ശബരിമല യുവതീപ്രവേശനം നടത്തരുതെന്ന് ആവശ്യപ്പെട്ട എന്.എസ്.എസ് ജനറല് സെക്രട്ടറി സുകുമാരന് നായര്ക്കെതിരെ രൂക്ഷവിമര്ശനം നടത്തിയ കോടിയേരി അയയുന്നു, ഭൂരിപക്ഷം എന്.എസ്.എസുകാരും സി.പി.എമ്മുകാരാണെന്നും വ്യക്തമാക്കി
ശബരിമല യുവതീപ്രവേശനം നടത്തരുതെന്ന് ആവശ്യപ്പെട്ട എന്.എസ്.എസ് ജനറല് സെക്രട്ടറി സുകുമാരന് നായര്ക്കെതിരെ രൂക്ഷവിമര്ശനം നടത്തിയ കോടിയേരി അയയുന്നു. എന്എസ്എസിനെ ശത്രുവായി കാണുന്നില്ലെന്നും എല്ലാ സമുദായ സംഘടനകളുമായി സഹകരിച്ച് പ്രവര്ത്തിക്കാനാണ് സി.പി.എം ആഗ്രഹിക്കുന്നതെന്നും കോടിയേരി വ്യക്തമാക്കി. ഭൂരിപക്ഷം എന്.എസ്.എസുകാരും സി.പി.എമ്മുകാരാണ്. ശബരിമല വിഷയത്തില് പാര്ട്ടിയും സര്ക്കാരും സ്വീകരിച്ച നിലപാടുകള് ശരിയാണെന്ന് ജനങ്ങള് അംഗീകരിച്ചുകഴിഞ്ഞു. ഉപതെരഞ്ഞെടുപ്പ് നടന്ന തദ്ദേശ സ്ഥാപനങ്ങളില് ഇടത് തരംഗം ഉണ്ടായത് അതാണ് സൂചിപ്പിക്കുന്നത്. മുന്നണിക്ക് വലിയ ആത്മവിശ്വാസമാണ് നല്കുന്നത്.
ലോക്സഭാ തെരഞ്ഞെടുപ്പുമായി ബന്ധപ്പെട്ട് ചാനലുകള് നട്തതിയ സര്വേ റിപ്പോര്ട്ടുകള് അപ്രസക്തമെന്ന് തെളിയിക്കുന്നതാണ് തദ്ദേശ സ്ഥാപനങ്ങളിലെ തെരഞ്ഞെടുപ്പു ഫലം. ഞങ്ങള് അധികാരത്തില് വന്നതിന് ശേഷം തദ്ദേശസ്ഥാപനങ്ങളിലേക്ക് നടന്നിട്ടുള്ള എല്ലാ ഉപതെരഞ്ഞെടുപ്പുകളിലും എല്ഡിഎഫിന് നേട്ടങ്ങമാണ് ഉണ്ടായത്. ചെങ്ങന്നൂരിലെ ചരിത്രവിജയവും നമ്മള് കണ്ടതാണെന്നും കോടിയേരി മാധ്യമ പ്രവര്ത്തകരോട് പറഞ്ഞു. ഒരു ലക്ഷത്തിലധികം വോട്ടുകളാണ് ഉപതെരഞ്ഞെടുപ്പുകളില് മുന്നണിക്ക് വര്ധിച്ചത്. എല്ലാ ഘട്ടങ്ങളിലും ഇടതുപക്ഷ സ്ഥാനാര്ഥികള് മേല്കൈ നേടി.
കോളേജുകളില് ഇടതുപക്ഷ വിദ്യാര്ത്ഥി സംഘടനകളാണ് മുന്നിട്ട് നില്കുന്നത്. ഇടതുപക്ഷ വിദ്യാര്ഥി സംഘടന നേതൃത്വം കൊടുക്കുന്ന യൂണിയനുകളാണ് കേരളത്തിലെ എല്ലാ സര്വ്വകലാശാലകളും ഭരിക്കുന്നത്. വിദ്യാര്ഥികള് ഇടതുപക്ഷത്തോടൊപ്പമാണ് എന്നതാണ് ഈ മാറ്റം ചൂണ്ടികാണിക്കുന്നതെന്നും കോടിയേരി പറഞ്ഞു. ഫെബ്രുവരി ഇരുപതാം തിയതി എല്ഡി.എഫ് സര്ക്കാര് ആയിരം ദിവസം പിന്നിടുകയാണ്. ഇലക്ഷന് കാലത്തെ വാഗ്ദാനങ്ങള് എത്രമാത്രം നടപ്പാക്കിയെന്ന് കൃത്യമായി പരിശോധിച്ചാണ് സര്ക്കാര് മുന്നോട്ട് പോകുന്നത്. അതിനായി പ്രോഗ്രസ്സ് റിപോര്ട്ട് തയ്യാറാക്കിയാണ് ആയിരം ദിവസം ആഘോഷിക്കുന്നത്. അടിസ്ഥാന സൗകര്യ വികസനമാണ് സര്ക്കാരിന്റെ ലക്ഷ്യം. കോര്പ്പറേറ്റുകള്ക്ക് ഗുണമുള്ള ബജറ്റ് കേന്ദ്രസര്ക്കാര് തയ്യാറാക്കിയപ്പോള് അടിസ്ഥാന സൗകര്യ വികാസനമാണ് സംസ്ഥാന ബജറ്റ് ലക്ഷ്യം വെച്ചത്.
സര്ക്കാരിന്റെ നേട്ടങ്ങളും കേന്ദ്രംഭരിക്കുന്ന ബിജെപി സര്ക്കാരിന്റെ ജനവിരുദ്ധ നയങ്ങളും തുറന്നു കാട്ടാനാണ് എല്ഡിഎഫ് ജാഥാ സംഘടിപ്പിക്കുന്നത്. ജാഥ വിജയിപ്പിക്കുന്നതിന് ജനാധിപത്യ വിശ്യാസികളും മതേതര വിശ്വാസികളും മുന്നിട്ടിറങ്ങണമെന്നും കോടിയേരി ആവശ്യപ്പെട്ടു. വടക്കന്,തെക്കന് മേഖലാ ജാഥകള് മാര്ച്ച് രണ്ടിന് തൃശ്ശൂരില് സമാപിക്കും. സമാപന ചടങ്ങില് മുഖ്യമന്ത്രി ഉള്പ്പെടെയുള്ളവര് പങ്കെടുക്കും. രാഷ്ട്രീയ സംഘര്ഷങ്ങള് തടയാന് സര്ക്കാരിന് കഴിയുന്നുണ്ട്. രാഷ്ട്രീയ സംഘര്ഷങ്ങളുടെ പേരില് സ്വകാര്യ സ്വത്തുക്കള് നശിപ്പിച്ചാല് ശിക്ഷ ഉറപ്പാക്കാന് സര്ക്കാര് ഇടപെടും. നിരന്തരമായുണ്ടാകുന്ന രാഷ്ട്രീയ കൊലപാതകങ്ങള് കുറയ്ക്കാന് സര്ക്കാരിന് കഴിഞ്ഞിട്ടുണ്ട്. അതിനു കിട്ടിയ അംഗീകാരമാണ് ഈ ഉപതെരഞ്ഞെടുപ്പ് ഫലം.
https://www.facebook.com/Malayalivartha
