ഉച്ചയൂണിനൊപ്പം വറുത്ത മീന്‍ ആസ്വദിച്ച് കഴിച്ച വീട്ടമ്മയ്ക്ക് സംഭവിച്ചത് മറ്റൊന്ന്. മീനിന്റെ മുള്ള് തൊണ്ടയിൽ കുടുങ്ങിയതോടെ പ്രശ്നത്തിന് തുടക്കമിട്ടു. വിരല്‍ കടത്തി ആദ്യം എടുക്കാന്‍ ശ്രമിച്ചെങ്കിലും. തൊണ്ടയിലേക്ക് മുള്ളു തുളച്ചു കയറിയതോടെ ശ്രമം ഉപേക്ഷിച്ചു. ഭയം കാരണം ആരോടും പറയാതെവേദന കടിച്ചമർത്തി കൊണ്ട് നടന്നത് മൂന്നാഴ്ച്ച. അന്നനാളം തുളച്ചുകയറിയ മുള്ള് തൈറോയ്ഡ് ഗ്രന്ഥിയും തുളച്ചു... ജീവൻ രക്ഷിക്കാനായത് തലനാരിഴക്ക്. നാടിനെ നടുക്കിയ സംഭവം കോട്ടയത്ത്. വീട്ടമ്മയുടെ തൊണ്ടയില്‍ കുടുങ്ങിയ മുള്ള് മൂന്നഴ്ചയ്ക്ക് ശേഷമാണ് പുറത്തെടുത്. മൂന്നര സെന്റിമീറ്റര്‍ നീളമുള്ള മീന്‍ മുള്ളാണ് മെഡിക്കല്‍ കോളജ് ആശുപത്രിയില്‍ ശസ്ത്രക്രിയയിലൂടെ പുറത്തെടുത്തത്.

അന്നനാളം തുളച്ചുകയറിയ മുള്ള് തൈറോയ്ഡ് ഗ്രന്ഥിയില്‍ പൂര്‍ണമായും തുളച്ചുകയറിയ നിലയിലായിരുന്നു. വൈക്കം സ്വദേശി അന്‍പതുകാരിയുടെ തൊണ്ടയിലാണ് 'പുല്ലന്‍' ഇനത്തില്‍പ്പെട്ട മീനിന്റെ മുള്ള് തുളച്ചത്. മൂന്നര മണിക്കൂര്‍ നീണ്ട, കഴുത്ത് തുറന്നുള്ള ശസ്ത്രക്രിയയിലൂടെയാണ് മുള്ള് പുറത്തെടുത്തത്. ഇത്രയും നീളമുള്ള മീന്‍ മുള്ള് തൈറോയ്ഡ് ഗ്രന്ഥിയില്‍ തുളച്ചു കയറിയ നിലയില്‍ കണ്ടെത്തുന്നത് ആദ്യമെന്നു ഡോക്ടര്‍മാര്‍ പറയുന്നു.

തലച്ചോറിലേക്കും ഹൃദയത്തിലേക്കും കടന്നുപോകുന്ന രക്തധമനികളുടെ സമീപമാണ് മുള്ള് തുളച്ചത്. അണുബാധ വ്യാപിക്കുന്നതിനു മുമ്ബ് മുള്ള് എടുത്തതിനാല്‍ കൂടുതല്‍ ഗുരുതരമായില്ല. ഉച്ചയൂണിനൊപ്പം വറുത്ത മീന്‍ കഴിച്ചപ്പോഴാണ് മുള്ളു വിഴുങ്ങിയതെന്നു വീട്ടമ്മ പറഞ്ഞു. വിരല്‍ കടത്തി എടുക്കാന്‍ ശ്രമിച്ചു. എന്നാല്‍ തൊണ്ടയിലേക്ക് മുള്ളു തുളച്ചു കയറിയതോടെ ശ്രമം ഉപേക്ഷിച്ചു. ഭയം കാരണം ആരോടും പറഞ്ഞില്ല. വേദന കൂടിയതോടെ മൂന്നാഴ്ചയ്ക്ക് ശേഷം വൈക്കം സര്‍ക്കാര്‍ ആശുപത്രിയില്‍ ചികിത്സ തേടി. വേദനയ്ക്കുളള മരുന്ന് നല്‍കി തിരിച്ചയച്ചു. വീണ്ടും വേദന കൂടിയതോടെ മെഡിക്കല്‍ കോളജ് ആശുപത്രിയില്‍ ചികിത്സ തേടിയത്.