ആരായിരുന്നു സുനന്ദ, കേന്ദ്ര മന്ത്രിയായിരുന്ന ശശി തരൂരിനെ കല്യാണം കഴിച്ചതോടെയാണ് സുനന്ദയെ മലയാളികള്‍ അറിഞ്ഞ് തുടങ്ങിയത്. മാധ്യമ ശ്രദ്ധയില്‍ ഒന്നാമതായിരുന്നു ശശീതരുരും ഭാര്യയും. മരണത്തിന് മുമ്പും മരണത്തിന് ശേഷനും സുനന്ദയെ മലയാളികള്‍ ചര്‍ച്ചചെയ്തുകൊണ്ടിരിക്കുന്നു.
ശശി തരൂര്‍ കോടീശ്വരനായിരിക്കാം. അതിനേക്കാള്‍ കോടീശ്വരിയാണ് സുനന്ദ. സുനന്ദയ്ക്ക് 200 കോടി രൂപയുടെയെങ്കിലും സ്വത്തുണ്ടെന്നാണ് കണക്കുകളില്‍ നിന്ന് വ്യക്തമാകുന്നത്. ദുബായില്‍ വമ്പന്‍ കമ്പനികളുടെ കണ്‍സള്‍ട്ടന്റായിരുന്നു സുനന്ദ. ആഗോള തലത്തില്‍ ശ്രദ്ധിക്കപ്പെട്ട വ്യക്തിത്വം. വന്‍ വ്യവസായികളുമായി ബന്ധം.
സുനന്ദക്ക് ദുബായില്‍മാത്രം 12 അപ്പാര്‍ട്ട്‌മെന്റുകളുണ്ട്. കാനഡയില്‍ വീട്, ഡോളറിലും ദിര്‍ഹത്തിലുമായി ബാങ്കുകളിലും ധനകാര്യ സ്ഥാപനങ്ങളിലും ഓഹരികളായി സുനന്ദയ്ക്ക് ഏഴുകോടി രൂപയുടെ നിക്ഷേപം, കാനഡയിലെ ഓന്‍ടോരിയോവിലെ മര്‍ഖമില്‍ മൂന്നരക്കോടിരൂപ വിലയുള്ള വീടുണ്ട്. ദുബായില്‍ ഒമ്പതുലക്ഷം വിലയുള്ള കാര്‍ സ്വന്തമായുണ്ട്. ഇതിനുപുറമെ, 2010ല്‍ തരൂര്‍ സമ്മാനമായി വാങ്ങി നല്‍കിയ അഞ്ചുലക്ഷം രൂപയുടെ കാര്‍. ദുബായിലെ ലോക്കറില്‍ രണ്ടുകോടി രൂപയുടെ സ്വര്‍ണാഭരണങ്ങള്‍. നാലുകോടി രൂപ വില വരുന്ന 25 വിദേശനിര്‍മ്മിത വാച്ചുകള്‍..ഇങ്ങനെ നീളുന്നു പട്ടിക.
യു.എ.ഇ.യിലെ ദുബായില്‍ വിവിധ നിര്‍മ്മാണഘട്ടങ്ങളില്‍ 12 അപ്പാര്‍ട്ട്‌മെന്റുകള്‍. ചിലത് വാടകയ്ക്ക് നല്‍കിയിരിക്കുന്നു. ഒന്നില്‍ മകന്‍ താമസിക്കുന്നു. 2013ലെ കമ്പോളനിരക്ക് പ്രകാരം ആകെ മൂല്യം 95 കോടി രൂപ. ജമ്മുകശ്മീര്‍ സംസ്ഥാനത്തെ ജമ്മുവില്‍ രണ്ട് കനാല്‍ ഭൂമി. മൊത്തവില 12 ലക്ഷം. സുനന്ദയുടെ മുത്തശ്ശിയില്‍നിന്നും അമ്മയില്‍നിന്നും തലമുറ കൈമാറി ലഭിച്ച വളരെ പ്രാചീനമായ 30 ലക്ഷം രൂപ വിലവരുന്ന ഷാതൂഷ് ഷാളുകളുകളുമുണ്ടായിരുന്നു. കാനഡയിലെ ലോക്കറില്‍ സൂക്ഷിച്ചിട്ടുള്ള പരമ്പരാഗതമായ സൈനികരുടെ ആവരണവും ഹുമയൂണ്‍ ചക്രവര്‍ത്തിയുടെ കാലഘട്ടത്തിലെ വാളും കോടികള്‍ വിലവരും. . ഇവയുടെ മൂല്യം കണക്കാക്കിയിട്ടില്ല.
ശശി തരൂര്‍ കാനഡക്കാരിയായ മുന്‍ ഭാര്യയെ വിവാഹ മോചനം നടത്തുമ്പോള്‍ തന്റെ സ്വത്തില്‍ വലിയൊരു ഭാഗം ജീവനാംശമായി അവര്‍ക്ക് നല്‍കുകയുണ്ടായി. കോടിക്കണക്കിന് രൂപയായിരുന്നു ഇത്. കാനഡയിലെ ആസ്തികളും ആദ്യ ഭാര്യയ്ക്ക് നല്‍കിയതായി സൂചനയുണ്ട്. എന്നാല്‍ ഈ നഷ്ടം നികത്താന്‍ പോന്നത്ര സ്വത്തുകാരിയായിരുന്നു സുനന്ദ. സുനന്ദയുടെ സ്വത്തിലായിരുന്നു ശശി തരൂരിന്റെ കണ്ണെന്ന് അന്നേ ആരോപണമുണ്ടായിരുന്നു. എന്നാല്‍ സുനന്ദയുടെ പൗരത്വം സംബന്ധിച്ച് ഇപ്പോഴും അനിശ്ചിതത്വം തുടരുന്നു.
ശശി തരൂര്‍ മന്ത്രിയായിരിക്കെ പ്രധാനമന്ത്രിക്ക് സമര്‍പ്പിച്ച ആസ്തിബാധ്യതകള്‍ സംബന്ധിച്ച കണക്കുകളില്‍ സുനന്ദയ്ക്ക് ഇന്ത്യന്‍ പൗരത്വമില്ലെന്നും ഇന്ത്യയിലെ താമസക്കാരിയല്ലെന്നും വ്യക്തമാക്കിയിട്ടുണ്ട്. എന്നാല്‍, പൗരത്വം ഏതുരാജ്യത്താണെന്ന് പറഞ്ഞിട്ടില്ല. താനുമായുള്ള വിവാഹത്തിനുമുമ്പാണ് സുനന്ദയ്ക്ക് സ്വത്തുക്കള്‍ ലഭിച്ചതെന്നും വെളിപ്പെടുത്തിയിട്ടുണ്ട്. തനിക്കും സുനന്ദയ്ക്കും സംയുക്ത അക്കൗണ്ടില്ലെന്നും 2013 നവംബര്‍ 13ന് പ്രധാനമന്ത്രിയുടെ ഓഫീസിലെ വെബ്‌സൈറ്റിന് നല്‍കിയ രേഖപറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha