തെങ്ങിന്റെ ഓലയുടെ അറ്റത്ത് നിന്നും തുള്ളികളായി താഴെക്ക് പതിക്കുന്നത് മധുരമൂറും തേൻ. മറയൂരിലെ തെങ്ങുകളില്‍ നിന്നും വരുന്ന അത്ഭുത പ്രതിഭാസം കണ്ട് ഞെട്ടി നാട്ടുകാർ, സംഭവം വിഷയമാകാൻ തുടങ്ങിയതോടെ അധികൃതർ രംഗത്തെത്തി.തെങ്ങോലകളില്‍ നിന്ന് തേന്‍ തുള്ളികള്‍ ഇറ്റിറ്റ് വീഴുന്നു. മറയൂര്‍ സഹായ ഗിരി അഭയ ട്രസ്റ്റിന്റെ കീഴിലുള്ള സ്ഥലത്തെ തെങ്ങുകളില്‍ നിന്നാണ് മധുരമുള്ള തുള്ളികള്‍ നിരന്തരമായി താഴെ വീഴുന്നത്. കഴിഞ്ഞ ഒരു മാസമായി ഈ അദ്ഭുത പ്രതിഭാസം തുടങ്ങിയിട്ട്. തെങ്ങിന്റെ ഓലയുടെ അറ്റത്ത് നിന്നാണ് തുള്ളികള്‍ താഴെക്ക് പതിക്കുന്നത്.

അധികൃതർ പറയുന്നത് ഇത് അത്ഭുതമല്ല മറിച്ച് മുഞ്ഞ, ശല്‍ക്ക കീടങ്ങള്‍ എന്നീ രണ്ടു തരം കീടങ്ങള്‍ തേന്‍ തുള്ളി പോലെയുള്ള ദ്രാവകം ഉത്പാദിപ്പിക്കും. ഇവ മധുരമുള്ള കണങ്ങളായിരിക്കും. ഇവ ഇലകളെ ബാധിക്കുന്നു. കീടങ്ങള്‍ ഇലകളുടെ നീരൂറ്റി കുടിക്കുന്നു. ഇത് കൂടാതെ ഈ തേന്‍ തുള്ളികളില്‍ പൂപ്പല്‍ ബാധ ഉണ്ടാക്കും. ഇത് ബാധിക്കുന്ന ചെടിയിലും തേന്‍കണങ്ങള്‍ വീണാല്‍ താഴെ നില്‍ക്കുന്ന ചെടികളിലും ബാധിക്കും.

ഇലകളില്‍ കറുത്ത ഒരു ആവരണം പോലെ ഉണ്ടാവുകയും പ്രകാശസംശ്ലേഷണത്തെ ബാധിക്കുകയും ചെയ്യും. തേനിച്ച, ഉറമ്ബ് എന്നിവയ്ക്ക് ഈ തേന്‍ കണങ്ങള്‍ ഏറെ പ്രിയപ്പെട്ടതാണ്. മറ്റു സസ്യങ്ങളെയും ഇവ ബാധിക്കും. സ്ഥാപനത്തിന്റെ ഡയറക്ടര്‍ ജോജി കുറ്റിക്കല്‍ കെട്ടിടത്തിന്റെ മുന്‍വശത്ത് കോണ്‍ക്രീറ്റ് തറയില്‍ വീണു കിടക്കുന്ന തുള്ളികള്‍ തുടക്കത്തില്‍ കണ്ടിരുന്നെങ്കിലും കാര്യമാക്കിയില്ല. എന്നാല്‍ ഇതില്‍ ചവുട്ടിയാല്‍ ഒട്ടിപിടിക്കുന്നത് ശ്രദ്ധയില്‍പ്പെട്ടു. തുടര്‍ന്ന് മറയൂര്‍ കൃഷി ഓഫീസര്‍ പ്രിയ പീറ്ററെ വിവരം അറിയിച്ചു. പ്രിയ പീറ്റര്‍, നിഷാദ്.പി.എസ് എന്നീ കൃഷി ഓഫീസിലെ ജീവനക്കാരെത്തി പരിശോധിച്ചപ്പോഴാണ് മധുരമുള്ള തുള്ളികളാണിതെന്ന് കണ്ടെത്തിയത്. സമീപതെങ്ങുകളില്‍ നിന്നും ഇതുപോലെ തുള്ളികള്‍ വീഴുന്നുണ്ട്.