സംസ്ഥാനത്ത് വോട്ടിംഗ് പുരോഗമിക്കുകയാണ്. ഇത്തവണ വോട്ടിംഗിന് എത്തിയവര്‍ക്കെല്ലാം പുതിയ അനുഭവമാണ് ബൂത്തുകളില്‍ കാണാന്‍ കഴിയുന്നത്. പോളിംഗ് ബൂത്തിന് പുറത്ത് നിറയെ അവബോധ പോസ്റ്ററുകള്‍. അതും മലയാളത്തില്‍. നല്ലകാര്യം. എന്നാല്‍ എല്ലാ പോസ്റ്ററുകളിലും സംസ്ഥാന ചീഫ് ഇലക്ട്രല്‍ ഓഫീസര്‍ ടിക്കാറാം മീണയുടെ ഫോട്ടോയുണ്ട്. ഇത് പല മുന്നണികളേയും അസ്വസ്തതയുണ്ടാക്കിയിട്ടുണ്ട്. സ്ഥാനാര്‍ത്ഥികളുടെ ഫോട്ടോ ബൂത്തില്‍ നിന്നും വളരെ ദൂരെ സ്ഥാപിക്കണമെന്ന് നിര്‍ദേശം നിലനില്‍ക്കേയാണ് മീണയുടെ ഫോട്ടോ ബൂത്തുകളില്‍ പതിപ്പിച്ചിരിക്കുന്നത്. 
ഇതിനെതിരെ ഇപ്പോള്‍ തന്നെ പരാതി ഉയര്‍ന്നിട്ടുണ്ട്. 

അതേസമയം ഞയറാഴ് കേരളത്തില്‍ ഇറങ്ങിയ പത്രങ്ങളില്‍ സ്വന്തം ചിത്രം വച്ച് പരസ്യം നല്‍കിയതില്‍ കേന്ദ്ര തെരഞ്ഞെടുപ്പ് കമ്മീഷനില്‍ ടിക്കാറാം മീണയ്‌ക്കെതിരെ പരാതിയും നല്‍കിയിട്ടുണ്ട്. മീണയുടെ നടപടി സുപ്രീം കോടതി മാര്‍ഗ നിര്‍ദേശങ്ങളുടെ ലംഘംനമാണെന്നും പരാതിയില്‍ പറയുന്നുണ്ട്. 

തെരഞ്ഞെടുപ്പ് ബോധവല്‍ക്കരണവുമായി ബന്ധപ്പെട്ടാണ് ടിക്കാറാം മീണ പത്രങ്ങളില്‍ പരസ്യം നല്‍കിയത്. ഹൈകോടതിയിലെ അഭിഭാഷകനായ കൃഷ്ണ ദാസാണ് പരാതി നല്‍കിയത്. തെരഞ്ഞെടുപ്പ് സംബന്ധിച്ച എല്ലാ പരാതികളും നല്‍കേണ്ടത് മുഖ്യതെരഞ്ഞെടുപ്പ് ഓഫീസര്‍ക്കാണ് അതിനാലാണ് മീണയ്ക്ക് തന്നെ പരാതി നല്‍കിയത്. 

ഏപ്രില്‍ 21നു മലയാളമടക്കമുള്ള എല്ലാ ഭാഷാ ദിനപത്രങ്ങളിലും നല്‍കിയ പരസ്യത്തില്‍ ടീ്ക്കാറാം മീണയായിരുന്നു. തുടര്‍ന്ന് ബീഹാറിലെ മുന്‍ തെരഞ്ഞെടുപ്പ് ഓഫീസറും സാഹിത്യകാരനുമായ എന്‍.എസ് മാധവന്‍ വിമര്‍ശിച്ചിരുന്നു. മീണയുടെ നടപടി അനുചിതവും അന്തസ്സിനു കോട്ടംതട്ടുന്നതുമാണെന്ന് മാധവന്‍ തന്റെ ട്വിറ്റര്‍ അക്കൗണ്ടില്‍ കുറിച്ചു. 

ഞയറാഴ്ച കേരളത്തില്‍ ഇറങ്ങിയ പത്രങ്ങളിലാണ് മീണയുടെ ചിത്രം ഉള്‍പ്പെടുത്തിയ പത്രങ്ങള്‍ പ്രചരിച്ചത്. വോട്ടര്‍മാര്‍ക്ക്് ഉപയോഗിക്കാവുന്ന തിരിച്ചറിയല്‍ രേഖകള്‍ ഏതൊക്കെയാണെന്ന് ബോധവല്‍ക്കരിക്കുന്ന പരസ്യങ്ങളാണ് മീണ പ്രസിദ്ധീകിച്ചത്്.

ശബരിമല വിഷയം പ്രചാരണ വിഷയമാക്കരുതെന്ന അഭിപ്രായത്തോടെയാണ് ടിക്കാറാം മീണ ശ്രദ്ധേയയായത്. എന്നാല്‍ ബിജെപി ഇത് തള്ളിക്കളഞ്ഞ് രംഗത്തെത്തിയോടെ ശബരിമല വിഷയം സജീവമായി. അതിനിടെ ബിജെപി നേതാക്കള്‍ ടിക്കാറാം മീണയുടെ നിലപാടിനിടെ രംഗത്തെത്തുകയും ചെയ്തിരുന്നു. 

ബി.ജെ.പി സംസ്ഥാന പ്രസിഡന്റ് പി.എസ് ശ്രീധരന്‍ പിള്ള ഇരട്ടത്താപ്പുകാരനെന്ന് വിമര്‍ശിച്ച് ടിക്കാറാം മീണ അടുത്തിടെ രംഗത്ത് വന്നതും ഏറെ ശ്രദ്ധിക്കപ്പെട്ടു. തെരഞ്ഞെടുപ്പ് പെരുമാറ്റ ചട്ടം ലംഘിക്കുന്ന വിവാദ പരാമര്‍ശങ്ങള്‍ നടത്തിയ ശേഷം ഫോണില്‍ വിളിച്ച് തന്നോട് മാപ്പ് പറയും. അതിന് ശേഷം പുറത്തു പോയി വേറൊന്ന് പറയും. ഇതാണ് ശ്രീധരന്‍ പിള്ള ചെയ്യുന്നത്.

ശ്രീധരന്‍ പിള്ള രണ്ടു പ്രാവശ്യം തന്നെ വിളിച്ച് മാപ്പു പറച്ചില്‍ നടത്തിയിരുന്നുവെന്ന് ഒരു പ്രമുഖ ചാനലിന്റെ പരിപാരിയില്‍ ടിക്കാറാം മീണ വെളിപ്പെടുത്തിയിരുന്നു. ഇത്തരക്കാരെ വിശ്വസിക്കാന്‍ കൊള്ളില്ലെന്നും അദ്ദേഹം വിമര്‍ശിച്ചിരുന്നു. 

എന്തെങ്കിലും പറഞ്ഞിട്ട് സാര്‍ തെറ്റായിപ്പോയി മാപ്പാക്കണം, കാര്യമാക്കരുത് എന്ന് എന്നെ വിളിച്ച് മാപ്പ് പറയും. പക്ഷേ, പുറത്തു പോയിട്ട് മറ്റൊന്നു പറയും. ഞാനിനി ആവര്‍ത്തിക്കില്ലെന്നു മാപ്പ് പറഞ്ഞിട്ട് വീണ്ടും അത് തന്നെ ചെയ്യുന്നത് ഇരട്ടത്താപ്പാണ്. ഇവരെ എങ്ങനെ വിശ്വസിക്കും?' എന്നാണ് ടിക്കാം മീണ ചോദിക്കുന്നത്.

എന്നാല്‍ ഇതിനെതിരെ ശ്രീധരന്‍ പിള്ള തന്നെ രംഗത്തു വന്നിരുന്നു. ആരും നിയമത്തിന് അതീതരല്ലെന്നാണ് ശ്രീധരന്‍ പിള്ള പറഞ്ഞത്. തന്നെ ഇകഴ്ത്തിക്കാട്ടാനാണ് മീണ ശ്രമിച്ചതെന്നും പിള്ള പറഞ്ഞു. അതിനിടെയാണ് ഫോട്ടോകളില്‍ മീണ നിറഞ്ഞത്. ഇതോടെ തെരഞ്ഞെടുപ്പ് കഴിഞ്ഞാലും മീണ തന്നെ താരമാകാനാണ് സാധ്യത.