ആയുധ ഇടപാടുകാരൻ സഞ്ജയ് ബണ്ഡാരിയുമായി രാഹുലിനും വാദ്രക്കും അടുത്ത ബന്ധം; തുറന്നടിച്ച് സ്മൃതി ഇറാനി
രാഹുല് ഗാന്ധിക്കും പ്രിയങ്കയ്ക്കുമെതിരെ അഴിമതി ആരോപണവുമായി കേന്ദ്രമന്ത്രി സ്മൃതി ഇറാനി. ഹരിയാനയില് നടത്തിയ ഭൂമി ഇടപാടില് രാഹുല് കുടുംബത്തിന് നേരിട്ട് പങ്കുള്ള രേഖകള് ഉണ്ടെന്ന് ഇറാനി വാര്ത്താ സമ്മേളനത്തില് പറഞ്ഞു.
റോബർട്ട് വാദ്ര ഭൂമി കുംഭകോണത്തിന്റെ ഭാഗമാണെന്നും സ്മൃതി ഇറാനി പറഞ്ഞു. പ്രവാസി വ്യവസായി സി.സി തമ്പി, ആയുധ ഇടപാടുകാരൻ സഞ്ജയ് ബണ്ഡാരിയുമായി രാഹുലിനും വാദ്രക്കും അടുത്ത ബന്ധമെന്നാണ് സ്മൃതി ഇറാനി ആരോപിക്കുന്നത്. തെളിവുകള് എന്ഫോഴ്സ്മെന്റ് കണ്ടെത്തിയതായി സ്മൃതി ഇറാനി പറഞ്ഞു.
തമ്പിക്കെതിരെയും ബണ്ഡാരിക്കെതിരെയുമുള്ള സാമ്പത്തിക തട്ടിപ്പ് അന്വേഷണത്തില് വാദ്രയ്ക്കും, രാഹുലിനുമുള്ള ബന്ധങ്ങള് എന്ഫോഴ്സ്മെന്റ് കണ്ടെത്തിയെന്നും സ്മൃതി ഇറാനി പറഞ്ഞു. 2009ലെ പെട്രോളിയം ഇടപാടുകളിലെ തട്ടിപ്പില് സി.സി തമ്പിയുടെ കമ്പനി പങ്കാളിയാണെന്ന് നേരത്തെ കണ്ടെത്തിയിരുന്നു. കഴിഞ്ഞ എഴുപതു വര്ഷമായി കോണ്ഗ്രസ് രാജ്യത്ത് അഴിമതി മാത്രമാണ് നടത്തിയതെന്നും, വാദ്രയും ഗാന്ധി കുടുംബവും കൂടി രാജ്യത്തെ ചൂഷണം ചെയ്യുകയാണെന്നും സ്മൃതി ഇറാനി ആരോപിച്ചണം ഉന്നയിച്ചു.
https://www.facebook.com/Malayalivartha
