കേരളത്തില്‍ ജനങ്ങള്‍ ആവേശത്തോടെ പോളിംഗ് ബൂത്തുകളില്‍ എത്തുകയാണ്ച. 10 മണിക്കുള്ളില്‍ 13 ശതമാനത്തില്‍ കൂടുതല്‍ വോട്ടുകള്‍ കേരളത്തില്‍ രേഖപ്പെടുത്തി കഴിഞ്ഞു. യന്ത്രപ്പിഴവ് ഇല്ലായിരുന്നെങ്കില്‍ ഇതിലും കൂടുതല്‍ വോട്ടിംഗ് ശതമാനം രേഖപ്പെടുത്തിയേനെ. 

വോട്ടെടുപ്പ് തുടങ്ങിയതിനു പിന്നാലെ പലയിടത്തും വോട്ടിങ് യന്ത്രം പണിമുടക്കിയത് ജനങ്ങളെ വലച്ചിട്ടുണ്ട്. എറണാകുളം മറൈന്‍ െ്രെഡവ് സെന്റ് മേരീസ് സ്‌കൂള്‍ ബൂത്തില്‍ യന്ത്രത്തകരാറിനെ തുടര്‍ന്ന് ജനങ്ങള്‍ വോട്ടു ചെയ്യാതെ മടങ്ങുകയാണ്. പകരം യന്ത്രമെത്തിച്ചെങ്കിലും അതും പ്രവര്‍ത്തനരഹിതമാണ്. ഒരു മണിക്കൂറായി കാത്തുനിന്നവരാണ് മടങ്ങുന്നത്. കര്‍ദിനാള്‍ മാര്‍ ആലഞ്ചേരിയും വോട്ടുചെയ്യാതെ മടങ്ങി. അതേസമയം, വോട്ടിങ് യന്ത്രത്തിന്റെ കാര്യക്ഷമത ഉറപ്പാക്കല്‍ വേണ്ടത്ര ഗൗരവത്തോടെ തിര!ഞ്ഞെടുപ്പ് കമ്മിഷന്‍ എടുത്തില്ലെന്ന് മുഖ്യമന്ത്രി പിണറായി വിജയന്‍ ആരോപിച്ചു. വോട്ടിങ് യന്ത്രങ്ങള്‍ക്ക് തകരാറില്ലെന്ന് കമ്മിഷന്‍ ഉറപ്പുവരുത്തേണ്ടതായിരുന്നു. വോട്ടിങ് യന്ത്രത്തെക്കുറിച്ച് നേരത്തേ ഉയര്‍ന്ന പരാതികള്‍ ഓര്‍ക്കേണ്ടതായിരുന്നുവെന്നും മുഖ്യമന്ത്രി പറഞ്ഞു.

രാവിലെ ഏഴ് മണിക്കാണ് വോട്ടെടുപ്പ് തുടങ്ങിയത്. പ്രമുഖരെല്ലാം വോട്ട് രേഖപ്പെടുത്താന്‍ രാവിലെ തന്നെ എത്തി. മുഖ്യമന്ത്രി പിണറായി വിജയന്‍ പിണറായിയിലെ ബുത്തില്‍ എത്തി. എന്‍എസ്എസ് ജനറല്‍ സെക്രട്ടറി ജി. സുകുമാരന്‍ നായര്‍ ചങ്ങാശേരിയിലും എന്‍.കെ പ്രേമചന്ദ്രന്‍ കൊല്ലത്തും മോഹന്‍ലാല്‍ തിരുവനന്തപുരം നേമത്തുള്ള മുടവന്‍ മൂടിലെ നിന്നും വോട്ട് രേഖപ്പെടുത്തി. ഇന്നസെന്റ് തൃശ്ശൂരില്‍ വോട്ട് രേഖപ്പെടുത്തി.


പലയിടത്തും വോട്ടിങ്ങ് യന്ത്രങ്ങള്‍ക്ക് തകരാറുകള്‍ ഉണ്ട്. ബിഷപ്പ് മാര്‍ ജോര്‍ജ്ജ് ആലഞ്ചേരി വോട്ട് രേഖപ്പെടുത്താന്‍ എത്തിയ ബൂത്തില്‍ വോട്ടിങ് യന്ത്രത്തില്‍ തകരാറ് ഉണ്ടായി. തുടര്‍ന്ന് ഏറെ നേരം കാത്തുനില്‍ക്കേണ്ടി വന്നു. 

വോട്ടെടുപ്പ് തുടങ്ങുന്നതിന് അരമണിക്കൂര്‍ മുന്നേ തന്നെ മണ്ഡലത്തിലെ കൊടപ്പനക്കല്‍ തറവാട്ടില്‍ നിന്നും പാണക്കാട് ഹൈദരാലി ശിഹാബ് തങ്ങള്‍ എത്തി. വരിയില്‍ ആദ്യ വോട്ട് തന്നെ രേഖപ്പെടുത്തുകയും ചെയ്തു.

ഏറ്റവും വലിയ 117 മണ്ഡലങ്ങളിലാണ് വോട്ടെടുപ്പ് നടക്കുന്നത്. 13 സംസ്ഥാനങ്ങളിലും രണ്ട് കേന്ദ്രഭരണ പ്രദേശങ്ങളിലുമായി 18 കോടിയിലേറെ വോട്ടര്‍മാരാണ് വിധിയെഴുതുന്നത്. വയനാട്ടില്‍ നിന്നും രാഹുല്‍ ഗാന്ധി ജനവിധി തേടുമ്പോള്‍ ഗുജറാത്തിലെ ഗാന്ധിനഗറില്‍ നിന്നും ബിജെപി ദേശീയാധ്യക്ഷന്‍ അമിത് ഷായും ജനവിധി തേടുന്നുണ്ട്.

അതേസമയം കോവളത്ത് ഗുരുതര പിഴവ് വോട്ടിംഗ് യന്ത്രത്തില്‍ കണ്ടെത്തി. കൈപ്പത്തി അടയാളത്തില്‍ വോട്ട് രേഖപെടുത്തിക്കഴിഞ്ഞാല്‍ ലൈറ്റ് തെളിയുന്നത് താമര ചിഹ്നത്തിലാണെന്നാണ് പരാതി. കോവളം ചൊവ്വരയിലെ 50ാം ബൂത്തിലാണ് ക്രമക്കേട് കണ്ടെത്തിയത് . 76 പേര്‍ വോട്ട് രേഖപെടുത്തിയതിന് ശേഷമാണ് ഇത്തരത്തില്‍ ഉള്ള ക്രമക്കേട് കണ്ടെത്തിയത് . ക്രമക്കേട് കണ്ടത്തിയ സാഹചര്യത്തില്‍ യു ഡി എഫ് പ്രതിഷേധിക്കുകയും ബൂത്തിലെ വോട്ടിംഗ് നിര്‍ത്തലാക്കുകയും ചെയ്തു . തെരഞ്ഞെടുപ്പ് കമ്മീഷന്‍ സംഭവത്തില്‍ അന്വേഷണം നടത്തുമെന്ന് വ്യക്തമാക്കുകയും ചെയ്തു . അതേസമയം ഇത് തെറ്റാണെന്നാണ് മുഖ്യ തെരഞ്ഞെടുപ്പ് ഓഫീസര്‍ പറയുന്നത്.