ലോക്സഭാ തെരഞ്ഞടുപ്പില് എന് എസ് എസ് ജനറല് സെക്രട്ടറി ജി. സുകുമാരന് നായരുടെ പിന്തുണ കോണ്ഗ്രസിനെന്ന് സൂചന... തുഷാറിന്റെ പേരില് സുകുമാരന് നായര് ബിജെപിയോട് പിണങ്ങി
ലോക്സഭാ തെരഞ്ഞടുപ്പില് എന് എസ് എസ് ജനറല് സെക്രട്ടറി ജി. സുകുമാരന് നായരുടെ പിന്തുണ കോണ്ഗ്രസിനെന്ന് സൂചന. കെ. സുരേന്ദ്രനെ ഒഴിവാക്കി തുഷാര് വെള്ളാപ്പള്ളിയെ തൃശൂരില് സ്ഥാനാര്ത്ഥിയാക്കാനുള്ള ബി ജെ പിയുടെ തീരുമാനമാണ് സുകുമാരന് നായരെ എതിരാക്കിയത്.
വെള്ളാപ്പള്ളിയെയും മകനെയും പിന്തുണക്കാനുള്ള ബി ജെ പിയുടെ തീരുമാനത്തിന് പണ്ടേ സുകുമാരന് നായര് എതിരായിരുന്നു. എന്നാല് ബി ഡി ജെ എസിനെ ഒഴിവാക്കാന് ബി ജെ പി തയ്യാറായില്ല. നിരവധി തവണ ഇരു പാര്ട്ടികളും തമ്മിലുള്ള ധാരണ തെറ്റിയതാണ്. എന്നാല് ബിഡി ജെ എസിനെ ഒഴിവാക്കാനുള്ള ധൈര്യം ബി ജെ പി സംസ്ഥാന നേതൃത്വത്തിന് ഇല്ല . മുഖ്യധാരാ പാര്ട്ടികളൊക്കെ ബിജെപിയുമായി സഹകരിക്കാന് മടിച്ചപ്പോള് വെള്ളാപ്പള്ളിയാണ് അതിന് തയ്യാറായത്. ശബരിമല വിഷയത്തില് ബിജെപിയെ അനുകൂലിച്ച് സുകുമാരന് നായര് രംഗത്തെത്തിയിരുന്നു. ഇടതുപക്ഷവുമായി എന് എസ് എസുമായി നേരിട്ട് കൊമ്പുകോര്ക്കാനുള്ള കാരണവും ഇതായിരുന്നു. ബി ജെ പി ശബരിമലയില് സര്ക്കാരിനെതിരെ രംഗത്ത് എത്താതിരുന്നെങ്കില് ശബരിമല വിഷയത്തില് സര്ക്കാരിന്റെ വിധി മറ്റൊന്നാകുമായിരുന്നു.
തുഷാര് എന് ഡി എ സ്ഥാനാര്ത്ഥിയായാല് എന് എസ് എസിന് മാറി ചിന്തിക്കേണ്ടി വരുമെന്ന കാര്യം സുകുമാരന് നായര് ശ്രീധരന് പിള്ളയെ തെരഞ്ഞടുപ്പിന് വളരെ മുമ്പേ അറിയിച്ചിരുന്നു എന്നാണ് വിവരം. എന്നാല് അത്തരം കാര്യങ്ങളില് തന്റെ നിസഹായത ശ്രീധരന് പിള്ള പങ്കുവച്ചു. അമിത് ഷായുടെ സ്വാധീന വലയത്തിലാണ് വെള്ളാപ്പള്ളി. എസ് എന് ഡി പിക്കെതിരെ രംഗത്ത് വരാനുള്ള ശക്തി തനിക്കില്ലെന്നും ശ്രീധരന് പിള്ള അറിയിച്ചു.
കെ. സുരേന്ദ്രനെ തൃശൂരിലോ പത്തനംതിട്ടയിലോ മത്സരിപ്പിക്കണമെന്നായിരുന്നു സുകുമാരന് നായരുടെ ആവശ്യം. എന്നാല് സുരേന്ദ്രന് അദ്ദേഹം ആവശ്യപ്പെട്ട സീറ്റ് നല്കാന് ബി ജെ പി തയ്യാറല്ല. സുരേന്ദ്രനെ വെട്ടിനിരത്താന് ബി ജെ പി സംസ്ഥാന നേതൃത്വം തീരുമാനിച്ചു. സുരേന്ദ്രനെ സഹായിക്കാന് ആര് എസ് എസും തയാറല്ല. ശബരിമലയില് ആര് എസ് എസിന്റെ നിര്ദ്ദേശങ്ങള് അനുസരിക്കാന് സുരേന്ദന് തയ്യാറാകാത്തതാണ് കാരണം . പമ്പയില് നിന്ന് സുരേന്ദ്രന് അറസ്റ്റിലായത് ആര് എസ് എസിന്റെ നിര്ദ്ദേശങ്ങള് മറികടന്നതോടെയാണ്. സുരേന്ദ്രന് തന്റെ സ്ഥാനാര്ത്ഥിത്വത്തിന് വേണ്ടി ആര് എസ് എസിനെ സമീപിച്ചിരുന്നു. എന്നാല് ആര് എസ്എ എസ് സഹായിച്ചില്ല. ആറ്റിങ്ങല് നല്കാമെന്ന് പറഞ്ഞ് സുരേന്ദ്രനെ ഒതുക്കുകയാണ് ബിജെപി ചെയ്തത്.
കെ സുരേന്ദ്രന് ഏതാനും ദിവസങ്ങള്ക്ക് മുമ്പ് സുകുമാരന് നായരെ വീട്ടിലെത്തി കണ്ടിരുന്നു. സുരേന്ദ്രന് ജയിക്കണമെന്ന് സുകുമാരന് നായര് ശരിക്കും ആഗ്രഹിച്ചു. സുരേന്ദ്രന് സുകുമാരന് നായര് എല്ലാ പിന്തുണയും നല്കുന്നു. എന്നാല് ആറ്റിങ്ങല് പോലൊരു നായര് ന്യൂനപക്ഷ മേഖലയില് സുരേന്ദ്രനെ സഹായിക്കാന് എന് എസ് എസിന് ഒരിക്കലും കഴിയുകയില്ല.
ഇക്കുറിയും സമദൂരം തന്നെയാണ് എന് എസ് എസിന്റെ ശരിദൂരം. സമദൂരം എന്നാല് ഇഷ്ടമുള്ളവരെ പിന്തുണക്കുക എന്നതാണ്. കുമ്മനത്തെ എന് എസ് എസ് സഹായിക്കുമെന്നാണ് കരുതുന്നത്. കാരണം ശശി തരൂരുമായുള്ള സുകുമാരന് നായരുടെ ബന്ധം അത്ര നല്ലതല്ല. കേന്ദ്രമന്ത്രിയായിരിക്കെ ശശിതരൂരിനെ കാണാന് എന് എസ് എസ് ജനറല് സെക്രട്ടറി വിസമ്മതിച്ചിരുന്നു. സുകുമാരന് നായരുമായി ശശി തരൂരും നല്ല ബന്ധം സൂക്ഷിക്കാന് ഇഷ്ടപ്പെടുന്നില്ല. നാടാര് വോട്ടിലാണ് തരൂരിന്റെ കണ്ണ്.
ഇക്കുറി ബിജെപിയുടെ പ്രതീക്ഷ എന് എസ് എസിന്റെ നിസഹരണത്തോടെ അവസാനിക്കുകയാണ്. എസ് എന് ഡി പിയുടെ പിന്തുണയാകട്ടെ ലഭിക്കുകയുമില്ല. അല്ഫോണ്സ് കണ്ണന്താനത്തിന്റെയും ടോം വടക്കന്റെയും പിന്തുണയില് െ്രെകസ്തവ സഭ ഒപ്പം വരുമെന്ന് ബിജെപി കരുതുന്നുമില്ല. എന് എസ് എസിന്റെ പിണക്കം കലമുടയ്ക്കുമോ എന്നാണ് കണ്ടറിയേണ്ടത്. അതേസമയം കോണ്ഗ്രസ് നേതാക്കള് നിരന്തരം സുകുമാരന് നായരുമായി ബന്ധപ്പെടുന്നുണ്ട്. ഉമ്മന് ചാണ്ടിയുമായി അടുത്ത ബന്ധമാണ് സുകുമാരന് നായര്ക്കുള്ളത്.
https://www.facebook.com/Malayalivartha