കെ സുരേന്ദന് തന്നെ സ്ഥാനാര്ഥി നിലപാട് കടുപ്പിച്ച് ആര് എസ് എസ് ; കേരളത്തിലെ സ്ഥാനാര്ഥി നിര്ണയ ചര്ച്ചയില് ആര്എസ്എസ് അതൃപ്തി രേഖപ്പെടുത്തി; ദേശീയ നേതൃത്വം നിര്ണായക ഇടപെടലുകള് നടത്തുമെന്നും ആര്എസ്എസ് അറിയിച്ചു
കേരളത്തിലെ സ്ഥാനാര്ഥി നിര്ണയ ചര്ച്ചയില് ആര്എസ്എസ് അതൃപ്തി രേഖപ്പെടുത്തി. നിലവിലെ ചര്ച്ചകള് ബിജെപിയുടെ സാധ്യതകള് ഇല്ലാതാക്കുന്നു. പ്രധാനനേതാക്കള് എല്ലാം മല്സരിക്കണം. കെ.സുരേന്ദ്രനും ശോഭാ സുരേന്ദ്രനും പ്രധാന മണ്ഡലങ്ങള് നല്കണം. ദേശീയ നേതൃത്വം നിര്ണായക ഇടപെടലുകള് നടത്തുമെന്നും ആര്എസ്എസ് അറിയിച്ചു.
പത്തനംതിട്ടയ്ക്കായി ശ്രീധരന് പിള്ള പിടിമുറുക്കിയതോടെയാണ് സജീവമായി പരിഗണിച്ചിരുന്ന സുരേന്ദ്രന്റെ കാര്യം പരുങ്ങലിലായത്. പത്തനംതിട്ടയോ, തൃശൂരോ ഇല്ലെങ്കില് മല്സരിക്കാനില്ലെന്നാണ് സുരേന്ദ്രന്റെ നിലപാട്. എന്നാല് ആറ്റിങ്ങലില് പരിഗണിക്കാമെന്നാണ് സംസ്ഥാനം നേതൃത്വം പറയുന്നത്. തര്ക്കങ്ങള് പരിഹരിച്ച് സ്ഥാനാര്ഥിപ്പട്ടിക ഇന്നുതന്നെ പ്രഖ്യാപിക്കുമെന്നാണ് വിവരം.
അതേസമയം, ബിഡിജെഎസ് അധ്യക്ഷന് തുഷാര് വെള്ളാപ്പള്ളി തൃശൂര് സീറ്റ് ഉറപ്പിച്ചു. ടോം വടക്കന് എറണാകുളത്ത് മല്സരിച്ചേക്കും. പത്തനംതിട്ടയില് മല്സരിക്കാന് ആഗ്രഹിക്കുന്ന അല്ഫോണ്സ് കണ്ണന്താനത്തെ പരിഗണിക്കുന്നത് കൊല്ലത്താണ്. പി.കെ കൃഷ്ണദാസ്, ശോഭ സുരേന്ദ്രന്, എം.ടി. രമേശ് എന്നിവര് മല്സരിച്ചേക്കില്ല. തൃശൂരിനു പുറമേ മാവേലിക്കര, ഇടുക്കി, ആലത്തൂര്, വയനാട് എന്നീ സീറ്റുകളാണ് ബിഡിജെഎസിനായി നീക്കിവെച്ചിട്ടുള്ളത്.
സംസ്ഥാന നേതൃത്വം പുതുക്കി നല്കിയ പട്ടിക പ്രധാനമന്ത്രി നരേന്ദ്ര മോദി ഉള്പ്പെടുന്ന കേന്ദ്ര തിരഞ്ഞെടുപ്പ് സമിതി അതേപടി അംഗീകരിക്കില്ല. മത സാമുദായിക സമവാക്യങ്ങള്, ആര്എസ്എസ് നിലപാട്, ദേശീയ നേതൃത്വം നേരിട്ട് നടത്തിയ സര്വേകള് എന്നിവ അടിസ്ഥാനമാക്കിയാകും അന്തിമ പട്ടിക.
സ്ഥാനാര്ഥി പട്ടിക വൈകുന്നതിനിടെ കോണ്ഗ്രസിലെ ഉന്നതരെ ലക്ഷ്യമാക്കി ബിജെപി പാളയം. സംസ്ഥാന സമിതികള് പാസാക്കിയ സ്ഥാനാര്ഥി പട്ടിക സമര്പ്പിച്ചിട്ടും കേന്ദ്ര നേതൃത്വം ഇത് അംഗീകരിക്കാന് തയാറായിട്ടില്ല. ഇന്ന് സ്ഥാനാര്ഥി പ്രഖ്യാപനം ഉണ്ടാകുമെന്ന സൂചനകള് പുറത്തു വരുമ്പോഴും സംസ്ഥാന നേതൃത്വം അറിയാത്ത ചില നീക്കങ്ങളഅ് കേന്ദ്ര നേതൃത്വം തയാറാക്കുന്നുണ്ടെന്ന സൂചനകളാണ് പുറത്തു വരുന്നത്.
കോണ്ഗ്രസ് നേതാവ് ടോം വടക്കന്റെ അപ്രതീക്ഷിത വരവോടെയാണ് ഈ നീക്കങ്ങള്ക്ക് തുടക്കമായത്. സീറ്റ് നഷ്ടമായ ഒരുപിടി നേതാക്കള് കോണ്ഗ്രസിനു കേരളത്തിലുണ്ട്. ഇവരില് ഉന്നതരായ ചിലര്ക്ക് വേണ്ടി ബിജെപി കേന്ദ്ര നേതൃത്വം വലവിരിച്ചു കഴിഞ്ഞതായിട്ടാണ് സൂചന. ലോക്സഭാ സ്ഥാനാര്ഥി സീറ്റ് കൂടാതെ പാര്ട്ടിയില് ഉന്നത സ്ഥാനങ്ങളും സാമ്പത്തികവും ഓഫര് ചെയ്തയിട്ടും റിപ്പോര്ട്ടുകളുണ്ട്.
ഡെല്ഹി കേന്ദ്രീകരിച്ച് ഇതിനായി വന് നീക്കങ്ങളും ബിജെപി നേതൃത്വം നടത്തുന്നുണ്ട്. എന്നാല് ഇക്കാര്യങ്ങള് ബിജെപി സംസ്ഥാന നേതാക്കള്ക്ക് അറിവുള്ളതല്ല. ടോം വടക്കന്റെ വരവ് പോലും സംസ്ഥാന നേതാക്കള് അറിയുന്നത് മാധ്യമങ്ങളിലൂടെയാണ്. ഇതോടെ ഇന്ന് പ്രഖ്യാപിക്കാനിരിക്കുന്ന ബിജെപി സ്ഥാനാര്ഥി പട്ടികയില് കിടിലന് സര്െ്രെപസിനുള്ള സാധ്യതയും കാണുന്നുണ്ട്.
ഇന്ന് ഉച്ചക്ക് പാര്ലമെന്ററി ബോര്ഡ് യോഗം ചേര്ന്ന് സംസ്ഥാന ഘടകം സമര്പ്പിച്ച പട്ടിക ചര്ച്ച ചെയ്യും. പട്ടികയില് കാര്യമായ മാറ്റം വേണ്ടിവരുമെന്ന് കേന്ദ്ര നേതൃത്വം വ്യക്തമാക്കിയിട്ടുണ്ട്. ഇതാണ് അപ്രതീക്ഷിത ട്വിസ്റ്റിനുള്ള സാധ്യതയായി ചൂണ്ടിക്കാണിക്കപ്പെടുന്നത്. പത്തനംതിട്ട സീറ്റ് സംബസിച്ചാണ് പ്രധാനമായും തര്ക്കം നിലനില്ക്കുന്നത്.
ഇതിനിടെ എം ടി രമേശ്, ശോഭാ സുരേന്ദ്രന് എന്നിവരും താല്പ്പര്യമുള്ള മണ്ഡലങ്ങള് ലഭിച്ചില്ലെങ്കില് മത്സരിക്കില്ലെന്ന നിലപാടില് ഉറച്ച് നില്ക്കുകയാണ്. കേന്ദ്ര നേത്രത്വം മറിച്ചൊരു നിലപാട് സ്വീകരിച്ചില്ലെങ്കില് ഇവര് സംഘടനാ രംഗത്ത് തുടരാനാണ് സാധ്യത.
https://www.facebook.com/Malayalivartha