സംസ്ഥാനത്തെ ബി.ജെ.പി സ്ഥാനാര്‍ത്ഥികളുടെ പ്രാഥമിക പട്ടിക കേന്ദ്രനേതൃത്വത്തിന് സമര്‍പ്പിച്ചു. തിരുവനന്തപുരത്ത് കുമ്മനത്തിനാണ് പരിഗണന. കുമ്മനമില്ലെങ്കില്‍ കെ.സുരേന്ദ്രന്‍, സുരേഷ് ഗോപി, പി.എസ് ശ്രീധരന്‍ പിള്ള എന്നിവരാണ് സാധ്യതാ പട്ടികയില്‍ ഉള്ളത്. തിരുവനന്തപുരത്തിന് പുറമേ തൃശ്ശൂരും കാസര്‍ഗോഡും കെ.സുരേന്ദ്രനെയും പരിഗണിക്കുന്നുണ്ട്.

ഇടതു വലതു മുന്നണികളെ ആദ്യവട്ടം പിന്നിലാക്കി, പ്രാഥമിക സ്ഥാനാര്‍ത്ഥി സാദ്ധ്യതാ പട്ടികയുമായി ബി.ജെ.പി. സംസ്ഥാന അദ്ധ്യക്ഷന്‍ ഇന്നലെ ദേശീയ നേതൃത്വത്തിനു സമര്‍പ്പിച്ച പട്ടികയനുസരിച്ച് പാര്‍ട്ടിയുടെ പ്രമുഖ നേതാക്കളെല്ലാം ലോക്‌സഭാ മത്സരരംഗത്തുണ്ടാകും. എന്നാല്‍, ദേശീയ നേതൃത്വം നടത്തുന്ന സര്‍വേ കൂടി അടിസ്ഥാനമാക്കിയാവും അന്തിമ പട്ടികയെന്നാണ് സംസ്ഥാന അദ്ധ്യക്ഷന്‍ പി.എസ്. ശ്രീധരന്‍പിള്ള. തുഷാര്‍ വെള്ളാപ്പള്ളി മത്സരരംഗത്തേയ്ക്ക് എത്തിയാല്‍ ഇപ്പോള്‍ പുറത്തു വന്നിട്ടുള്ള പട്ടികയില്‍ മാറ്റം വരും.

22 ന് തലസ്ഥാനത്ത് എത്തുന്ന അമിത്ഷായുമായി ചര്‍ച്ച നടത്തി അന്തിമ തീരുമാനത്തിലെത്തും. പ്രാഥമിക പട്ടിക കേന്ദ്ര നേതൃത്വത്തിന് കൈമാറിയതായി സംസ്ഥാന അധ്യക്ഷന്‍ പി.എസ് ശ്രീധരന്‍ പിള്ള പറഞ്ഞു. പറഞ്ഞു. മൂന്നു പേരുകള്‍ വീതമാണ് ബി.ജെ.പി പ്രാഥമിക പട്ടികയില്‍ ഉള്ളത്. ശ്രീധരന്‍പിള്ള സമര്‍പ്പിച്ച സാദ്ധ്യതാ പട്ടികയെക്കുറിച്ച് അറിയില്ലെന്നും, പാര്‍ട്ടിയില്‍ സ്ഥാനാര്‍ത്ഥി നിര്‍ണയം സംബന്ധിച്ച് ഒരു തലത്തിലുമുള്ള ചര്‍ച്ചകള്‍ നടന്നിട്ടില്ലെന്നും മുതിര്‍ന്ന നേതാക്കളില്‍ ഒരു വിഭാഗം പറയുന്നു. പിള്ളയുടേത് ഏകപക്ഷീയ നീക്കമെന്നാണ് ഇവരുടെ ആക്ഷേപം. പാര്‍ട്ടിക്കുള്ളില്‍ ഇത് വരുംദിവസങ്ങളില്‍ പൊട്ടലും ചീറ്റലുമുണ്ടാക്കുമെന്ന് തീര്‍ച്ച. ആര്‍.എസ്.എസ് നിര്‍ദേശിച്ച മോഹന്‍ലാലിന്റെ പേര് ബി.ജെ.പിയുടെ തിരുവനന്തപുരം പട്ടികയില്‍ ഇല്ലെന്നതാണ് ശ്രദ്ധേയം.

എ പ്ലസ് മണ്ഡലങ്ങളായി പാര്‍ട്ടി കരുതുന്ന തിരുവനന്തപുരം, പത്തനംതിട്ട, തൃശ്ശൂര്‍, പാലക്കാട് മണ്ഡലങ്ങളില്‍ മൂന്നിലേറെപ്പേര്‍ പരിഗണനാ പട്ടികയിലുണ്ട്. പത്തനംതിട്ടയില്‍ മഹേഷ് മോഹനര്, അല്‍ഫോന്‍സ് കണ്ണന്താനം, ശശികുമാരവര്‍മ്മ, എം.ടി രമേശ് എന്നിവരെ പരിഗണിക്കുന്നു.
പാലക്കാടും, ആറ്റിങ്ങലും ശോഭാ സുരേന്ദ്രശനയും.

ആറ്റിങ്ങലില്‍ നിന്നും സജീവമായി പരിഗണിച്ച ടി.പി സെന്‍കുമാറിനെ പട്ടികയില്‍ നിന്നും ഒഴിവാക്കി. പദ്മപുരസ്‌കാരത്തില്‍ നമ്പി നാരായണനെതിരെയുള്ള വിവാദ പ്രസ്താവനയാണ് ഒഴിവാക്കാന്‍ കാരണം. അതേസമയം, തുഷാര്‍ മത്സരിച്ചാല്‍, തിരുവനന്തപുരം, പത്തനംതിട്ട ഒഴികെയുള്ള ഏതു മണ്ഡലവും വിട്ടു നല്‍കാന്‍ തയ്യാറായേക്കും. 22 ന് അമിത്ഷാ എത്തുന്നതോടെ കുമ്മനം തിരിച്ചു വരുമോ എന്ന കാര്യത്തില്‍ വ്യക്തത ഉണ്ടായേക്കും.