തീര്ഥാടകര്ക്കു സൗകര്യം ഒരുക്കുന്നതില് ദേവസ്വം ബോര്ഡിന്റെ അധികാരം മാനിക്കണം:- ശബരിമലയില് വീണ്ടും പൊലീസിനു വിമര്ശനം
ശബരിമലയിലെ പൊലീസ് ഇടപെടലുകളെ വിമര്ശിച്ച് ഹൈക്കോടതി നിരീക്ഷകസമിതി. ഹൈദരാബാദില് നിന്നള്ള സംഘത്തിന്റെ ഭജന തടയാന് പൊലീസ് ശ്രമിച്ചതായി നിരീക്ഷകസമിതി വ്യക്തമാക്കി. ദേവസ്വം കമ്മീഷണര് ഭജനയ്ക്ക് അനുമതി നല്കിയിരുന്നു. എന്നാല് ഐജി ബല്റാം കുമാര് ഉപാധ്യായ ഭജന തടയാന് ശ്രമിക്കുകയായിരുന്നു.
നിരീക്ഷകസമിതി ഹൈക്കോടതിയില് സമര്പ്പിച്ച പുതിയ റിപ്പോര്ട്ടിലാണ് പൊലീസിനെതിരായ പരാമര്ശങ്ങളുള്ളത്. തീര്ഥാടകര്ക്കു സൗകര്യം ഒരുക്കുന്നതില് ദേവസ്വം ബോര്ഡിന്റെ അധികാരം മാനിക്കണമെന്നും റിപ്പോര്ട്ടില് വിമര്ശനമുണ്ട്.
അതേസമയം, കുംഭ പുലരിയില് ആയിരങ്ങളാണു ദര്ശനത്തിനായി ശബരിമലയിലെത്തിയത്. ഐശ്വര്യ സമൃദ്ധിക്കായി നടന്ന ലക്ഷാര്ച്ചനയായിരുന്നു പ്രധാന ചടങ്ങ്. കിഴക്കേ മണ്ഡപത്തില് ബ്രഹ്മകലശം പൂജിച്ചു. അതിനുചുറ്റും 15 ശാന്തിക്കാര് വട്ടത്തിലിരുന്ന് അയ്യപ്പ സഹസ്രനാമം ചൊല്ലി അര്ച്ചന കഴിച്ചു. ഉച്ചയോടെ ലക്ഷം മന്ത്രങ്ങള് പൂര്ത്തിയാക്കി ബ്രഹ്മകലശം തന്ത്രി കണ്ഠര് രാജീവരുടെ കാര്മികത്വത്തില് അയ്യപ്പ വിഗ്രഹത്തില് അഭിഷേകം കഴിച്ചു.
https://www.facebook.com/Malayalivartha
