാണെന്ന് നിയമവിദഗ്ധര് വിലയിരുത്തുന്നു
ശബരിമല യുവതീപ്രവേശനം അനുവദിച്ച ഭരണഘടനാ ബെഞ്ചിന്റെ വിധിക്കെതിരെ നല്കിയ പുനപരിശോധനാ ഹര്ജിയില് സുപ്രീംകോടതിക്ക് മുന്നിലുള്ളത് അഞ്ച് കാര്യങ്ങളാണെന്ന് നിയമവിദഗ്ധര് വിലയിരുത്തുന്നു. 1. യുവതീ പ്രവേശന വിധി പുനഃപരിശോധിക്കേണ്ടെന്ന് വിലയിരുത്തി പുനപരിശോധനാ ഹര്ജികള് അടക്കം എല്ലാ ഹര്ജികളും തള്ളുക, 2. ഹര്ജികളില് വാദം കേള്ക്കാനുള്ള സമയക്രമം നിശ്ചയിച്ചു കേസ് മാറ്റുക,
3. വിധി പുനഃപരിശോധിക്കാനായി എതിര് കക്ഷികള്ക്ക് നോട്ടീസ് അയക്കുക, യുവതീ പ്രവേശന വിധി സ്റ്റേ ചെയ്യുക, 4. ഹര്ജികളില് വിശദമായി വാദം കേള്ക്കാനായി എതിര് കക്ഷികള്ക്ക് നോട്ടീസ് അയക്കുക, എന്നാല് യുവതി പ്രവേശന വിധി സ്റ്റേ ചെയ്യാതിരിക്കുക, 5. ഏഴംഗ ബെഞ്ചിന് ഹര്ജികള് വിടണമോ എന്നു പരിശോധിക്കുക.
ഇതില് ഏത് തീരുമാനമാണ് എടുക്കുക എന്ന് തീരുമാനിക്കുന്നത് ഭരണഘടനാ ബെഞ്ചിലെ ഭൂരിപക്ഷ നിലപാടാണ്. ജസ്റ്റിസ് ഇന്ദു മല്ഹോത്രയാണ് നിലവില് യുവതീ പ്രവേശന വിധിയോടുള്ള വിയോജിപ്പ് എഴുതിയിട്ടുള്ളത്. ജസ്റ്റിസ്മാരായ ആര്.എഫ് നരിമാന്, ഡി.വൈ ചന്ദ്രചൂഡ്, എ എം ഖാന്വില്ക്കര് എന്നിവര് ഭൂരിപക്ഷ വിധിക്കൊപ്പം നിന്നു. ബെഞ്ചിലെ പുതിയ അംഗമായ ചീഫ് ജസ്റ്റിസിന്റെ നിലപാട് വിധിക്ക് എതിരോ, അനുകൂലമോ എന്നതും നിര്ണായകമാകും. അഞ്ചംഗ ബെഞ്ചിലെ മൂന്ന് ജഡ്ജിമാരെങ്കിലും വിധി പുനപരിശോധിക്കണമെന്ന നിലപാടില് എത്തിയാലെ അത് സാധ്യമാകൂ. അതിന് ജസ്റ്റിസ് ഇന്ദു ല്ഹോത്രയ്ക്ക് പുറമേ ഭൂരിപക്ഷ വിധിന്യായത്തിന്റെ ഭാഗമായ ഒരു ജഡ്ജിയും ചീഫ് ജസ്റ്റിസുമെങ്കിലും വിചാരിക്കേണ്ടി വരും. അത് എത്രത്തോളം സാധ്യമാകുമെന്ന് കാത്തിരുന്ന് കാണേണ്ടിവരും.
പുനപരിശോധന ഹര്ജികളില് സാധാരണ വിയോജിച്ചു വിധിയെഴുത്തുന്ന പതിവില്ലെന്നാണ് മുതിര്ന്ന അഭിഭാഷകര് ഉള്പ്പെടെ ചൂണ്ടിക്കാട്ടുന്നു. ഹര്ജികള് തള്ളാനാണ് ബെഞ്ചിന്റെ തീരുമാനമെങ്കില് ജസ്റ്റിസ് ഇന്ദു മല്ഹോത്ര പരസ്യമായി വിയോജിപ്പ് രേഖപ്പെടുത്തുമോ? എന്നതും ആകാംഷയോടെയാണ് നിയമവിദഗ്ധര് നോക്കിക്കാണുന്നത്. കേവലം ഒരു ജഡ്ജിയുടെ വിയോജിപ്പ് ചൂണ്ടിക്കാട്ടി ഹര്ജികള് വിശാല ബെഞ്ചിന്റെ പരിഗണനയ്ക്ക് വിടുന്ന ചര്ച്ചയിലേക്ക് ചീഫ് ജസ്റ്റിസ് കടക്കുമോ തുടങ്ങിയ സംശയങ്ങളും ചില അഭിഭാഷകര് പങ്കുവെച്ചു. ഭരണഘടനാ ബെഞ്ചിന്റെ വിധി പുനപരിശോധിക്കാന് മറ്റൊരു ബെഞ്ചിന് മാത്രമേ അധികാരമുള്ളൂ. അല്ലാതെ ഓര്ഡിനന്സിലൂടെ നിര്വീര്യമാക്കാന് കഴിയില്ലെന്ന് സുപ്രീംകോടതി അഭിഭാഷകനായ അഡ്വ. കാളീശ്വരം രാജ് ചൂണ്ടിക്കാട്ടുന്നു.
അതേസമയം ഭൂരിപക്ഷ തീരുമാനത്തിന് അനുസരിച്ച് സുപ്രീംകോടതി ഒരു വിധിയും മാറ്റിയെഴുതിയ ചരിത്രം ഉണ്ടായിട്ടില്ലെന്ന് നിയമവിദഗ്ധര് ചൂണ്ടിക്കാട്ടുന്നു. കോടതി വിധി ഭൂരിപക്ഷത്തിന്റെ വികാരം വ്രണപ്പെടുത്തിയെന്ന വാദം അതിനാല് നിലനില്ക്കില്ല. കാരണം മൗലികഅവകാശം അനുവദിച്ചും യുവതീപ്രവേശനം ഒരുതരത്തിലുള്ള അയിത്തമാണെന്നും കാണിച്ചാണ് സുപ്രീംകോടതി വിധി പുറപ്പെടുവിച്ചത്. അതും ഭൂരിപക്ഷ ബെഞ്ചിന്റെ വിധി. ഇന്ത്യന് ഭരണഘടനയനുസരിച്ച് ഒരുപാട് പേര്ക്കെതിരെയും ഒരാള്ക്ക് അനുകൂലമായും വിധി പുറപ്പെടുവിക്കാന് സുപ്രീംകോടതിക്ക് അധികാരമുണ്ട്. അതേസമയം വിധിയില് പിഴവുണ്ടെന്ന് ബോധിപ്പിച്ചാല് റദ്ദാക്കാനും അടുത്ത ഭരണഘടനാ ബെഞ്ചിന് വിടാനും സുപ്രീംകോടതിക്ക് അധികാരമുണ്ട്.
https://www.facebook.com/Malayalivartha
