ശബരിമലയെ കുറിച്ച് ഒരക്ഷരം മിണ്ടരുത് ; തിരഞ്ഞെടുപ്പു പ്രചാരണ യോഗങ്ങളിലെ പ്രസംഗങ്ങളില്‍ ശബരിമല അനാവശ്യമായി ഉപയോഗിക്കരുതെന്ന് സ്ഥാനാര്‍ഥികള്‍ക്ക് കര്‍ശന നിര്‍ദ്ദേശം ;എല്‍ഡിഎഫ് സര്‍ക്കാരിന്റെ വികസന പ്രവര്‍ത്തനം, കേന്ദ്ര സര്‍ക്കാരിന്റെ ജനവിരുദ്ധ പ്രവര്‍ത്തനങ്ങള്‍ തുടങ്ങിയവ വിഷയമാക്കും
തിരഞ്ഞെടുപ്പു പ്രചാരണ യോഗങ്ങളിലെ പ്രസംഗങ്ങളില്‍ ശബരിമല അനാവശ്യമായി ഉപയോഗിക്കരുതെന്നാണ് സ്ഥാനാര്‍ഥികള്‍ക്ക് നല്‍കിരിക്കുന്ന കര്‍ശന നിര്‍ദ്ദേശം. എല്‍ഡിഎഫ് സര്‍ക്കാരിന്റെ വികസന പ്രവര്‍ത്തനം, കേന്ദ്ര സര്‍ക്കാരിന്റെ ജനവിരുദ്ധ പ്രവര്‍ത്തനങ്ങള്‍ തുടങ്ങിയവ വിഷയമാക്കും. ശബരിമലയെക്കുറിച്ച് പരാമര്‍ശിക്കാതെ എങ്ങിനെ പ്രസംഗിക്കാം എന്ന് രണ്ടു ദിവസത്തെ പരിശീലനക്കളരിയില്‍ തെരഞ്ഞെടുക്കപ്പെട്ടവര്‍ക്ക് പ്രത്യേക പരിശീലനവും എല്‍ ഡി എഫ് നല്‍കുന്നുണ്ടെന്നാണ് റിപ്പോര്‍ട്ടുകള്‍
പ്രചാരണ യോഗങ്ങളില്‍ പ്രസംഗിക്കാന്‍ നിയമസഭാ മണ്ഡലം തലത്തില്‍ 100 പേരെ വീതം പരിശീലിപ്പിക്കും. കളരിയില്‍ പങ്കെടുക്ക!ുന്നവര്‍ക്കു മാര്‍ഗനിര്‍ദേശങ്ങളടങ്ങിയ കുറിപ്പുകള്‍ വിതരണം ചെയ്യും. ജില്ലാതലം വരെയുള്ള നേതാക്കള്‍ക്ക് ഇതു സംബന്ധിച്ചു മാര്‍ഗനിര്‍ദേശം നല്‍കിയിട്ടുണ്ട്. പരിശീലനം ലഭിച്ചവര്‍ മാത്രമേ പ്രചാരണ യോഗങ്ങളില്‍ പ്രസംഗിക്കാവൂ. വിവാദങ്ങള്‍ സൃഷ്ടിക്കരുതെന്നു കര്‍ശന നിര്‍ദേശമാണ് നല്‍കിയിരിക്കുന്നത്.
ശബരിമല വിഷയം സംസാരിക്കേണ്ട നിര്‍ബ്ബന്ധിത സാഹചര്യം ഉണ്ടായാല്‍ ശബരിമല സംബന്ധിച്ച സുപ്രീംകോടതി വിധി എന്തായിരുന്നെന്നും അതു നടപ്പാക്കാതിരുന്നെങ്കില്‍ സര്‍ക്കാരിനു നേരിടേണ്ടി വരുമായിരുന്ന നിയമപ്രശ്‌നങ്ങള്‍ എന്തെന്നും കുറഞ്ഞ വാക്കുകളില്‍ വ്യക്തമാക്കണം. ഓരോ പ്രദേശത്തെയും പ്രാധാന്യമര്‍ഹിക്കുന്ന വിഷയങ്ങള്‍ക്കു മുന്‍ഗണന നല്‍കിയായിരിക്കണം പ്രസംഗിക്കേണ്ടത്.
ശബരിമലയില്‍ പൊലീസ് നടത്തിയ അതിക്രമവുമായി ബന്ധപ്പെട്ട് അന്വേഷണം നടത്തുന്നതില്‍ പൊലീസിന്റെ ഭാഗത്തുള്ള ഉദാസീനത അപലപനീയമാണെന്ന് ഹൈക്കോടതി പരാമര്‍ശിച്ചു. വാഹനങ്ങള്‍ പൊലീസ് അടിച്ചുതകര്‍ത്തെന്നും മറ്റുമുള്ള ആരോപണങ്ങളാണ് കോടതി പരിഗണിച്ചത്.
അക്രമത്തിനു മുതിര്‍ന്ന മൂന്നു പൊലീസുകാരെ തിരിച്ചറിഞ്ഞു ചോദ്യം ചെയ്‌തെന്നും ബാക്കിയുള്ളവര്‍ വ്യത്യസ്ത ബറ്റാലിയനില്‍നിന്നു വന്നു മടങ്ങിയതിനാല്‍ തിരിച്ചറിയേണ്ടതുണ്ടെന്നും സര്‍ക്കാര്‍ അറിയിച്ചു. തിരഞ്ഞെടുപ്പായതിനാല്‍ അവരെ മാറ്റിയിട്ടുണ്ടാകാമെന്നും പറഞ്ഞു. ഈ വാദം വിശ്വസനീയമല്ലെന്നു കോടതി വാദത്തിനിടെ പറഞ്ഞു. അന്വേഷിക്കുന്ന ഉദ്യോഗസ്ഥര്‍ കാര്യശേഷിള്ളവരാണോ എന്ന് ആരാഞ്ഞു. തിരിച്ചറിഞ്ഞതായി പറയുന്ന മുന്നു പൊലീസുകാര്‍ക്ക് എതിരെയുള്ള അച്ചടക്ക നടപടിയുടെ കാര്യം സര്‍ക്കാര്‍ പറയുന്നില്ലെന്ന് കോടതി ചൂണ്ടിക്കാട്ടി.
ശബരിമലയില്‍ നിലവില്‍ ക്രമസമാധാന പ്രശ്‌നങ്ങളില്ലെന്നും സമാധാനാന്തരീക്ഷം തകര്‍ക്കാന്‍ ആരും ശ്രമിക്കരുതെന്നും കോടതി പരാമര്‍ശിച്ചു. ശബരിമലയിലെ മതനിരപേക്ഷ സംവിധാനത്തിനു പോറല്‍ വരുത്താന്‍ ആരും മുതിരരുതെന്നും വാദത്തിനിടെ പറഞ്ഞു.
https://www.facebook.com/Malayalivartha
