കോട്ടയത്തിനടുത്ത് അടിച്ചിറയില്‍ നിന്നും 19 വയസുളള ഒരു യുവതിയെ കാണാതായെന്ന് പരാതി.

ഗാന്ധിനഗര്‍ പോലീസ് കേസെടുത്തു. തൂത്തുട്ടിയിലുള്ള ഒരു കംപ്യൂട്ടര്‍ സ്ഥാപനത്തിലെ ജീവനക്കാരിയാണ് യുവതി.

ഇന്നലെ പതിവ് പോലെ ജോലിക്കു പോയതാണെന്ന് വീട്ടുകാര്‍ പോലീസിന് നല്‍കിയ പരാതിയില്‍ പറയുന്നു.

വൈകുന്നേരമായിട്ടും മടങ്ങി വരാതായപ്പോഴാണ് പോലീസിനെ സമീപിച്ചത്.

അതേ സമയം ഒരു യുവാവിനൊപ്പം പോയതാണെന്ന സംശയത്തിലാണ് പോലീസ്.

ഒരു ഫോണ്‍ നമ്പര്‍ കേന്ദ്രീകരിച്ച് അന്വേഷണം നടന്നു വരികയാണെന്നും ഉടന്‍ കണ്ടെത്തുമെന്നും ഗാന്ധിനഗര്‍ പോലീസ് വ്യക്തമാക്കി.