വടകരയില് കെ മുരളീധരനെ സ്ഥാനാര്ത്ഥിയാക്കിയതോടെ എല്ഡിഎഫ് സ്ഥാനാര്ഥി പി.ജയരാജന്റെ പകുതി ജീവന് പോയെന്ന് എം കെ മുനീര് എംഎല്എ; യുഡിഎഫിന്റെ കൊക്കിന് ജീവനുണ്ടെങ്കില് ഒരു 'കൊലപാതകി'യെ ലോക് സഭയിലെത്തിക്കില്ലെന്നും എം കെ മുനീര്
വടകരയില് കെ മുരളീധരനെ സ്ഥാനാര്ത്ഥിയാക്കിയതോടെ എല്ഡിഎഫ് സ്ഥാനാര്ഥി പി.ജയരാജന്റെ പകുതി ജീവന് പോയെന്ന് എം കെ മുനീര് എംഎല്എ. യുഡിഎഫിന്റെ കൊക്കിന് ജീവനുണ്ടെങ്കില് ഒരു 'കൊലപാതകി'യെ ലോക് സഭയിലെത്തിക്കില്ലെന്നും എം കെ മുനീര് പറഞ്ഞു. യുഡിഎഫ് കോഴിക്കോട് മണ്ഡലം കണ്വെന്ഷനില് സംസാരിക്കുകയായിരുന്നു എം കെ മുനീര്.
പ്രഖ്യാപനം വൈകിയെങ്കിലും കോണ്ഗ്രസ് സ്ഥാനാര്ത്ഥികള് പുലികളാണെന്നും എം കെ മുനീര് പറഞ്ഞു. രാഹുല് ഗാന്ധിയുമായി ബന്ധപ്പെടാന് യുഡിഎഫിന് പി വി അന്വറിനെ പോലുള്ള ഇടനിലക്കാരുടെ ആവശ്യമില്ല.സ്ഥലത്ത് ആരുടേയെങ്കിലും കൈപിടിച്ച് കുലുക്കിയാല് തകരുന്നതല്ല മുസ്ലിം ലീഗിന്റെ ആദര്ശമെന്നും മുനീര് പറഞ്ഞു. എസ്ഡിപിഐ നേതാക്കളുമായി ലീഗ് നേതൃത്വം നടത്തിയ രഹസ്യ ചര്ച്ച വിവാദമായ പശ്ചാത്തലത്തിലായിരുന്നു മുനീറിന്റെ പ്രതികരണം. സൗഹൃദത്തിന്റെ പേരില് കൈ കൊടുക്കുന്നത് കീഴടങ്ങലല്ലെന്നും തീവ്രവാദ പ്രസ്ഥാനങ്ങളുമായി ലീഗ് സന്ധി ചെയ്യില്ലെന്നും എം കെ മുനീര് പറഞ്ഞു.
അനിശ്ചിതത്വങ്ങള്ക്കൊടുവിലാണ് കെ മുരളീധരനെ കോണ്ഗ്രസ് സ്ഥാനാര്ഥിയായി പ്രഖ്യാപിച്ചത്. വയനാട്ടില് ടി.സിദ്ദിഖും ആലപ്പുഴയില് ഷാനിമോള് ഉസ്താനും ആറ്റിങ്ങലില് അടൂര്പ്രകാശുമാണ് സ്ഥാനാര്ഥികള്. ഇതോടെ കോണ്ഗ്രസ് സ്ഥാനാര്ഥി പട്ടികയില് 3 എംഎല്എമാരായി. കോണ്ഗ്രസ് ഹൈക്കമാനിഡിനെ വല്ലാതെ വലച്ചു വടകര.
അക്രമരാഷ്ട്രീയം മുഖ്യപ്രചാരണവിഷയമാക്കിയ തെരഞ്ഞെടുപ്പില് പി.ജയരാജനെ നേരിടാന് ആര് എന്ന ചോദ്യത്തിന് ഉത്തരം നല്കാന് ആര്ക്കുമായില്ല. വടകരയില് തട്ടി മറ്റ് മൂന്ന് മണ്ഡലങ്ങളിലെ പ്രഖ്യാപനവും പാതിവഴിയില് നിന്നു. മല്സരിക്കാനിലെന്ന് ആവര്ത്തിച്ച കെപസിസി പ്രസിഡന്റ് മുല്ലപ്പള്ളി രാമചന്ദ്രന് മികച്ച സ്ഥാനാര്ഥി വരുമെന്നുമാത്രം പറഞ്ഞു.
മുകുള് വാസ്നികിനോട് കാര്യങ്ങള് ചോദിച്ചറിഞ്ഞ രാഹുല് ഗാന്ധിയാവട്ടെ ഏകപക്ഷീയമായി തീരുമാനം പ്രഖ്യാപിക്കാന് തയാറായില്ല. ഇതോടെ പന്ത് വീണ്ടും കേരളത്തിന്റെ കോര്ട്ടിലെത്തി. സമൂഹമാധ്യമങ്ങളിലടക്കം പ്രവര്ത്തകരുടെ പ്രതിഷേധം കനത്തതോടെ രമേശ് ചെന്നിത്തല കെ.മുരളീധരനെ വിളിച്ചു. അങ്കത്തിനിറങ്ങാന് തയാറെന്ന മുരളീധരന്റെ നിലപാട് ഉമ്മന് ചാണ്ടിയും അംഗീകരിച്ചതോടെ തീരുാനമായി. കേരളത്തില് നിന്നുള്ള വിളിയെത്തിയപ്പോള് മുല്ലപ്പളളിക്കും സന്തോഷം.
വയനാട് കൈവിട്ടുപോയതില് അമര്ഷത്തിലായിരുന്ന ഐ ഗ്രൂപ്പിന് മധുര പ്രതികാരമായി വടകരയിലെ മുരളീധരന്റെ സ്ഥാനാര്ഥിത്വം. സന്ദിഗ്ധഘട്ടത്തില് പാര്ട്ടിയുടെ മുഖം രക്ഷിക്കാനുള്ള ഉത്തരവാദിത്തം ഏറ്റെടുത്തതിന്റെ ക്രെഡിറ്റ് മുരളീധരനൊപ്പം ഗ്രൂപ്പിനും അവകാശപ്പെട്ടതെന്ന് ചെന്നിത്തല വിഭാഗം പറയുന്നു.
"
https://www.facebook.com/Malayalivartha
