കൊച്ചിയില്‍ സ്വകാര്യബസ് മെട്രോ റെയില്‍ ഗര്‍ഡറില്‍ ഇടിച്ചുകയറിയുണ്ടായ അപകടത്തില്‍ 47 പേര്‍ക്കു പരിക്കേറ്റു. എറണാകുളം നോര്‍ത്ത് പാലത്തില്‍ ഇന്ന് രാവിലെയായിരുന്നു അപകടം.  മലയാറ്റൂരില്‍നിന്നും ഐലന്‍ഡിലേക്കു സര്‍വീസ് നടത്തിയ സീന ബസാണ് അപകടത്തില്‍പ്പെട്ടത്.
 കെഎസ്ആര്‍ടിസി ബസിനെ മറികടക്കാനുള്ള ശ്രമത്തിനിടെ നിയന്ത്രണം വിട്ട സ്വകാര്യബസ് മെട്രോ റെയിലിനുവേണ്ടി പാലത്തില്‍ വച്ചിരുന്ന ഗര്‍ഡറില്‍ ഇടിച്ചു കയറുകയായിരുന്നു.  അപകടത്തില്‍ പരിക്കേറ്റവരെ എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു.  അപകടത്തില്‍പ്പെട്ടവരില്‍ ഏറെയും സ്ത്രീകളായിരുന്നു. ആരുടെയും പരിക്ക് ഗുരുതരമല്ല. സംഭവത്തെ തുടര്‍ന്ന് നോര്‍ത്ത് പാലത്തില്‍ ഗതാഗതം പൂര്‍ണമായി സ്തംഭിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha