ഭർത്താവുമായി തർക്കം മൂത്തു, ഭാര്യ കിണറ്റിൽ ചാടിയതിന് പിന്നാലെ രക്ഷപ്പെടുത്താൻ ഭർത്താവും ചാടി.. പിന്നീട് രക്ഷകരായെത്തിയത് നാട്ടുകാരും, അഗ്നിരക്ഷാസേനയും
കിണറ്റില് ചാടിയ ഭാര്യയെ രക്ഷിക്കാനിറങ്ങിയ ഭര്ത്താവും കിണറ്റിൽ കുടുങ്ങി പിന്നാലെ രക്ഷകരായി നാട്ടുകരും, അഗ്നിരക്ഷാസേനയുമെത്തി. പൂവച്ചല് ആലമുക്കിലാണ് കിണറ്റില് ചാടിയ ഭാര്യയെ രക്ഷിക്കാനിറങ്ങിയ ഭര്ത്താവും ഉള്ളില് കുടുങ്ങിയത്. തുടര്ന്ന് കാട്ടാക്കടയില് നിന്നെത്തിയ അഗ്നിരക്ഷാസേന രണ്ടുപേരെയും കരക്കുകയറ്റി. ഇന്നലെ വൈകിട്ട് അഞ്ചോടെയാണ് സംഭവം. കുഴയ്ക്കാട് വള്ളിപ്പാറ പുത്തന്വീട്ടില് ആരതി(19)യാണ് കിണറ്റില് ചാടിയത്.
സംഭവം കണ്ട ഭര്ത്താവ് സുനീഷ് ഉടന് കിണറ്റിലിറങ്ങി ഭാര്യയെ രക്ഷിക്കാന് ശ്രമിച്ചെങ്കിലും ഭാര്യയെയും കൊണ്ട് തിരിച്ചുകയറാനായില്ല. തുടര്ന്നാണ് വീട്ടുകാര് കാട്ടാക്കട പോലീസിനെയും അഗ്നിരക്ഷാസേനയെയും അറിയിച്ചത്. സ്ഥലത്തെത്തിയ അഗ്നിരക്ഷാസേന കാട്ടാക്കട യൂണിറ്റ് കിണറ്റിലിറങ്ങി വല ഉപയോഗിച്ച് രണ്ടുപേരെയും കരയ്ക്കെത്തിച്ചു. കുടുംബപ്രശനമാണ് എന്നാണ് നാട്ടുകാര് പറയുന്നത്. നിസാര പരുക്കേറ്റ ആരതിയെ മലയിന്കീഴ് താലൂക്ക് ആശുപത്രിയില് പ്രവേശിപ്പിച്ചു.
https://www.facebook.com/Malayalivartha
