കഴക്കൂട്ടത്തെ കേന്ദ്ര കിഴങ്ങു ഗവേഷണ കേന്ദ്രത്തിലാണ്​ ഇന്ന്​ അൽഫോൺസ്​ കണ്ണന്താനം കേന്ദ്ര പദ്ധതിയുടെ സംസ്​ഥാന തല ഉദ്​ഘാടനം എന്ന പേരിൽ പരിപാടി നടത്തുന്നത്​. സംസ്​ഥാന സർക്കാറി​​​െൻറ ആയിരം ദിനം പരിപാടിയുടെ ഉദ്​ഘാടനത്തിന്​ വൈക്കത്താണ്​ കൃഷിമന്ത്രിയുള്ളത്​. ഫെബ്രുവരി 24ന്​ രാജ്യമൊട്ടാകെ കാർഷിക പദ്ധതിയുടെ ഉദ്​ഘാടനം നടത്തുന്നുണ്ട്​. കുമരകത്ത്​ നടത്താമെന്ന്​ തീരുമാനിച്ച ചടങ്ങ്​ സംസ്​ഥാന സർക്കാറിനെ അറിയിക്കാതെ തിരുവനന്തപുരത്ത്​ വെച്ച്​ കണ്ണന്താനം ഉദ്​ഘാടനം ചെയ്​തുവെന്നതാണ്​ വിവാദം. നേരത്തെ ശിവഗിരി തീർഥാടന സർക്യൂട്ട്​ ഉദ്​ഘാടനം സംബന്ധിച്ചും വിവാദം ഉണ്ടായിരുന്നു. സർക്യൂട്ട്​ ഉദ്​ഘാടനം സംസ്​ഥാന സർക്കാറിനെ അറിയിച്ചില്ലെന്ന്​ കടകംപള്ളി സുരേന്ദ്രൻ ആരോപിച്ചിരുന്നു. കർഷകർക്ക്​ ധനസഹായം നൽകുന്ന കേന്ദ്ര സർക്കാർ പദ്ധതിയായ പ്രധാൻ മന്ത്രി കിസാൻ സമ്മാൻ പദ്ധതിയുടെ സംസ്​ഥാന തല ഉദ്​ഘാടനവുമായി ബന്ധപ്പെട്ട്​ കേന്ദ്ര -സംസ്​ഥാന സർക്കാറുകൾ തമ്മിൽ തർക്കം.

കോട്ടയം കുമരകത്ത്​ കൃഷിമന്ത്രി വി.എസ്​. സുനിൽ കുമാർ കിസാൻ സമ്മാൻ നിധി പദ്ധതിയുടെ സംസ്​ഥാന തല ഉദ്​ഘാടനം നടത്തിയപ്പോൾ സമാന്തരമായി തിരുവനന്തപുരം കഴക്കൂട്ടത്ത്​ കേന്ദ്രമന്ത്രി അൽഫോൺസ്​ കണ്ണന്താനവും പദ്ധതിയുടെ സംസ്​ഥാന തല ഉദ്​ഘാടനം നടത്തി. കഴക്കൂട്ടത്ത്​​ അൽഫോൺസ്​ കണ്ണന്താനത്തി​​​െൻറ ​േനതൃത്വത്തിൽ പദ്ധതിയുടെ സംസ്​ഥാന തല ഉദ്​ഘാടനം എന്ന പേരിൽ നടന്ന പരിപാടിയെ കുറിച്ച്​ സംസ്​ഥാന സർക്കാറിനെ അറിയിച്ചിട്ടില്ലെന്ന്​ കൃഷിമന്ത്രി വി.എസ്​. സുനിൽ കുമാർ ആരോപിച്ചു. അതിനിടയിൽ നാടകീയമായി​ തിരുവനന്തപുരം കേന്ദ്ര കിഴങ്ങുവർഗ ഗവേഷണ കേന്ദ്രത്തി​ൽ വച്ച്​ പദ്ധതിയുടെ സംസ്​ഥാന തല ഉദ്​ഘാടനം നടക്കുന്നതായി അറിഞ്ഞു​. ഇതുവരെ ഒൗപചാരികമായ നിലയിൽ സംസ്​ഥാന സർക്കാറിനെ ഇത്​ അറിയിച്ചിട്ടില്ല.

രാജ്യത്തെ സർക്കാർ പദ്ധതികൾ രാഷ്​ട്രീയ പാർട്ടികളുടെ പ്രചാരണത്തിന്​ ഉപയോഗിക്കാൻ കേന്ദ്ര സ്​ഥാപനങ്ങൾ തുനിയുന്നത്​ തരംതാണ പരിപാടിയാണ്​. കേന്ദ്ര പദ്ധതിയുടെ സംസ്​ഥാന തല ഉദ്​ഘാടനം സംസ്​ഥാനത്തെ അറിയിക്കാത്തത്​ ഫെഡറൽ സംവിധാനത്തോടുള്ള വെല്ലുവിളിയാണ്​. കണ്ണന്താനത്തി​​​െൻറ അൽപ്പത്തരമാണിതെന്നും’ വി.എസ്​ സുനിൽ കുമാർ ആരോപിച്ചു. കുമരകത്ത്​ സംസ്​​ഥാന തല ഉദ്​ഘാടനം നടത്താമെന്നാണ്​ കേന്ദ്ര സർക്കാർ അറിയിച്ചതെന്നും കണ്ണന്താനം നടത്തിയ ഉദ്​ഘാടനത്തെ കുറിച്ച്​ ഒൗദ്യോഗിക അറിയിപ്പ്​ ലഭിച്ചിട്ടില്ലെന്നും സുനിൽ കുമാർ പറഞ്ഞു. ‘കാർഷിക പദ്ധതിയുടെ സംസ്​ഥാന തല ഉദ്​ഘാടനം കുമരകത്തെ കൃഷി വിജ്​ഞാൻ കേന്ദ്രത്തിൽ വെച്ച്​ നടത്താമെന്ന്​ കേന്ദ്ര സർക്കാർ തന്നെ അറിയിച്ചിരുന്നു. ഇന്ന്​ തനിക്ക്​ വൈക്കത്ത്​​ സർക്കാറി​​​െൻറ ആയിരം ദിനം പരിപാടിയുടെ ഉദ്​ഘാടനമുണ്ട്​. അതിനാൽ എത്തിപ്പെടാനും എളുപ്പമാണ്​. അതുപ്രകാരം നോട്ടീസ്​ അടിച്ച്​ വിതരണം ചെയ്യുകയും എല്ലാ ജില്ലകളിലും പരിപാടി ഉദ്​ഘാടനം ചെയ്യാൻ തീരുമാനിക്കുകയും ചെയ്​തു.