നേപ്പാളില്‍ മിന്നല്‍ പ്രളയത്തിന് പിന്നാലെയുണ്ടായ വെള്ളപ്പൊക്കത്തില്‍ മരണം 270 കടന്നു. ഇന്ത്യന്‍ വിദേശകാര്യ മന്ത്രാലയം നടത്തിയ വാര്‍ത്താസമ്മേളനത്തിലാണ് ഇക്കാര്യം അറിയിച്ചത്. ഇന്ത്യന്‍ പൗരന്മാരുമായി ബന്ധപ്പെടാന്‍ കഴിയുന്നില്ലെന്ന് വിദേശകാര്യ മന്ത്രാലയം അറിയിച്ചു. പ്രളയത്തെത്തുടര്‍ന്ന് ടിബറ്റില്‍ കുടുങ്ങിപ്പോയ 200 ഓളം ഇന്ത്യന്‍ പൗരന്മാരെ ഒഴിപ്പിക്കാനുള്ള ശ്രമങ്ങള്‍ നടക്കുന്നുണ്ടെന്ന് വിദേശകാര്യ മന്ത്രാലയ വക്താവ് രണ്‍ധീര്‍ ജയ്‌സ്വാള്‍ വാര്‍ത്താസമ്മേളനത്തില്‍ അറിയിച്ചു.

പ്രളയത്തെത്തുടര്‍ന്ന് 910 പേരെ കാണാതാവുകയും അവരുമായി ബന്ധപ്പെടാന്‍ കഴിയാത്ത സാഹചര്യമാണെന്നും നേപ്പാളിലെ ദേശീയ ദുരന്തസാദ്ധ്യത ലഘൂകരണ നിര്‍വഹണ അതോറിറ്റി അറിയിച്ചു. കാണാതായവരില്‍ 517 വിദേശ പൗരന്മാരാണ്. നേപ്പാള്‍ സൈന്യത്തിലെ 44 അംഗങ്ങളും നേപ്പാള്‍ പൊലീസിലെ 28 ഉദ്യോഗസ്ഥരെയും കാണാതായിട്ടുണ്ട്. ഇതുവരെ 258 മൃതദേഹങ്ങള്‍ കണ്ടെടുത്തു. 351 പേരെ രക്ഷപ്പെടുത്തി.

അവിടെ ചിലരെ കാണാതായിട്ടുണ്ടാകാം. പ്രാദേശിക അധികൃതര്‍ വഴി അവരെ കണ്ടെത്താന്‍ ഞങ്ങള്‍ പരമാവധി ശ്രമിക്കുന്നുണ്ട്. കൈലാസ മാനസരോവര്‍ യാത്രയ്ക്കായി നേപ്പാളിലേക്ക് പോയ 21 ഇന്ത്യക്കാരെ രക്ഷപ്പെടുത്തിയതായും ജയ്‌സ്വാള്‍ അറിയിച്ചു. വെള്ളപ്പൊക്കം ബാധിച്ച പ്രദേശങ്ങളില്‍ നിന്ന് ഇന്ന് ഇതുവരെ 350ലധികം പേരെ രക്ഷപ്പെടുത്തിയതായി നേപ്പാള്‍ സൈന്യം വ്യക്തമാക്കി. രക്ഷപ്പെടുത്തിയവരില്‍ 50 പേര്‍ വിദേശ പൗരന്മാരാണെന്ന് സൈനിക വക്താവ് അറിയിച്ചു. ഇതില്‍ 30 ഇന്ത്യക്കാരും എട്ട് ചൈനക്കാരും എട്ട് കൊറിയക്കാരും രണ്ട് അമേരിക്കക്കാരും രണ്ട് ഇറ്റലിക്കാരും ഉള്‍പ്പെടുന്നു.