മലപ്പുറത്ത് സ്ത്രീകളുടെ മാല പൊട്ടിക്കാന്‍ ശ്രമിച്ച ഇതര സംസ്ഥാന തൊഴിലാളി അറസ്റ്റിൽ .ബംഗാളില്‍നിന്നുള്ള നോയലാണ് അറസ്റ്റിലായത്. മലപ്പുറം എടവണ്ണപ്പാറയിലാണ് ഇയാൾ സ്ത്രീകളുടെ മാലപൊട്ടിക്കാൻ ശ്രമിച്ചത് . ഒപ്പമുണ്ടായിരുന്ന മറ്റു ഇതര സംസ്ഥാന തൊഴിലാളികളാണ് നോയലിനെ പൊലീസിന് കൈമാറിയത്.

ചൊവ്വാഴ്ച വൈകിട്ട് ആറ് മണിയോടെയാണ് സംഭവം. എടവണ്ണപ്പാറ ബസ് സ്റ്റാന്‍ഡിലേക്ക് നടന്നു പോവുകയായിരുന്ന സ്ത്രീകളുടെ മാല പൊട്ടിക്കാനാണ് നോയല്‍ ശ്രമിച്ചത്. സ്ത്രീകള്‍ തടഞ്ഞതോടെ നോയല്‍ ഓടി രക്ഷപ്പെടാന്‍ ശ്രമിച്ചു. അപ്പോഴേക്കും സുഹൃത്തുക്കള്‍ ഇയാളെ തടഞ്ഞു നിര്‍ത്തി പൊലീസിലേല്‍പ്പിക്കുകയായിരുന്നു.