പത്തനംതിട്ടയില് ഏവരെയും ഞെട്ടിച്ച് ബി.ജെ.പി കേന്ദ്രനേതൃത്വത്തിന്റെ കിടിലം ട്വിസ്റ്റ് ഉണ്ടായേക്കുമെന്ന് സൂചന, കെ.സുരേന്ദ്രനും പി.എസ് ശ്രീധരന്പിള്ളയും സീറ്റിനായി വടംവടി നടത്തുമ്പോള് അത് എന്.എസ്.എസ് - എസ്.എന്.ഡി.പി പോരായി മാറി
പത്തനംതിട്ടയില് ഏവരെയും ഞെട്ടിച്ച് ബി.ജെ.പി കേന്ദ്രനേതൃത്വത്തിന്റെ കിടിലം ട്വിസ്റ്റ് ഉണ്ടായേക്കുമെന്ന് സൂചന. കെ.സുരേന്ദ്രനും പി.എസ് ശ്രീധരന്പിള്ളയും സീറ്റിനായി വടംവടി നടത്തുമ്പോള് അത് എന്.എസ്.എസ് - എസ്.എന്.ഡി.പി പോരായി മാറിയ സഹചര്യത്തിലാണ് പുതിയ തന്ത്രം. ബി.ജെ.പി പൊതുസ്വതന്ത്രനായി മുന്ദേവസ്വം പ്രസിഡന്റ് പ്രയാര് ഗോപാലകൃഷ്ണനെ സ്ഥാനാര്ത്ഥിയാക്കുമെന്ന് അറിയുന്നു. ഇടഞ്ഞ് നില്ക്കുന്ന എന്.എസ്.എസിനെ അനുനയിപ്പിക്കുകയും കോണ്ഗ്രസിന് തിരിച്ചടിനല്കുകയുമാണ് ഇതിലൂടെ ബി.ജെ.പി കേന്ദ്രനേതൃത്വം ഉദ്ദേശിക്കുന്നത്. കോണ്ഗ്രസ് നേതാവായ പ്രയാര് ഗോപാലകൃഷ്ണന് ശബരിമല വിഷയത്തില് മനസുകൊണ്ട് ബി.ജെ.പിക്ക് ഒപ്പമായിരുന്നു. മാത്രമല്ല കോണ്ഗ്രസിന് വേണ്ടി സുപ്രീംകോടതിയില് പുനപ്പരിശോധനാ ഹര്ജി നല്കിയത് പ്രയാറാണ്.
പ്രയാറിനെ അനുനയിപ്പിച്ച് പൊതുസ്വതന്ത്രനായി മത്സരിപ്പിക്കാനുള്ള നീക്കം നടക്കുന്നുണ്ട്. മറ്റെല്ലാ സീറ്റുകളും സംസ്ഥാനത്ത് പ്രഖ്യാപിച്ചിട്ടും പത്തനംതിട്ട ഒഴിച്ചിട്ടിരിക്കുന്നത് അതുകൊണ്ടാണെന്ന് അറിയുന്നു. പ്രയാര് സ്ഥാനാര്ത്ഥിയായാല് എന്.എസ്.എസിനും എതിര്പ്പുണ്ടാകില്ല. ബി.ജെ.പി സംസ്ഥാന ജനറല് സെക്രട്ടറി കെ സുരേന്ദ്രനെ സ്ഥാനാര്ഥി ആക്കുന്നതില് എന്.എസ്എസിന് കടുത്ത എതിര്പ്പുണ്ടെന്നാണ് അറിയാന് കഴിയുന്നത്. സംസ്ഥാന അധ്യക്ഷന് പി.എസ് ശ്രീധരന്പിള്ളയെ മത്സരിപ്പിക്കണമെന്നാണ് എന്.എസ്.എസിന്റെ ആവശ്യം. എസ്.എന്.ഡി.പി യോഗം ജനറല് സെക്രട്ടറി വെള്ളാപ്പള്ളി നടേശന്റെ നിര്ദ്ദേശത്തെ തുടര്ന്നാണ് കെ.സുരേന്ദ്രന് സീറ്റ് നല്കാന് കേന്ദ്രനേതൃത്വം ആദ്യം തീരുമാനിച്ചതെന്നും അറിയുന്നു.
പ്രശ്ന പരിഹാരത്തിനായി കേന്ദ്ര നേതൃത്വം നാഷണല് എക്സക്യൂട്ടീവ് അംഗം രാധാകൃഷ്ണ മേനോനെ എന്.എസ്് എസ് ആസ്ഥാനത്തേക്ക് പറഞ്ഞ് വിട്ടിട്ടുണ്ടെന്ന് പാര്ട്ടിവൃത്തങ്ങള് അനൗദ്യോഗികമായി പറയുന്നു. രാധാകൃഷ്ണമേനോനൊപ്പം മുന് സംസ്ഥാന പ്രസിഡന്റ് കുമ്മനം രാജശേഖരനും പോകും. ചര്ച്ചയില് പ്രയാറിന്റെ കാര്യം മുന്നോട്ട് വെയ്ക്കുമെന്നാണ് അറിയുന്നത്. പ്രയാറിനെ സ്ഥാനാര്ഥി ആക്കിയാല് കോണ്ഗ്രസ് വേട്ടുകള് കൂടി നേടാമെന്ന് ബി.ജെ.പി കരുതുന്നു. കോണ്ഗ്രസ് വിടില്ലെന്ന് പ്രയാര് ആവര്ത്തിക്കുമ്പോഴും എന്.എസ് എസ് നിര്ദ്ദേശിക്കുകയാണെങ്കില് അദ്ദേഹം മത്സരത്തിനിറങ്ങിയേക്കും. സ്ഥാനാര്ഥി പ്രഖ്യാപനം വൈകുന്നത് ജയസാധ്യതയെ ബാധിക്കുമെന്നാണ് നേതാക്കളുടെ വിലയിരുത്തല്. ഇക്കാര്യം കേന്ദ്രനേതൃത്വത്തെ അറിയിച്ചിട്ടില്ല.
കെ.സുരേന്ദ്രന് ഏറ്റവും അനുയോജ്യമായ മണ്ഡലം തൃശൂരായിരുന്നു. എന്നാല് ശ്രീധരന്പിള്ള അത് മുന്കൂട്ടി കണ്ട് ആ സീറ്റ് ബി.ഡി.ജെ.എസിന് നല്കി. അതോടെ പത്തനംതിട്ട സീറ്റ് വേണമെന്നും ഇല്ലെങ്കില് മത്സരിക്കില്ലെന്നും സുരേന്ദ്രന് വ്യക്തമാക്കിയതോടെ ആര്.എസ്.എസ് ഇടപെട്ടു. ഇന്നലെ കൊച്ചിയില് നടന്ന സമന്വയ ബൈടെക്കില് ശ്രീധരന്പിള്ളയെ വിളിച്ചുവരുത്തി പത്തനംതിട്ടയില് സുരേന്ദ്രനെ നിര്ത്തണമെന്ന് നിര്ദ്ദേശിച്ചു. ഏറെ അതൃപിതിയോടെയാണെങ്കിലും അദ്ദേഹമതിന് വഴങ്ങിയെന്നായിരുന്നു സൂചന. എന്നാല് എന്.എസ്.എസ് എതിര്പ്പുമായി രംഗത്തെത്തിയതോടെ കാര്യങ്ങള് വീണ്ടും കുഴഞ്ഞുമറിയുകയായിരുന്നു.
https://www.facebook.com/Malayalivartha