കിണ്ടിക്കള്ളനെ'കമ്മീഷണറാക്കാന് തിരുവിതാംകൂര് ദേവസ്വം ബോര്ഡില് സംഘടനകളുടെ ഐക്യദാര്ഡ്യം; ഉടന് വാസുവിനെ കമ്മീഷണര് കസേരയില് നിന്ന് മാറ്റിയില്ലെങ്കില് പാര്ലമെന്റ് തെരഞ്ഞെടുപ്പിന്റെ വിജ്ഞാപനം വരുകയും വാസുവിന് കസേരക്കാലം കുറച്ചുകൂടി നീട്ടിക്കിട്ടുകയും ചെയ്യുമെന്ന ഭയത്തില് നേതാക്കള്
തിരുവിനന്തപുരം: തിരുവിതാംകൂര് ദേവസ്വം ബോര്ഡില് 'കിണ്ടിക്കള്ളനെ'ദേവസ്വം കമ്മീഷണറാക്കാന് ജീവനക്കാരുടെ സംഘടനകളുടെ ഐക്യദാര്ഡ്യം. നാളിതുവരെ പറഞ്ഞിരുന്ന കാര്യങ്ങളെല്ലാം മറന്നും പരസ്പരം ഉന്നയിച്ചിരുന്ന ആരോപണങ്ങളെല്ലാം വിഴുങ്ങിയും ഏകമനസോടെയാണ് പരേതാത്മാക്കള്ക്ക് മോക്ഷപ്രാപ്തിക്കായി ചെയ്യുന്ന ബലികര്മ്മങ്ങള്ക്ക് ഉപേയോഗിക്കേണ്ട ഓട്ടുകിണ്ടിയില് ചോര്ച്ച വരുത്തിയ 'കിണ്ടിക്കള്ളനെ'കമ്മീഷണറാക്കാന് കൊടിയുടെ നിറം മറന്ന് സംഘടനാ നേതാക്കള് ഒന്നിച്ചത്.
നിലവിലെ കമ്മീഷണര് എന്.വാസുവിന്റെ കാലാവധി അവസാനിച്ചിരുന്നു. എന്നാല് ഹൈക്കോടതി ഇദ്ദേഹത്തിന് ആറാഴ്ച കൂടി കാലാവധി നീട്ടി നല്കിയിരുന്നു. ഇതിനെതിരെ ഐ.എന്.ടി.യു.സിയുടെ പേരിലാണ് കോടതിയേ സമീപിച്ചിരുന്നത്. സംഘടനയുടെ ഒരു നേതാവ് ഇപ്പോള് ദേവസ്വം ഡെപ്യൂട്ടി കമ്മീഷണറാണ്. ആവശ്യമായ യോഗ്യത ഇല്ലാതാണ് നേതാവ് സീറ്റില് ഇരിക്കുന്നത്. വകുപ്പുതല പരീക്ഷ ജയിച്ചിട്ടുള്ള ഇദ്ദേഹത്തിന് കമ്മീഷണര് യോഗ്യതക്കുള്ള അക്കൗണ്ട് പരീക്ഷ പാസാകാന് കഴിഞ്ഞിട്ടില്ല. ഇക്കാര്യം ഉന്നയിച്ച് വിപ്ലവ സംഘടനയുടെ നേതാവ് കേസിനു പോയി. അപ്പോഴാണ് ഈ നേതാവ് ബോര്ഡിലെ ജോലിക്കിടയില് പഞ്ചായത്ത് തെരഞ്ഞെടുപ്പില് മത്സരിച്ചതും വിജയിച്ചതും. മാത്രവുമല്ല ഒരേസമയം ബോര്ഡില് നിന്നും പഞ്ചായത്ത്ില് നിന്നും ശമ്പളവും പറ്റിയിരുന്നു. ഇത് സര്വീസ് നീയമങ്ങള്ക്ക് എതിരാണ്. അങ്ങനെ ഐ.എന്.ടി.യു.സിക്കാരനായ നേതാവ് കിട്ടിയ അവസരം പാഴാക്കാതെ പോറ്റി നേതാവിനെതിരെ പരാതി അയച്ചു. കിട്ടുന്ന അവസരങ്ങളിലെല്ലാം പരസ്പരം ഏറ്റുമുട്ടുകയും ചെയ്തു.
അങ്ങനെയിരിക്കെയാണ് ദേവസ്വം കമ്മീഷണറായി എന്.വാസുവിന്ന്റെ വരവ്. അഴിമതിക്കാരനല്ലാത്ത കമ്മീഷണര് ജീവനക്കാരുടെ കണ്ണിലെ കരടാകാന് താമസമുണ്ടായില്ല. പുതിയ പ്രസിഡന്റ് എ.പത്മകുമാറിനും ഇതൊക്കെ കൊണ്ട് വാസു അനഭിമതനായി. വാസു കസേര ഇനിയും ഉറപ്പിച്ചാല് ഭണ്ഡാരത്തില് നിന്ന് കൈയിട്ടുവാരാന് തങ്ങള്ക്ക് ആവില്ലെന്നു തിരിച്ചറിഞ്ഞ നേതാക്കള് പ്രസിഡന്റിന്റെ അനുഗ്രഹാസിസുകളോട് വാസുവിനെതിരെ തിരിയികയായിരുന്നു. പൊതുശത്രുവിനെ നേരിടാന് മറ്റുള്ള ശത്രുതകളെല്ലാം മറന്ന് ഇവര് കൈകോര്ക്കുകയായിരുന്നു.
അങ്ങനെയാണ് ഇപ്പോഴത്തെ സീനിയര് ദേവസ്വം ഡെപ്യൂട്ടി കമ്മീഷണറായി കിണ്ടിക്കള്ളനെ കമ്മീഷണറാക്കാന് ജീവനക്കാരുടെ സംഘടനകള് തീരുമാനത്തില് എത്തുന്നത്. തിരുവല്ലം പരശുരാമ ക്ഷേത്രത്തില് പൂജാ, ബലി കര്മ്മങ്ങള്ക്കായി കിണ്ടി വാങ്ങിയതില് ലക്ഷങ്ങളുടെ അഴിമതി നടത്തിയെന്ന ആരോപണം ശിരസാവഹിക്കുന്ന ആളാണ് ഈ ഡെപ്യൂട്ടി. മുന് കമ്മീഷണര് ഇതുസംബന്ധിച്ച് വ്യക്തമായ തെളിവുകള് സഹിതം നടപടിക്കായി ബോര്ഡിന് ശിപാര്ശയും നല്കിയിരുന്നു. പക്ഷേ നടപടി വൈകിപ്പിക്കാന് നേതാക്കള് ഏകമനസോടെ ഒന്നിച്ചു. മാത്രവുമല്ല നേതാക്കളില് ഒരാള് ഡെപ്യൂട്ടി ദേവസ്വം കമ്മീഷണറും മറ്റൊരാള് കൊട്ടാരക്കര ഗണപതിയുടെ ഓഫീസറുമായി കസേര ഉറപ്പിക്കുകയും ചെയ്തു.
ഉടന് വാസുവിനെ കമ്മീഷണര് കസേരയില് നിന്ന് മാറ്റിയില്ലെങ്കില് പാര്ലമെന്റ് തെരഞ്ഞെടുപ്പിന്റെ വിജ്ഞാപനം വരുകയും വാസുവിന് കസേരക്കാലം കുറച്ചുകൂടി നീട്ടിക്കിട്ടുകയും ചെയ്യുമെന്ന ഭയത്തില് നേതാക്കള് ബോര്ഡ് ഉന്നതന്റെ നേതൃത്വത്തില് നിയമപരമായും അല്ലാതെയും കരുക്കള് നീക്കുകയാണ്. ബോര്ഡ് ഉന്നതന് നടത്തിയ അഴിമതികളുടെ തെളിവുകള് കൈയ്യിലുള്ള വാസു അത് എടുത്ത് പ്രയോഗിക്കുന്നതിനു മുന്പേ അദ്ദേഹത്തെ നിയമിക്കാനാണ് ചതുരംഗ കട്ടകളില് ശകുനിപ്രയോഗവുമായി എല്ലാവരും കൈകോര്ത്തിരിക്കുന്നത്.
https://www.facebook.com/Malayalivartha
