ഞാന് സെല്ഫി എടുത്തിട്ടില്ല, മറ്റാരോ എടുത്തത്; സെൽഫി എടുക്കാറുമില്ല , ഇതുവരെ എടുത്തിട്ടുമില്ല;സൈനികന്റെ മൃതദേഹത്തിനൊപ്പമുള്ള ഫോട്ടോയില് വിശദീകരണവുമായി മന്ത്രി കണ്ണന്താനം .
പുൽവാമ ഭീകരാക്രമണത്തിൽ കൊല്ലപ്പെട്ട മലയാളി സൈനികന് വിവി വസന്തകുമാറിന്റെ മൃതദേഹത്തിനരികെ നിന്ന് ഫോട്ടോ എടുത്ത് ഫേസ്ബുക്കില് പോസ്റ്റ് ചെയ്ത വിവാദത്തില് വിശദീകരണവുമായി കേന്ദ്രമന്ത്രി അല്ഫോണ്സ് കണ്ണന്താനം രംഗത്ത്. ഇന്നലെ തന്റെ ഫേസ്ബുക്കിൽ പ്രസിദ്ധീകരിച്ച ചിത്രം സെൽഫിയാണെന്ന ആരോപണമുന്നയിക്കുകയും അത് വിവാദമാകുകയും ചെയ്തിരുന്നു.ഇപ്പോൾ തന്റെ ഫേസ്ബുക്ക് പോസ്റ്റിലൂടെയാണ് മന്ത്രി വിശദീകരണവുമായി രംഗത്ത് വന്നിരിക്കുന്നത്.
ഫോട്ടോ താൻ എടുത്തതല്ല മറ്റാരോ എടുത്ത് എന്റെ സാമൂഹ്യമാധ്യമം കൈകാര്യം ചെയ്യുന്ന ഓഫീസിലേക്ക് അയച്ചുകൊടുത്തു- കണ്ണന്താനം വിശദീകരിച്ചു. വീരമൃത്യു വരിച്ച ജവാന്റെ വസതിയിൽ ഞാൻ ആദരാഞ്ജലികൾ അർപ്പിച്ചു മന്നോട്ടു കടക്കുമ്പോൾ ആരോ എടുത്ത് എന്റെ ഓഫീസിലേക്ക് അയച്ചു കൊടുത്തതാണ് മേൽപറഞ്ഞ ചിത്രം.
ഞാൻ സെൽഫി എടുക്കാറില്ല, ഇതുവരെ സെൽഫി എടുത്തിട്ടുമില്ല. ചിത്രം സെല്ഫിയല്ലയെന്ന് വിശദമായി നോക്കിയാല് മനസിലാകുമെന്നും താൻ സെല്ഫി എടുക്കാറില്ലെന്നും കണ്ണന്താനം തന്റെ ഫേസ്ബുക് പോസ്റ്റിലൂടെ വ്യക്തമാക്കി.
എന്റെ രാജ്യസ്നേഹത്തെ ചോദ്യം ചെയ്യുന്നവരോട് എനിക്ക് പറയാനുള്ളത് കഴിഞ്ഞ 40 വര്ഷം ഞാന് പൊതുരംഗത്ത് വിവിധ ചുമതലകള് വഹിച്ചുകൊണ്ട് നിസ്വാര്ത്ഥമായി രാജ്യപുരോഗതി മാത്രം മുന്നില് കണ്ടുകൊണ്ട് ജനസേവനം നടത്തിക്കൊണ്ടിരിക്കുന്ന വ്യക്തിയാണ്. അതിനു കളക്ടര് പദവിയോ മന്ത്രി കസേരയോ വേണമെന്ന് ഞാന് നിഷ്കര്ഷിച്ചിട്ടില്ല. വളരെക്കാലം പദവികളൊന്നും വഹിക്കാതെ തന്നെ ഡല്ഹിയിലെ ചേരിപ്രദേശങ്ങളില് അവിടുത്തെ ജനങ്ങളുടെ ക്ഷേമത്തിനും ഉന്നമനത്തിനും വേണ്ടി സ്വമനസ്സാലെ സേവനമനുഷ്ഠിച്ചിട്ടുണ്ടെന്നും കണ്ണന്താനം പോസ്റ്റില് വിശദീകരിക്കുന്നു.
ഫേസ്ബുക്ക് പോസ്റ്റിന്റെ പൂർണരൂപം ഇങ്ങനെ :-
കാശ്മീരില് വീരമൃത്യു വരിച്ച സിആര്പിഎഫ് ജവാന് വിവി വസന്തകുമാറിന്റെ അന്ത്യകര്മ്മങ്ങളില് പങ്കെടുത്തതുമായി ബന്ധപ്പെട്ടു ഒരു പോസ്റ്റ് ഇന്നലെ എന്റെ ഫേസ്ബുക്കില് പ്രസിദ്ധികരിച്ചിരുന്നു. അതോടൊപ്പമുണ്ടായിരുന്ന ചിത്രം സെല്ഫിയാണ് എന്ന് ആരോപണമുന്നയിക്കുകയും അത് വിവാദമാകുകയും ചെയ്തിരുന്നു. വീരമൃത്യു വരിച്ച ജവാന്റെ വസതിയില് ഞാന് ആദരാഞ്ജലികള് അര്പ്പിച്ചു മുന്നോട്ടു കടക്കുമ്പോള് ആരോ എടുത്ത് സോഷ്യല് മീഡിയ കൈകാര്യം ചെയുന്ന എന്റെ ഓഫീസിലേക്ക് അയച്ചു കൊടുത്തതാണ് മേല്പറഞ്ഞ ചിത്രം. ആ ചിത്രം സെല്ഫിയല്ലയെന്നു വിശദമായി നോക്കിയാല് മനസിലാകും. മാത്രവുമല്ല ഞാന് സെല്ഫി എടുക്കാറില്ല, ഇതുവരെ സെല്ഫി എടുത്തിട്ടുമില്ല. വീര മൃത്യു വരിച്ച ജവാന്റെ വസതിയില് നടന്ന അന്ത്യകര്മ്മങ്ങളുടെ ലൈവ് ചില മാധ്യമങ്ങള് സംപ്രേഷണം ചെയ്തിരുന്നു. അതിലും കാര്യങ്ങള് വ്യക്തമാണ്.
എന്റെ രാജ്യസ്നേഹത്തെ ചോദ്യം ചെയ്യുന്നവരോട് എനിക്ക് പറയാനുള്ളത് കഴിഞ്ഞ 40 വര്ഷം ഞാന് പൊതുരംഗത്ത് വിവിധ ചുമതലകള് വഹിച്ചുകൊണ്ട് നിസ്വാര്ത്ഥമായി രാജ്യപുരോഗതി മാത്രം മുന്നില് കണ്ടുകൊണ്ടു ജനസേവനം നടത്തിക്കൊണ്ടിരിക്കുന്ന വ്യക്തിയാണ്. അതിനു കളക്ടര് പദവിയോ മന്ത്രി കസേരയോ വേണമെന്ന് ഞാന് നിഷ്കര്ഷിച്ചിട്ടില്ല. വളരെക്കാലം പദവികളൊന്നും വഹിക്കാതെ തന്നെ ഡല്ഹിയിലെ ചേരിപ്രദേശങ്ങളില് അവിടുത്തെ ജനങ്ങളുടെ ക്ഷേമത്തിനും ഉന്നമനത്തിനും വേണ്ടി സ്വമനസ്സാലെ സേവനമനുഷ്ഠിച്ചിട്ടുണ്ട്. എന്റെ പിതാവും ഒരു സൈനികനായിരുന്നു. അതുകൊണ്ടു തന്നെ ഇന്ത്യന് സൈനികരുടെ ത്യാഗവും മഹത്വവും എന്താണെന്നു എനിക്ക് ചെറുപ്പം മുതലേ മനസിലാക്കാനും ഉള്ക്കൊള്ളാനും സാധിച്ചിട്ടുണ്ട്.
ആവശ്യമില്ലാത്ത വിവാദങ്ങളുണ്ടാക്കി രാഷ്ട്രീയ മുതലെടുപ്പ് നടത്താതെ രാഷ്ട്രപുരോഗതിക്കു വേണ്ടി നിസ്വാര്ത്ഥമായി പ്രയത്നിക്കുകയാണ് യുവതലമുറ ഉള്പ്പടെയുള്ളവര് ചെയേണ്ടത്.
വസന്തകുമാറിന്റെ മൃതദേഹം ജന്മനാട്ടില് എത്തിച്ചപ്പോഴാണ് മന്ത്രി ഫോട്ടോ എടുത്ത് പോസ്റ്റ് ചെയ്തത്. ‘കശ്മീരിലെ പുല്വാമയില് ഭീകരാക്രമണത്തില് വീരമൃത്യു വരിച്ച ധീരജവാന് വിവി വസന്തകുമാറിന്റെ സംസ്കാരച്ചടങ്ങുകള് അദ്ദേഹത്തിന്റെ വസതിയില് നടന്നു. വസന്തകുമാറിനെ പോലുള്ള ധീരജവാന്മാരുടെ ജീവത്യാഗം മൂലമാണ് നമുക്ക് ഇവിടെ സുരക്ഷിതമായി ജീവിക്കാന് സാധിക്കുന്നത്’എന്ന അടിക്കുറിപ്പോടെയായിരുന്നു കണ്ണന്താനത്തിന്റെ ഫേസ്ബുക്ക് പ്രൊഫൈലില് ചിത്രം പോസ്റ്റ് ചെയ്തത്.
ഇത് വലിയ വിവാദങ്ങള്ക്ക് വഴിവച്ചിരുന്നു. മരണവീട്ടില്നിന്നും പബ്ലിസിറ്റിക്കായി സെല്ഫിയെടുത്തത് അപക്വമായ രീതിയാണെന്ന് ചൂണ്ടിക്കാട്ടിയായിരുന്നു വിമര്ശനം. തുടര്ന്ന് അനൗചിത്യപരമായ സെല്ഫിയില് പ്രതിഷേധം പുകഞ്ഞതോടെ കണ്ണന്താനം ഫെയ്സ്ബുക്കില് നിന്നും പോസ്റ്റ് പോസ്റ്റ് പിൻവലിച്ചുകൊണ്ട് തടിതപ്പു കയായിരുന്നു.
https://www.facebook.com/Malayalivartha
