തമിഴ്നാട്ടിലും കര്ണാടകത്തിലും ശബരിമലയുടെയും അയ്യപ്പന്റെയും പേരെടുത്ത് പറഞ്ഞ് സംസ്ഥാന സര്ക്കാരിനെതിരെ ആഞ്ഞടിച്ച പ്രധാനമന്ത്രി നരേന്ദ്ര മോദിക്ക് ഇന്നലെ അതേ നാണയത്തില് തന്നെ മുഖ്യമന്ത്രി പിണറായി വിജയന് മറുപടി നല്കിയതോടെ ശബരിമല വീണ്ടും തിരഞ്ഞെടുപ്പിനെ ചൂടുപിടിപ്പിക്കുന്ന വിഷയമായി മാറി
തമിഴ്നാട്ടിലും കര്ണാടകത്തിലും ശബരിമലയുടെയും അയ്യപ്പന്റെയും പേരെടുത്ത് പറഞ്ഞ് സംസ്ഥാന സര്ക്കാരിനെതിരെ ആഞ്ഞടിച്ച പ്രധാനമന്ത്രി നരേന്ദ്ര മോദിക്ക് ഇന്നലെ അതേ നാണയത്തില് തന്നെ മുഖ്യമന്ത്രി പിണറായി വിജയന് മറുപടി നല്കിയതോടെ ഇലക്ഷന് കമ്മിഷന്റെ വിലക്ക് നിലനില്ക്കേ ശബരിമല വീണ്ടും തിരഞ്ഞെടുപ്പിനെ ചൂടുപിടിപ്പിക്കുന്ന വിഷയമായി മാറികഴിഞ്ഞു. ശബരിമലയുടെ പേരില് ബി. ജെ. പിയും സി. പി. എമ്മും ഒത്തുകളിക്കുകയാണെന്നആരോപണവുമായികോണ്ഗ്രസും രംഗത്തു വന്നു. ശബരിമല പ്രശ്നത്തില് ലക്ഷ്മണരേഖ കടക്കുന്ന രീതിയില് മറ്റ് ചില നേതാക്കളുടെ പ്രതികരണങ്ങളും വന്നിട്ടുണ്ട്.കമ്മ്യൂണിസ്റ്റ് സര്ക്കാര് ഭരിക്കുന്ന കേരളത്തില് അയ്യപ്പനെന്നും ശബരിമലയെന്നും പറഞ്ഞാല് അറസ്റ്റാണ്, തടങ്കലാണ് എന്നൊക്കെയായിരുന്നു മോദിയുടെ പരാമര്ശങ്ങള്. അതിന് മറുപടിയായി, അയ്യപ്പന്റെ പേരില് മോദി രാജ്യത്തെ തെറ്റിദ്ധരിപ്പിക്കുകയാണെന്നും കേരളത്തെ അപമാനിക്കുകയാണെന്നും പിണറായി പറഞ്ഞു.കൊല്ലം പള്ളിമുക്കില് എല്.ഡി.എഫ് സ്ഥാനാര്ത്ഥി കെ.എന്.ബാലഗോപാലിന്റെ പ്രചാരണ യോഗത്തിലായിരുന്നു മുഖ്യമന്ത്രിയുടെ മറുപടി.കേരളത്തില് വന്ന് തീര്ത്ഥാടന കേന്ദ്രം എന്ന് പറഞ്ഞിട്ട് തൊട്ടപ്പുറത്തുള്ള മംഗലാപുരത്ത് പോയി ശബരിമലയെയും അയ്യപ്പനെയും എടുത്ത് പറഞ്ഞ് കേരളത്തെ അപമാനിക്കുന്നത് ശരിയല്ല. തിരഞ്ഞെടുപ്പ് ചട്ടം പ്രധാനമന്തിക്കും ബാധകമാണ്. അയ്യപ്പനെന്ന് പറഞ്ഞാല് കേരളത്തില് അറസ്റ്റ് ആണെന്നും തങ്ങളുടെ സ്ഥാനാര്ത്ഥിയെ അറസ്റ്റ് ചെയ്ത് ജയിലിലടച്ചെന്നുമാണ് മോദി പറഞ്ഞത്. ഇങ്ങനെയൊരു പച്ചക്കള്ളം പറഞ്ഞ് അയ്യപ്പന്റെ പേരില് രാജ്യത്തെ തെറ്റിദ്ധരിപ്പിക്കാനുള്ള അവകാശം പ്രധാനമന്ത്രിക്കുണ്ടോ? ആരെയെങ്കിലും അറസ്റ്റ് ചെയ്തെങ്കില്, കസ്റ്റഡിയില് വച്ചെങ്കില്, അത് നിയമവിരുദ്ധമായി പ്രവര്ത്തിച്ചതിനാണ്. നിയമവിരുദ്ധമായി പ്രവര്ത്തിച്ചാല് അറസ്റ്റ് ചെയ്യും. മറ്റ് സംസ്ഥാനങ്ങളിലെ നിയമവിരുദ്ധ പ്രവര്ത്തകര്ക്ക് മോദിയുടെ അനുഗ്രഹാശിസ്സുകള് ഉള്ളതിനാല് ജയിലില് കിടക്കേണ്ടി വരില്ലായിരിക്കും. അവരുടെ പേരില് കേസ് എടുക്കില്ലായിരിക്കാം. അത് കേരളത്തില് നടക്കില്ല. മോദി ഇപ്പോഴും പ്രധാനമന്ത്രിയാണ്. ആ പദവിയോട് നീതി കാണിക്കണം.ശബരിമലയില് കാണിക്ക ഇടരുതെന്നു പറഞ്ഞത് ആരായിരുന്നു? തീര്ത്ഥാടകരെ ആക്രമിക്കാന് മോദിയുടെ അനുഗ്രഹാശിസ്സുകളോടെ ക്രിമിനല് പടയെ ശബരിമലയിലേക്ക് അയച്ചു. അവിടെയുള്ള പൊലീസുകാരെ തേങ്ങയെടുത്ത് അടിക്കുകയും ഇടിക്കുകയും ചെയ്തു. ശബരിമലയെ കലാപ ഭൂമിയാക്കുകയായിരുന്നു ഉദ്ദേശ്യം. പൊലീസ് സംയമനത്തോടെ അക്രമികളെ നിലയ്ക്ക് നിര്ത്തി. ശക്തമായ നടപടി സംസ്ഥാന സര്ക്കാര് സ്വീകരിച്ചു.
മോദീ, നിങ്ങള് കാണിച്ച ഇരട്ടത്താപ്പ് എന്തായിരുന്നു? സുപ്രീംകോടതി വിധി വന്നപ്പോള് ശക്തമായ നടപടി എടുക്കണമെന്നും നിരോധനാജ്ഞ പ്രഖ്യാപിക്കണമെന്നും കേന്ദ്ര സര്ക്കാര് സംസ്ഥാന സര്ക്കാരിനെ അറിയിച്ചു. കേന്ദ്രസേനയെ ആവശ്യമുണ്ടെങ്കില് അറിയിക്കണമെന്നും പറഞ്ഞു. അതില് കുറ്റം കാണുന്നില്ല. സുപ്രീംകോടതി വിധി വന്നാല് അതേ പറയാന് കഴിയൂ. ശബരിമലയെ സംരക്ഷിക്കാനും കൂടുതല് ഔന്നത്യത്തിലേക്ക് എത്തിക്കാനുമുള്ള നടപടികളിലേക്കാണ് സര്ക്കാര് നീങ്ങുന്നത്. തിരഞ്ഞെടുപ്പായതിനാല് വിശദാംശങ്ങള് വെളിപ്പെടുത്തുന്നില്ലെന്നും മുഖ്യമന്ത്രി പറഞ്ഞു.
തമിഴ്നാട്ടിലും കര്ണാടകത്തിലും ശബരിമലയെക്കുറിച്ച് മോദി പറഞ്ഞത് കേരളത്തില് കോണ്ഗ്രസും മുസ്ലീംലീഗും ഇടതുപക്ഷവും ശബരിമല വിഷയത്തില് അപകടകരമായ കളികളാണ് കളിക്കുന്നത്. അവര് നമ്മുടെ വിശ്വാസത്തിന്റെയും ആചാരത്തിന്റെയും അടിവേരുകള് തകര്ക്കാന് മൃഗീയ ശക്തികളെ ഉപയോഗിക്കുന്നു. ബി.ജെ.പി അത് അനുവദിക്കില്ലഅയ്യപ്പന് എന്നു പറഞ്ഞാല് കേരളത്തില് അറസ്റ്റാണ്, തടങ്കലാണ്. കമ്മ്യൂണിസ്റ്റ് സര്ക്കാര് ഭരിക്കുന്ന അവിടെ ഒരു പൗരന് അയ്യപ്പന്റെ പേര് പറയാന് കഴിയില്ല. ശബരിമലയെക്കുറിച്ച് പറഞ്ഞാല് അകത്താണ്. എന്ഡിഎ സ്ഥാനാര്ത്ഥിയെ 15 ദിവസം ജയിലിട്ടു.കമ്മ്യൂണിസ്റ്റുകാര് ഭരിക്കുന്ന നാട്ടിലാണ് ഈ അവസ്ഥ.
"
https://www.facebook.com/Malayalivartha
