സംസ്ഥാനത്ത് ഒരു മാസത്തിലധികം നീണ്ട പരസ്യപ്രചാരണത്തിന് കൊടിയിറക്കം; . കലാശക്കൊട്ടിനിടെ പരക്കെ സംഘര്ഷം; കല്ലേറില് ആലത്തൂരില് യുഡിഎഫ് സ്ഥാനാര്ത്ഥി രമ്യ ഹരിദാസിന് പരിക്ക്
സംസ്ഥാനത്ത് ഒരു മാസത്തിലധികം നീണ്ട പരസ്യപ്രചാരണത്തിന് കൊടിയിറക്കം. കലാശക്കൊട്ടിനിടെ സംസ്ഥാനത്ത് പരക്കെ സംഘര്ഷം. കല്ലേറില് ആലത്തൂരില് യുഡിഎഫ് സ്ഥാനാര്ത്ഥി രമ്യ ഹരിദാസിന് പരിക്കേറ്റു. രമ്യയെ ആശുപത്രിയില് പ്രവേശിപ്പിച്ചു. കോണ്ഗ്രസ് പ്രവര്ത്തകരുടെ കല്ലേറില് ആലത്തൂര് എംഎല്എ കെ ഡി പ്രസേനനും പരിക്കേറ്റു. രാഷ്ട്രീയ പാര്ട്ടികളുടെ നേതൃത്വത്തില് പ്രചാരണത്തിന്റെ അവസാന മണിക്കൂറുകള് ആവേശകരമാക്കിയെങ്കിലും വിവിധയിടങ്ങളില് സംഘര്ഷമുണ്ടായി.
തൊടുപുഴയില് സംഘര്ഷത്തില് യുഡിഎഫ് പ്രവര്ത്തകര്ക്ക് പരിക്കേറ്റു . മലപ്പുറത്ത് എല്ഡിഎഫ് പ്രവര്ത്തകരും പൊലീസും തമ്മില് ഉന്തും തള്ളുമുണ്ടായി. കെ സുരേന്ദ്രനെ കാഞ്ഞിരപ്പള്ളിയില് എല്ഡിഎഫ് പ്രവര്ത്തകര് തടഞ്ഞു . മുതിര്ന്ന എല്ഡിഎഫ് നേതാക്കളെത്തി വാഹനം കടത്തി വിടുകയായിരുന്നു .
കാസര്കോട് യുഡിഎഫ്, എല്ഡിഎഫ് പ്രവര്ത്തകര് തമ്മില് സംഘര്ഷാവസ്ഥയുണ്ടായി . ആലത്തൂരില് യുഡിഎഫ് സ്ഥാനാര്ത്ഥിയുടെ വാഹനത്തിന് നേരെ കല്ലേറുണ്ടായി. കരുനാഗപ്പള്ളിയില് യുഡിഎഫ്, എല്ഡിഎഫ് പ്രവര്ത്തകര് തമ്മില് സംഘര്ഷമുണ്ടായതിനെ തുടര്ന്ന് പൊലീസ് ലാത്തി വീശി . ആലപ്പുഴ സക്കറിയാ ബസാറില് കൊട്ടിക്കലാശത്തിനിടെ ഉന്തും തള്ളുമുണ്ടായി .
മുന്മുഖ്യമന്ത്രിയും കോണ്ഗ്രസിന്റെ സമുന്നത നേതാവുമായ എ.കെ.ആന്റണിയുടെ റോഡ് ഷോ ഇടതുമുന്നണി അനുകൂലികള് ബലമായി തടഞ്ഞതും അദ്ദേഹത്തെയും സ്ഥാനാര്ത്ഥി ശശി തരൂരിനെയും നടക്കാന് പോലും അനുവദിക്കാത്ത വിധത്തില് ഉന്തും തള്ളും സൃഷ്ടിച്ച് പ്രകോപനമുണ്ടാക്കിയതും പ്രചാരണത്തിന്റെ കൊട്ടിക്കലാശത്തിന് കളങ്കമായി. രാജ്യത്തെ തന്നെ ഉന്നത നേതാവായ ആന്റണിയെ അപഹസിക്കുന്നിടത്തോളം എത്തിയ പെരുമാറ്റത്തില് വ്യാപകമായ പ്രതിഷേധം ഉയര്ന്നു.
തടഞ്ഞതിനെ തുടര്ന്ന് വാഹനത്തില് നിന്ന് ഇറങ്ങി നടക്കാന് ശ്രമിച്ച ആന്റണിക്കെതിരെ കൈയേറ്റശ്രമം ഉണ്ടായതായും പരാതിയുണ്ട്. തിക്കിലും തിരക്കിലും പല തവണ ബാലന്സ് തെറ്റിയ 78കാരനായ ആന്റണിയെ കോണ്ഗ്രസ് പ്രവര്ത്തകര് വലയം തീര്ത്താണ് വീഴാതെ കാത്തത്. നടക്കുന്നിടത്തെല്ലാം കൂക്കുവിളിച്ചും മുദ്രാവാക്യം വിളിച്ചും ഡാന്സ് ചെയ്തും ഇടതുമുന്നണി പ്രവര്ത്തകര് അപഹസിക്കുകയും ചെയ്തതോടെ ആന്റണി ആകെ വിഷാദവാനായാണ് കാണപ്പെട്ടത്.
തിരുവനന്തപുരം മണ്ഡലത്തിലെ യു.ഡി.എഫ്.സ്ഥാനാര്ത്ഥി ഡോ.ശശിതരൂരിന്റെ പ്രചാരണത്തിന് സമാപനം കുറിച്ച് തീരദേശമേഖലയിലെ വേളിയില് നിന്ന് പര്യടനത്തിന് ഒരുങ്ങുമ്പോഴാണ് ഇടത് പ്രവര്ത്തകര് തടഞ്ഞ് സംഘര്ഷം സൃഷ്ടിച്ചത്.
ന്യൂനപക്ഷ സമുദായങ്ങള് തിങ്ങിപാര്ക്കുന്ന വേളി,പൂന്തുറ,വലിയതുറ,ബീമാപള്ളി മേഖലകളില് എല്ലാ തിരഞ്ഞെടുപ്പിലും എ.കെ.ആന്റണിയുടെ റോഡ് ഷോ പതിവാണ്. യു.ഡി.എഫിന് വോട്ടുറപ്പിക്കുന്ന ഫലപ്രദമായ നടപടിയായാണ് ഇത് വിലയിരുത്തപ്പെടുന്നത്. ഇന്നലെ വൈകിട്ട്നാലുമണിയോടെയാണ് എ.കെ.ആന്റണിയും ശശിതരൂരും വേളി ജംഗ്ഷനിലെ മാധവപുരത്ത് തുറന്ന വാഹനത്തില് എത്തിയത്.സ്ഥലംഎം.എല്.എവി.എസ്.
https://www.facebook.com/Malayalivartha
