നടി ആക്രമിക്കപ്പെട്ട കേസിലെ വിചാരണ ഇന്ന് ; മുഴുവന് പ്രതികളോടും ഹാജരാകണമെന്ന് കോടതി
നടി ആക്രമിക്കപ്പെട്ട കേസിൽ വിചാരണ ഇന്ന് . വിചാരണ നടപടികൾ ഇന്ന് എറണാകുളം സിബിഐ കോടതിയിൽ ആരംഭിക്കും. കേസില് ഒന്നാം പ്രതിയായ സുനില്കുമാര് ഹാജരാകുമെങ്കിലും നടന് ദീലീപ് ഹാജരായേക്കില്ല.
എന്നാൽ , കേസിലെ മുഴുവന് പ്രതികളോടും ഇന്നത്തെ വിചാരണയില് ഹാജരാകാന് സിബിഐ കോടതി ആവശ്യപ്പെട്ടിട്ടുണ്ട്. ഹൈക്കോടതി നിർദേശ പ്രകാരമാണ് കേസ് എറണാകുളം പ്രിന്സിപ്പല് സെഷന്സ് കോടതിയില് നിന്ന് സിബിഐ കോടതിയിലേക്ക് മാറ്റിയത്. വിചാരണയ്ക്കായി വനിത ജഡ്ജി വേണമെന്നുള്ള ഇരയായ നടിയുടെ ആവശ്യപ്രകാരമായിരുന്നു ഹൈക്കോടതി നടപടി. ആറ് മാസത്തിനകം വിചാരണ പൂർത്തിയാക്കണമെന്നാണ് ഹൈക്കോടതി വിചാരണ കോടതിക്ക് നല്കിയ നിര്ദ്ദേശം.
കേസില് വിചാരണ വൈകിപ്പിക്കാന് പ്രതിഭാഗം ശ്രമിക്കുകയാണെന്ന് ഹൈക്കോടതി വിമർശിച്ചിരുന്നു . കേസിലെ വിചാരണ നടപടികള് ആറ് മാസത്തിനകം പൂര്ത്തിയാക്കണമെന്ന ഉത്തരവ് പിന്വലിക്കണമെന്ന ആവശ്യവുമായി രണ്ടാം പ്രതി മാര്ട്ടിന് കോടതിയെ സമീപിച്ചപ്പോഴാണ് ഹൈക്കോടതിയുടെ നിരീക്ഷണം.
ചാക്കിലെ പൂച്ച പുറത്തുചാടിയിരിക്കുകയാണെന്ന് കോടതി പറഞ്ഞു. വിചാരണ നടപടികള് ആറ് മാസത്തിനകം പൂര്ത്തിയാക്കണമെന്ന ഉത്തരവ് പിന്വലിക്കണമെന്ന പ്രതിയുടെ ആവശ്യം കോടതി തള്ളുകയും ചെയ്തു. പ്രതിയുടെ ആവശ്യം സര്ക്കാര് ശക്തമായി എതിര്ത്തിരുന്നു.
https://www.facebook.com/Malayalivartha
