മന്ത്രി കെ.കെ ശൈലജ ടീച്ചറിന്റെ ഫേയ്‌സ്ബുക്ക് പോസ്റ്റില്‍ മന്ത്രി വീണ ജോര്‍ജ് എംഎല്‍എയെ പുകഴ്ത്തിയതിന് പകരമായി കുറ്റപ്പെടുത്തി കമന്റിട്ട കായംകുളം എം.എല്‍.എ യു പ്രതിഭയ്‌ക്കെതിരെയുള്ള സൈബര്‍ ആക്രമണം തീരുന്നില്ല. ജനങ്ങള്‍ക്ക് വേണ്ടി ഒന്നും ചെയ്യാതെ കയ്യടിക്ക് വേണ്ടി കമന്റിട്ട പ്രതിഭയെ പാര്‍ട്ടി ഭേദമില്ലാതെ എല്ലാവരും കണ്ടം വഴി ഓടിച്ചു. ഇതിനെതിരെ വീണ്ടും പ്രതിഭ രംഗത്തെത്തുകയാണ്. 

കമന്റ് ചെയ്തതിനെ തുടര്‍ന്ന് തനിക്ക് ഉണ്ടായത് കടുത്ത സൈബര്‍ ഗുണ്ടായിസമെന്നാണ് പ്രതിഭ പറയുന്നത്. മണ്ഡലത്തിലെ ചില വികസന കാര്യത്തെ കുറിച്ച് സ്‌പോട്ട്‌സ് മാന്‍ സ്പിരിറ്റില്‍ പറഞ്ഞ കാര്യങ്ങള്‍ എതിര്‍ രാഷ്ട്രീയ പാര്‍ട്ടികള്‍ ആഘോഷമാക്കിയപ്പോള്‍ ചില വ്യാജ സഖാക്കള്‍ അതിനെ കൊഴിപ്പിച്ചെന്നും അവര്‍ ഫേയ്‌സ്ബുക്കില്‍ കുറിച്ചു. 

തന്റെ കുടുംബജീവിതം വരെ ചില കമന്റുകളില്‍ പരാമര്‍ശിച്ചതു കണ്ടെന്നും അവരെയെല്ലാം സഖാവ് എന്ന് സംബോധന ചെയ്യാന്‍ അറയ്ക്കുമെന്നും സൈബര്‍ ആക്രമണത്തിലൂടെ വ്യക്തി പരമായി ചിലര്‍ക്കൊക്കെ തന്നോട് വിരോധമുണ്ടെന്നു മനസിലായെന്നും പ്രതിഭ കൂട്ടിച്ചേര്‍ത്തു.

യു. പ്രതിഭ എം.എല്‍.എ യുടെ ഫേയ്‌സ്ബുക്ക് പോസ്റ്റിന്റെ പൂര്‍ണരൂപം ഇങ്ങനെയാണ്...

കായംകുളം താലൂക്ക് ആശുപത്രിയുടെ പേരില്‍ നിര്‍ദ്ദോഷപരമായ ഒരു കമന്റ് ഇട്ടതിനു് എന്തൊരു ആക്രമണം ആയിരുന്നു. മണ്ഡലത്തിലെ വികസനത്തെ പാര്‍ട്ടി സംഘടനകാര്യം എന്ന രീതിയില്‍ ദുര്‍വ്യാഖ്യാനത്തോടെ നടത്തിയ ഴമിഴ മേേമരസ ഒക്കെ മനസ്സിലാക്കാന്‍ കഴിയും. മണ്ഡലത്തിലെ വികസന കാര്യത്തെക്കുറിച്ച് ുെീൃെോമി ുെശൃശ േല്‍ പറഞ്ഞ കാര്യങ്ങള്‍ എതിര്‍ രാഷ്ട്രീയ പ്രസ്ഥാനങ്ങളിലെ കുറച്ച് പേര്‍ ആഘോഷമാക്കിയപ്പോ കുറച്ച് വ്യാജ സഖാക്കള്‍ നന്നായി അതിനെ കൊഴുപ്പിച്ചു. അയ്യോ എന്റെ അക്കൗണ്ട് വരെ പൂട്ടിക്കും എന്ന് പറഞ്ഞവരുണ്ട്. (പേടിച്ച് പനിയായി കിടപ്പിലാരുന്നു) വ്യക്തിപരമായി ചിലര്‍ക്കൊക്കെ ചില്ലറ വിരോധമൊക്കെ ഉണ്ട് എന്ന് ചില കമന്റിലൂടെ മനസ്സിലായി. എന്റെ കുടുംബ ജീവിതം വരെ ചില കമന്റില്‍ പരാമര്‍ശിച്ചത് കണ്ടു. അവരെയൊക്കെ സഖാവ് എന്ന് സംബോധന ചെയ്യാന്‍ ഞാന്‍ അറയ്ക്കും. സഖാവ് എന്ന വാക്കിന് അവര്‍ അര്‍ഹരും അല്ല. സൈബര്‍ ഗുണ്ടായിസം എന്നല്ലാതെ എന്താണ് ഇതിനൊക്കെ പറയേണ്ടത്... കൂടുതല്‍ പറയുന്നില്ല. ഇവിടെ നിര്‍ത്തുന്നു.

ഇതിന് മറുപടിയായി സൈബര്‍ സഖാക്കള്‍ തന്നെ രംഗത്തെത്തി


'അതേ എംഎല്‍എ സാറേ ഞങ്ങള്‍ സൈബര്‍ ഗുണ്ടകള്‍ തന്നെയാണ്.. ഈ പ്രസ്ഥാനത്തെ ആക്രമിക്കാന്‍ വരുന്നവനെ പ്രതിരോധിച്ചതിന്റെ പേരില്‍ ഞങ്ങള്‍ക്കു കിട്ടിയ അപരനാമം.

എംഎല്‍എ സാറെ ഈ ഗുണ്ടകള്‍ കഴിഞ്ഞ നിയമസഭാ ഇലക്ഷനില്‍ കായംകുളം മണ്ഡലത്തില്‍ നിങ്ങള്‍ക്ക് വേണ്ടിയും ശബ്ദിച്ചിരുന്നു... ഇപ്പോ അവരോടു പുച്ഛം തോന്നും നിങ്ങള്‍ക്ക്.. നിങ്ങളില്‍ അഭിമാനമായിരുന്നു. നിങ്ങളുടെ നിയമസഭ പ്രസംഗം കേട്ട് ഒരുപാട് ആവേശം കൊണ്ടിരുന്നു..

ഒരു കാര്യം ഓര്‍മപ്പെടുത്തുന്നു. എംഎല്‍എ ആയാലും മന്ത്രി ആയാലും ആയിരങ്ങള്‍ ചോര കൊടുത്ത ഈ പ്രസ്ഥാനത്തെ കരിവാരി തേച്ചാല്‍ അതു കയ്യും കെട്ടി നോക്കിയിരിക്കാന്‍ നിങ്ങള്‍ പറഞ്ഞ ആ ഗുണ്ടകള്‍ തയാറല്ല കേട്ടോ.. പുച്ഛം തോന്നുന്നു നിങ്ങളോടു സ്വന്തം നിലപാട് പറയാന്‍ പോലും ലിപ്റ്റിക്ക് പുരട്ടിയ ഫോട്ടോ ഇടേണ്ട ഗതികേട് നോക്കൂ... ' പ്രതിഭയെ പുച്ഛിച്ചുകൊണ്ടുള്ള ഈ കമന്റ് പലതവണ പോസ്റ്റ് ചെയ്താണു സൈബര്‍ പോരാളികള്‍ മറുപടികൊടുത്തത്.

'ഇതെന്തു സ്‌ക്രിപ്റ്റ്, മാറ്റിയെഴുതൂ' എന്ന് പ്രതിഭയും പരിഹസിച്ചു.

കായംകുളം വെളിയിട വിസര്‍ജനമുക്ത മണ്ഡലമായെന്ന പ്രതിഭയുടെ പുതിയ പോസ്റ്റിനു കീഴെ പുതിയ സ്‌ക്രിപ്റ്റുമായി സൈബര്‍ പോരാളികള്‍ ആവര്‍ത്തിച്ചു പോസ്റ്റുകള്‍ ഇടുന്നുണ്ട്.

'ഇന്നലെ വരെ ലൈക്ക് ചെയ്ത കോണ്‍ഗ്രസ് പ്രവര്‍ത്തകരോ ലീഗ് പ്രവര്‍ത്തകരോ സംഘികളോ ഇന്നു നിങ്ങള്‍ക്ക് ഈ പോസ്റ്റില്‍ പ്രോത്സാഹനം തരില്ല എന്നറിഞ്ഞു കൊണ്ട് തന്നെ ഇന്ന് ഒരു സൈബര്‍ സഖാവായ ഞാന്‍ ഈ പോസ്റ്റിന് ലൈക്കും കമന്റും തരുന്നു. അഭിവാദ്യങ്ങള്‍ ' ഇതാണ് പ്രതിഭയ്ക്കുള്ള പുതിയ മറുപടി.