ഓയൂരിലെ ഭര്തൃഗൃഹത്തില് പട്ടിണിക്കിട്ടും ചികിത്സ നിഷേധിച്ചും കരുനാഗപ്പള്ളി സ്വദേശിനി തുഷാര മരിക്കാനിടയായ സംഭവത്തില് ഭര്തൃസഹോദരിക്കും ഭര്ത്താവിനെതിരെയും അന്വേഷണം നടത്തണമെന്ന് തുഷാരയുടെ ബന്ധുക്കള്
ഓയൂരിലെ ഭര്തൃഗൃഹത്തില് പട്ടിണിക്കിട്ടും ചികിത്സ നിഷേധിച്ചും കരുനാഗപ്പള്ളി സ്വദേശിനി തുഷാര (26) മരിക്കാനിടയായ സംഭവത്തില് ഭര്തൃസഹോദരിക്കും ഭര്ത്താവിനെതിരെയും അന്വേഷണം നടത്തണമെന്ന് തുഷാരയുടെ ബന്ധുക്കള് ആവശ്യപ്പെട്ടു. അന്വേഷണം ആവശ്യപ്പെട്ട് കൊല്ലം സിറ്റി പൊലീസ് കമീഷണര്ക്ക് &ിയുെ;ബന്ധുക്കള് പരാതി നല്കി.
തുഷാരയെ ഭര്ത്താവ് ചന്തുലാല്, മാതാവ് ഗീതാലാല് ഇവരോടൊപ്പം ചന്തുവിന്റെ സഹോദരിയും ഭര്ത്താവും നിരന്തരം ഉപദ്രവിച്ചിരുന്നതായും പരാതിയില് പറയുന്നു. പോസ്റ്റ്മോര്ട്ടത്തിനു ശേഷം തുഷാരയുടെ മൃതദേഹം ബന്ധുക്കള് ഏറ്റുവാങ്ങി കരുനാഗപ്പള്ളി അയണിവേലികുളങ്ങര തെക്ക് തുഷാന്ത് ഭവനത്തില്കൊണ്ടുവന്ന് സംസ്കരിച്ചു.
തുഷാരയോട് അതിക്രൂരമായ പീഡനമാണ് നടത്തിയിരുന്നതെന്ന് അറിഞ്ഞിരുന്നെങ്കില് ഏതുവഴിയും ഞങ്ങളുടെ കുട്ടിയെ അവിടെനിന്ന് മോചിപ്പിച്ചേനെയെന്ന് ബന്ധുക്കള് പറഞ്ഞു. തുഷാരയെ കാണുകയോ സംസാരിക്കുകയോ ചെയ്യുന്നതില് നിന്ന് മാതാപിതാക്കളെ ചന്തുലാല് വിലക്കിയിരുന്നു. ഇളയ കുട്ടിയുടെ പ്രസവത്തിനായി ഒരു വര്ഷം മുമ്പ് കൊല്ലത്തെ ആശുപത്രിയില് കഴിയവേ മകളെ കാണാന് മാതാപിതാക്കളെത്തിയപ്പോള് ചന്തുലാല് ബഹളമുണ്ടാക്കി. കാണാന് വരേണ്ടെന്നും ജീവിച്ചു കൊള്ളാമെന്നും പറഞ്ഞ് തുഷാര ആശ്വസിപ്പിച്ച് വിടുകയായിരുന്നു. പിന്നീട് മാതാപിതാക്കള് തുഷാരയെ ജീവനോടെ കണ്ടിട്ടില്ല.
https://www.facebook.com/Malayalivartha
