കയ്യും കാലും കൊത്തീട്ടാണെങ്കിലും എനിക്ക് തന്നാ ഞാന് നോക്കുമായിരുന്നല്ലോ.... യൂത്ത് കോണ്ഗ്രസ് പ്രവര്ത്തകന് കൃപേഷിന്റെ അമ്മയുടെ വിലാപം അവസാനമായി ഒരുനോക്കു കാണാനെത്തിയവര്ക്കു മുന്നില് കണ്ണീര്ക്കാഴ്ചയായി
കയ്യും കാലും കൊത്തീട്ടാണെങ്കിലും എനിക്ക് തന്നാ ഞാന് നോക്കുമായിരുന്നല്ലോ എന്ന കൃപേഷിന്റെ അമ്മയുടെ രോദനം അവസാനമായി ഒരുനോക്കു കാണാനെത്തിയവര്ക്കു മുന്നില് കണ്ണീര്ക്കാഴ്ചയായി .
കാസര്കോട് കൊല്ലപ്പെട്ട കൃപേഷിന്റെ കൊലപാതകത്തിനു പിന്നില് സിപിഎം ആണെന്ന് പിതാവ് കൃഷ്ണനും പറയുന്നു. കൃപേഷിനു നിരന്തരം ഭീഷണിയുണ്ടായിരുന്നെന്നും പ്രാദേശിക സിപിഎം നേതാക്കളായ പീതാംബരനും വത്സനും കൊലപാതകത്തില് പങ്കുള്ളതായി സംശയിക്കുന്നുവെന്നും കൃഷ്ണന് ആരോപിച്ചു. മേല്ക്കൂര ഓല മേഞ്ഞ ഒറ്റമുറി വീട്ടിലാണ് കൃപേഷും അച്ഛന് കൃഷ്ണനും അമ്മ ബാലാമണിയും സഹോദരിമാരായ കൃപയും കൃഷ്ണപ്രിയയും അന്തിയുറങ്ങിയിരുന്നത്. ഈ വീടിന്റെ ഏക പ്രതീക്ഷയായ പത്തൊന്പതുകാരനാണ് ക്രൂരമായ രാഷ്ട്രീയ പകപോക്കലിനിരയായത്.
കോണ്ഗ്രസ്സിപിഎം സംഘര്ഷത്തെതുടര്ന്ന് കൃപേഷിന്റെ ജീവന് ഭീഷണിയുണ്ടായിരുന്നു. അതിനാല് കുറച്ചുനാളായി വീട്ടില്നിന്നു മാറിയാണു താമസിച്ചിരുന്നത്. കൃപേഷിന്റെ ഉറ്റമിത്രമായിരുന്നു ശരത്. ഇരുവരും നാട്ടിലെ ചെണ്ടമേളം ട്രൂപ്പിലെ അംഗങ്ങളുമായിരുന്നു. സിപിഎം ലോക്കല് കമ്മിറ്റിയംഗത്തെ മര്ദിച്ച കേസില് വധശ്രമത്തിന് അറസ്റ്റിലായി റിമാന്ഡ് ചെയ്യപ്പെട്ട ശരത് ജാമ്യത്തിലിറങ്ങി ഒരാഴ്ചയ്ക്കുള്ളിലാണ് അതിദാരുണമായി കൊല്ലപ്പെട്ടത്. ഏച്ചിലടുക്കം സ്വദേശിയും സിപിഎം ലോക്കല് കമ്മിറ്റിയംഗവുമായ എ. പീതാംബരനെ മര്ദിച്ചെന്ന കേസിലായിരുന്നു ശരത് അറസ്റ്റിലായത്.കല്യോട്ട് കൂരാങ്കരയില് തയ്യാറാക്കിയ സ്ഥലത്ത് അടുത്തടുത്തായാണ് ഇരുവരുടേയും മൃതദേഹം സംസ്കരിച്ചത്. മൃതദേഹം ചിതയിലേക്ക് എടുക്കുന്നതിനിടെ കുടുംബാംഗങ്ങളെ സമാധാനിപ്പിക്കാന് ബന്ധുക്കളും സുഹൃത്തുക്കളും വളരെയധികം പ്രയാസപ്പെട്ടു
https://www.facebook.com/Malayalivartha
