ശബരിമല വേണ്ടെന്ന് തിരഞെടുപ്പ് കമ്മീഷന് വേണമെന്ന് ശബരിമല കര്മ്മസമിതി ; നോട്ടീസുകളും ഫ്ളക്സുകള്ക്കും പുറമേ ഇന്ന് സെക്രട്ടേറിയറ്റിന് മുന്നില് നാമജപ പ്രതിഷേധത്തിന് ഒരുങ്ങി കര്മ്മസമിതി
തെരഞ്ഞെടുപ്പില് ശബരിമല പ്രശ്നം സജീവമാക്കാന് ശബരിമല കര്മ്മസമിതി. നോട്ടീസുകളും ഫ്ളക്സുകള്ക്കും പുറമേ ഇന്ന് സെക്രട്ടേറിയറ്റിന് മുന്നില് നാമജപ പ്രതിഷേധത്തിന് ഒരുങ്ങുകയാണ് സമിതി. സമിതിക്കെതിരെ ഇടത് മുന്നണി തെരഞ്ഞെടുപ്പ് കമ്മീഷന് പരാതി നല്കി. മണ്ഡലം ഏതായാലും മണ്ഡലകാലം മറക്കരുത് എന്നതാണ് ശബരിമല കര്മ്മസമിതിയുടെ മുദ്രാവാക്യം.
സംസ്ഥാനമാകെ കൂറ്റന് പരസ്യബോര്ഡുകള് സ്ഥാപിച്ചും വീടുകളില് ലഘുലേഖകള് വിതരണം ചെയ്തുമാണ് പ്രചരണം നടത്തുന്നത്. എന്നാല്, തെരഞ്ഞെടുപ്പിനേക്കുറിച്ചോ ബിജെപി സ്ഥാനാര്ത്ഥികളേക്കുറിച്ചോ പരാമര്ശമൊന്നുമില്ല.
ശബരിമല സമരത്തില് പങ്കെടുത്തവര്ക്ക് എതിരെ കള്ളക്കേസുകള് എടുക്കുന്നു എന്ന പേരിലാണ് പ്രതിഷേധം. കര്മ സമിതി പ്രചരണം ശക്തമാക്കുന്ന സാഹചര്യത്തില് ഇടതുമുന്നണി തെരഞ്ഞെടുപ്പ് കമ്മീഷനെ സമീപിച്ചു.
നോട്ടീസില് തെരഞ്ഞെടുപ്പിനേക്കുറിച്ച് ഒന്നും നേരിട്ട് പറയാത്തത് തന്ത്രമാണന്നും, വോട്ടര്മാരെ ദൈവത്തിന്റെ പേരില് ബിജെപിക്ക് വേണ്ടി സ്വാധീനിക്കുകയാണ് ഉദ്ദേശമെന്നുമാണ് പരാതി.
പോസ്റ്ററുകളില് തെരഞ്ഞെടുപ്പുമായി ബന്ധപ്പെട്ട ഒന്നുമില്ലെന്ന നിലപാടില് ഉറച്ചുനില്ക്കുകയാണ് കര്മ്മസമിതി. അതിന്റെ പേരില് ആര്ക്കും നടപടി എടുക്കാനാവില്ല. സമിതിയുമായി ബന്ധമൊന്നമില്ലെന്ന നിലപാട് ആവര്ത്തിക്കുന്നു ബിജെപി.
കഴിഞ്ഞ ദിവസം ആറ്റിങ്ങല് മണ്ഡലത്തില് കര്മ സമിതിയുടെ നോട്ടീസുകള് പൊലീസ് പിടിച്ചെടുത്തെങ്കിലും പിന്നീട് വിട്ടുകൊടുത്തിരുന്നു. കര്മ്മ സമിതിയുടെ പ്രചരണത്തെക്കുറിച്ച് അന്വേഷിച്ച് വരുകയാണെന്നും ചട്ടലംഘനം ഉണ്ടോയെന്ന കാര്യത്തില് ഉടന് തീരുമാനമെടുക്കുമെന്നും തിരുവനന്തപുരം സബ് കള്കടര് ജി പ്രിയങ്ക പറഞ്ഞു.
ശബരിമല പ്രക്ഷോഭത്തിന് ശബരിമല കര്മ്മസമിതിയുടെ ആഹ്വാനം. ഏപ്രില് 13ന് സെക്രട്ടേറിയറ്റ് നടയില് നാമജപ പ്രതിഷേധം നടത്താനും ആഹ്വാനമുണ്ട്. അയ്യപ്പഭക്തരെ കള്ളക്കേസില് കുടുക്കുന്നുവെന്ന് ആരോപിച്ചാണ് പ്രതിഷേധം. നേതാക്കള്ക്കെതിരെ ആയിരത്തോളം കേസെടുത്തു.
തുടര് സമരങ്ങള് ഏപ്രില് 13ന് പ്രഖ്യാപിക്കുമെന്നും നേരത്തെ വ്യക്തമാക്കിരുന്നു
ധര്ണ്ണയില് സന്യാസിവര്യന്മാര്, സമുദായിക- ഹൈന്ദവ സംഘടനാ നേതാക്കള് അയ്യപ്പഭക്തസംഘടനാ നേതാക്കള് എന്നിവര് നേതൃത്വം നല്കും. ആചാരലംഘനത്തിനെതിരെ പ്രക്ഷേഭം സംഘടിപ്പിച്ചതിന്റെ പേരില് സര്ക്കാര് വൈരാഗ്യബുദ്ധിയോടെ പ്രവര്ത്തിക്കുകയാണെന്നും അയ്യപ്പഭക്തര്ക്കെതിരെയും ഹിന്ദു സംഘടനാ നേതാക്കള്ക്കെതിരെയും ജാമ്യമില്ലാ വകുപ്പ് ചുമത്തിയും പിഡിപിപി ആക്ടില് പെടുത്തി പീഡിപ്പിക്കുകയാണെന്നും കര്മ്മ സമിതി പുറത്തിറക്കിയ കുറിപ്പില് പറയുന്നു.
https://www.facebook.com/Malayalivartha
