ബിജെപിയെ നേരിടാന്‍ സിപിഎമ്മിന് കെല്‍പ്പില്ലെന്ന് പി കെ കുഞ്ഞാലിക്കുട്ടി, സ്ഥാനാര്‍ത്ഥി നിര്‍ണയം ചര്‍ച്ച ചെയ്യാന്‍ പോലും ആളില്ലാത്ത അവസ്ഥയിലാണ് സിപിഎമ്മെന്നും കുഞ്ഞാലിക്കുട്ടി
ബിജെപിയെ നേരിടാന്‍ സിപിഎമ്മിന് കെല്‍പ്പില്ലെന്ന് പി കെ കുഞ്ഞാലിക്കുട്ടി. സ്ഥാനാര്‍ത്ഥി നിര്‍ണയം ചര്‍ച്ച ചെയ്യാന്‍ പോലും ആളില്ലാത്ത അവസ്ഥയിലാണ് സിപിഎമ്മെന്നും കുഞ്ഞാലിക്കുട്ടി പറഞ്ഞു.ആരോടും ചോദിക്കാനില്ലാത്തതു കൊണ്ട് സിപിഎമ്മിന് പെട്ടെന്ന് സ്ഥാനാര്‍ത്ഥികളെ പ്രഖ്യാപിക്കാം. കോടിയേരിക്ക് സ്ഥാനാര്‍ത്ഥികളുടെ കാര്യം ആരോടും ചോദിക്കാനില്ലെന്നും കുഞ്ഞാലിക്കുട്ടി പരിഹസിച്ചു.
കേരളത്തില്‍ ഇത്തവണ യുഡിഎഫ് ട്രെന്‍ഡാണെന്നും സ്ഥാനാര്‍ത്ഥി പട്ടിക വൈകിയെങ്കിലും യുഡിഎഫ് മികച്ച നിലയിലാണെന്നും കുഞ്ഞാലിക്കുട്ടി അവകാശപ്പെട്ടു. അക്രമ രാഷ്ട്രീയത്തെ ജനം അംഗീകരിക്കണമെന്ന സന്ദേശമാണ് വടകരയിലെ ജയരാജന്റെ സ്ഥാനാര്‍ത്ഥി പ്രഖ്യാപനത്തിലൂടെ സിപിഎം നല്‍കുന്നതെന്നും കുഞ്ഞാലിക്കുട്ടി ആരോപിച്ചു.വടകര മണ്ഡലത്തില്‍ എല്‍ഡിഎഫ് സ്ഥാനാര്‍ത്ഥിയായി മത്സരിക്കുന്ന പി.ജയരാജനെ കൊലയാളിയെന്ന് വിശേഷിപ്പിച്ച് ആര്‍എംപി നേതാവ് കെകെ രമയ്‌ക്കെതിരെ നടപടി വേണമെന്ന് സംസ്ഥാന സെക്രട്ടറി കോടിയേരി ബാലകൃഷ്ണന്‍.
തിരഞ്ഞെടുപ്പ് പെരുമാറ്റ ചട്ടം നിലനില്‍ക്കെ സ്ഥാനാര്‍ത്ഥിയെ പൊതുജനമദ്ധ്യത്തില്‍ അപകീര്‍ത്തിപ്പെടുത്തിയതിനെതിരെ നടപടി സ്വീകരിക്കണമെന്ന് തിരഞ്ഞെടുപ്പ് കമ്മീഷന് പരാതി നല്‍കിയിട്ടുണ്ടെന്നും അദ്ദേഹം അറിയിച്ചു. ഫെയ്‌സ്ബുക്കിലൂടെയാണ് കോടിയേരി ഇക്കാര്യം അറിയിച്ചിരിക്കുന്നത്.
https://www.facebook.com/Malayalivartha
