വരുന്ന ചൊവ്വാഴ്ച മുതൽ ഒരുമാസത്തേക്ക് ട്രെയിൻ സമയങ്ങളിൽ മാറ്റം വരുത്തി. ചില ട്രെയിനുകൾ റദ്ദാക്കിയിട്ടുമുണ്ട്. മുൻകൂട്ടി ടിക്കറ്റ് റിസേർവ് ചെയ്ത യാത്രക്കാർ തങ്ങളുടെ ടിക്കറ്റും ട്രെയിൻ സമയവും ഉറപ്പു വരുത്തേണ്ടതാണ്. ട്രാക്ക്അറ്റകുറ്റ പണികളുമായി ബന്ധപെട്ടാണ് ഈ മാറ്റം എന്നറിയുന്നു.

എറണാകുളം ടൗണ്‍ സ്റ്റേഷനും അങ്കമാലിക്കും ഇടയില്‍ ഈ മാസം 19 മുതല്‍ അടുത്ത മാസം 25 വരെ ആണ് ട്രെയിൻ നിയന്ത്രം ഉണ്ടാകുന്നത്. എറണാകുളത്തിനും ഇടപ്പള്ളിയ്ക്കും ഇടയില്‍ അടിയന്തര ട്രാക്ക് നവീകരണ പ്രവര്‍ത്തനങ്ങളുടെയും എറണാകുളം-കോട്ടയം-കായംകുളം സെക്ഷനില്‍ പാത ഇരട്ടിപ്പിക്കല്‍,അറ്റകുറ്റപ്പണികള്‍ എന്നിവയുടെയും ഭാഗമായി ആണ് ഇതു വഴിയുള്ള തീവണ്ടി ഗതാഗതത്തില്‍ നിയന്ത്രണം ഏര്‍പ്പെടുത്തിയിരിക്കുന്നതെന്നു ദക്ഷിണ റെയില്‍വേ അറിയിച്ചു. ആറു പാസഞ്ചര്‍ തീവണ്ടികള്‍ റദ്ദാക്കി.മിക്ക തീവണ്ടികളും വൈകാനും സാധ്യതയുണ്ട് .

ട്രെയിന്‍ സര്‍വ്വീസുകള്‍ താഴെ പറയും പ്രകാരം നിയന്ത്രിക്കും:

പൂര്‍ണ്ണമായി റദ്ദാക്കുന്നവ

എറണാകുളം-ഗുരുവായൂര്‍ പാസഞ്ചര്‍ (നം.56270), ഈ മാസം 19 മുതല്‍അടുത്ത മാസം 25 വരെ വെള്ളിയാഴ്ചകളില്‍ ഒഴികെ (മാര്‍ച്ച് 22, 29, ഏപ്രില്‍ 5, 12, 19) റദ്ദാക്കും.

ഗുരുവായൂര്‍-എറണാകുളം പാസഞ്ചര്‍ (നം56375) ഈ മാസം 19 മുതല്‍ അടുത്ത മാസം 25 വരെ വെള്ളിയാഴ്ചകളില്‍ ഒഴികെ (മാര്‍ച്ച് 22, 29, ഏപ്രില്‍ 12, 19) റദ്ദാക്കും.

56387ാം നമ്പര്‍ കോട്ടയം വഴിയുള്ള എറണാകുളം-കായംകുളം പാസഞ്ചര്‍,56388ാം നമ്പര്‍ കോട്ടയം വഴിയുള്ള കായംകുളം-എറണാകുളം പാസഞ്ചര്‍ എന്നിവ 14 മുതല്‍ 31 വരെയും പൂര്‍ണമായും റദ്ദാക്കി.ഇതു കുടാതെ 56394 ാം നമ്പര്‍ കൊല്ലം-കോട്ടയം പാസഞ്ചര്‍,56393 ാം നമ്പര്‍ കോട്ടയം-കൊല്ലം പാസഞ്ചര്‍ എന്നീ തീവണ്ടികള്‍ 17,24,31 (ഞായറാഴ്ച)എന്നീ തിയതികളിലും റദ്ദാക്കിയതായി റെയില്‍വേ അറിയിച്ചു.

പുനക്രമീകരിക്കുന്നവ

തിരുവനന്തപുരം- മധുര ജംഗ്ഷന്‍ / നിലമ്പൂര്‍ അമൃത / രാജ്യറാണിഎക്‌സ്പ്രസ്സ് ട്രെയിന്‍ (നം16343) / (നം.16349) ഈ മാസം 18 നും അടുത്ത മാസം 24 നുമിടയ്ക്ക്എല്ലാദിവസവും രാത്രി 9 മണിക്കായിരിക്കും തിരുവനന്തപുരം സെന്‍ട്രലില്‍ നിന്ന് പുറപ്പെടുക (ഒരുമണിക്കൂര്‍ നേരത്തെ). തൃശൂര്‍ വരെ പുതുക്കിയ സമയക്രമത്തിലായിരിക്കും ഓടുക. തൃശൂര്‍-മധുര/നിലമ്പൂര്‍ സാധാരണ സമയപ്രകാരമായിരിക്കും ട്രെയിന്‍ സര്‍വ്വീസ് നടത്തുക.

നിയന്ത്രണം

ചെന്നൈ-എഗ്മോര്‍ ഗുരുവായൂര്‍ എക്‌സ്പ്രസ്സ് (നം16127) ഈ മാസം 19 മുതല്‍ അടുത്ത മാസം 22 വരെ (വെള്ളിയാഴ്ചകളില്‍ ഒഴികെ-മാര്‍ച്ച് 22, 29 ഏപ്രില്‍ 5, 12, 19) എറണാകുളം ജംഗ്ഷനില്‍ രണ്ട് മണിക്കൂര്‍ നിറുത്തിയിടും. തുടര്‍ന്ന്എറണാകുളം ജംഗ്ഷന്‍ മുതല്‍ ഗുരുവായൂര്‍ വരെഎറണാകുളം – ഗുരുവായൂര്‍ പാസഞ്ചറിന്റെ (നം. 56370) സമയക്രമത്തിലായിരിക്കും ഈ ട്രെയിന്‍ സര്‍വ്വീസ് നടത്തുക.

ഇതു കുടാതെ 56394 ാം നമ്പര്‍ കൊല്ലം-കോട്ടയം പാസഞ്ചര്‍,56393 ാം നമ്പര്‍ കോട്ടയം-കൊല്ലം പാസഞ്ചര്‍ എന്നീ തീവണ്ടികള്‍ 17,24,31 (ഞായറാഴ്ച)എന്നീ തിയതികളിലും റദ്ദാക്കിയതായി റെയില്‍വേ അറിയിച്ചു.

16127ാം നമ്പര്‍ ചെന്നൈ എഗ്മോര്‍-ഗുരുവായൂര്‍ എക്‌സപ്രസ് 14 മുതല്‍18 വരെയുള്ള തീയതികളില്‍ രണ്ട് മണിക്കൂര്‍ എറണാകുളം സൗത്ത് റെയില്‍വേ സ്റ്റേഷനില്‍ പിടിച്ചിടും.ഇതിനെ തുടര്‍ന്ന് എറണാകുളം സൗത്തിനും ഗുരുവായൂരിനുമിടയില്‍ 56370ാം നമ്പര്‍ എറണാകുളം-ഗുരുവായൂര്‍ പാസഞ്ചര്‍ സാധാരണ സമയത്ത് സര്‍വീസ് നടത്തും.

എറണാകുളത്ത് നിന്നും ഉച്ചകഴിഞ്ഞ് 02:45 ന് പുറപ്പെടുന്ന 66301ാം നമ്പര്‍ എറണാകുളം-കൊല്ലം മെമു 17,24,31 (ഞായറാഴ്ച)തിയതികളില്‍ അര മണിക്കൂര്‍ വൈകി മാത്രമെ പുറപ്പെടുകയുള്ളു.56393ാം നമ്പര്‍ കോട്ടയം- കൊല്ലം പാസഞ്ചര്‍ കോട്ടയത്തിനും കൊല്ലത്തിനുമിടയില്‍ ഷെഡ്യൂള്‍ഡ് സമയത്ത് തന്നെ സര്‍വീസ് നടത്തും

യാത്രക്കാർ ഈ സമയ വിവരമനുസരിച്ചു യാത്ര ഷെഡ്യുൾ ചെയ്യണമെന്ന് റെയിൽവേ അഭ്യർത്ഥിച്ചു