കീശയില് കാശുണ്ടോ എങ്കില് സീറ്റ് ഉറപ്പ് തരാം... സീറ്റ് നല്കിയാല് തെരഞ്ഞെടുപ്പിന്റെ സാമ്പത്തിക ബാധ്യത ഏറ്റെടുക്കാനുള്ള ശേഷിയുണ്ടോ എന്ന് എന്ഡിഎയിലെ ഘടകകക്ഷികളോടു ബിജെപി
സീറ്റ് നല്കിയാല് തെരഞ്ഞെടുപ്പിന്റെ സാമ്പത്തിക ബാധ്യത ഏറ്റെടുക്കാനുള്ള ശേഷിയുണ്ടോ എന്ന് എന്ഡിഎയിലെ ഘടകകക്ഷികളോടു ബിജെപി. ഒരു പാര്ലമെന്റ് മണ്ഡലത്തില് ചുരുങ്ങിയതു 10 കോടി രൂപയെങ്കിലും പ്രചാരണത്തിനായി ചെലവഴിക്കേണ്ടിവരും. ഈ പണം സ്വന്തം നിലയ്ക്കു സമാഹരിക്കാനാകുമോ എന്നാണു ബിഡിജെഎസ് ഒഴികെയുള്ള ഘടക കക്ഷികളോട് ബിജെപി ചോദിച്ചിരിക്കുന്നത്. ഇതിനു സമ്മതമാണെങ്കില് സീറ്റ് നല്കുന്ന കാര്യം പരിഗണിക്കാം.
ആദ്യം സീറ്റ് തരൂ, സാമ്പത്തിക സമാഹരണ ചര്ച്ച പിന്നീടാകാം എന്നാണു പി.സി. തോമസിന്റെ കേരള കോണ്ഗ്രസും നാഷനലിസ്റ്റ് കേരള കോണ്ഗ്രസും ഇതിനു മറുപടി നല്കിയിരിക്കുന്നത്. സോഷ്യലിസ്റ്റ് ജനതാദള്, എല്ജെപി, പിഎസ്പി എന്നീ കക്ഷികള് ചോദ്യത്തോടു പ്രതികരിച്ചിട്ടില്ല. സീറ്റ് നിഷേധിക്കാനുള്ള ബിജെപിയുടെ തന്ത്രമായി അവര് ഇതിനെ വ്യാഖ്യാനിക്കുന്നു. ബിഡിജെഎസിന്റെ സാമ്പത്തിക അടിത്തറ ശക്തമാണെന്നും തിരഞ്ഞെടുപ്പില് എത്ര പണമിറക്കുന്നതിനും അവര്ക്കു ബുദ്ധിമുട്ടുണ്ടാകില്ലെന്നുമാണു ബിജെപിയുടെ വിലയിരുത്തല്.
അതേസമയം, ചെറിയ പാര്ട്ടികള്ക്കു സീറ്റു നല്കി മല്സരിപ്പിക്കുന്നതു തങ്ങള്ക്കു അധിക സാമ്പത്തിക ബാധ്യതയുണ്ടാകുമെന്നും കണക്കുകൂട്ടുന്നു. സംസ്ഥാന നേതൃത്വത്തിലെ രണ്ടാംനിര നേതാക്കളാണു ഘടകകക്ഷികളുമായി ഇക്കാര്യത്തില് ചര്ച്ച നടത്തുന്നതെന്നും സംസ്ഥാന പ്രസിഡന്റ് പി.എസ്. ശ്രീധരന്പിള്ള ഇടപെട്ട് ഇത്അവസാനിപ്പിക്കണമെന്നും പ്രമുഖ ഘടകകക്ഷി നേതാവ് പ്രതികരിച്ചു. മുന്നണി മര്യാദകള് ലംഘിച്ചു ബിഡിജെഎസുമായി ഏകപക്ഷീയമായി ചര്ച്ചകള് നടത്തുന്നതിനെതിരെ ബിജെപി കേന്ദ്ര നേതൃത്വത്തിനു പരാതി നല്കാനും മറ്റു കക്ഷികള് തീരുമാനിച്ചിട്ടുണ്ട്.
അതേസമയം ലോക്സഭാ തിരഞ്ഞെടുപ്പിനുള്ള സംസ്ഥാനത്തെ സ്ഥാനാര്ഥിപ്പട്ടികയെ ചൊല്ലി ബിജെപിയില് ഭിന്നത തുടരുകയാണ് . സംസ്ഥാന പ്രസിഡന്റ് പി.എസ്.ശ്രീധരന്പിള്ള സ്ഥാനാര്ഥിപ്പട്ടിക തയാറാക്കി ഡല്ഹിക്ക് അയച്ചതു തങ്ങളോടു കൂടിയാലോചിക്കാതെയാണെന്ന നിലപാടുമായി വി. മുരളീധരനും കെ. സുരേന്ദ്രനും കഴിഞ്ഞ ദിവസം ചേര്ന്ന ബിജെപി കോര് കമ്മിറ്റി യോഗത്തില് പങ്കെടുത്തില്ല. എന്തായാലും പാര്ട്ടിക്കകത്ത് സീറ്റിനെ ചൊല്ലി. പ്രശ്നങ്ങള് രൂക്ഷമായി നിലനില്ക്കുമ്പോഴും ഘടകക്ഷികളോട് പണം സമാഹരിക്കു സീറ്റുനല്കാമെന്ന ബി ജെ പിയുടെ പ്രസ്ഥാനവന ഏറെ ചര്ച്ചകള്ക്കും വിവാദങ്ങള്ക്കുമാണ് വഴി തെളിച്ചിരിക്കുന്നത്.
https://www.facebook.com/Malayalivartha
