താങ്ങാനാവാതെ രാഹുല് ഗാന്ധി... തെരഞ്ഞെടുപ്പില് കോണ്ഗ്രസ് വന് പരാജയം ഏറ്റുവാങ്ങിയതോടെ കോണ്ഗ്രസിന്റെ കക്ഷിനേതാവാകാന് രാഹുല് ഗാന്ധിക്ക് മടി; കോണ്ഗ്രസിന്റെ കക്ഷി നേതാവാകാന് തരൂരും മുരളീധരനും കൊടിക്കുന്നിലും തയ്യാറെടുക്കുന്നു
പ്രധാനമന്ത്രി പദം സ്വപ്നം കണ്ട സ്ഥാനത്ത് കോണ്ഗ്രസ് തകര്ന്നടിഞ്ഞതോടെ രാഹുല് ഗാന്ധി തികഞ്ഞ നിരാശയിലാണ്. ആ നിരാശ സന്തോഷം നല്കുന്നത് കോണ്ഗ്രസ് നേതാക്കള്ക്കാണ്. കോണ്ഗ്രസിന്റെ ലോക്സഭാ കക്ഷിനേതാവ് സ്ഥാനത്തേക്ക് മലയാളികളെയും പരിഗണിക്കുന്നു. രാഹുല് ഗാന്ധി സ്ഥാനം ഏറ്റെടുക്കാന് വിസമ്മതിച്ചാല് ആദിര്രഞ്ജന് ചൗധരി, മനീഷ് തിവാരി എന്നിവര്ക്കൊപ്പം കൊടിക്കുന്നില് സുരേഷ്, ശശി തരൂര്, കെ മുരളീധരന് തുടങ്ങിയ പേരുകളാണ് പരിഗണിക്കപ്പെടുന്നത്. എന്നാല് നേതൃസ്ഥാനം രാഹുല് തന്നെ ഏറ്റെടുക്കണമെന്ന് കെ മുരളീധരന് പറഞ്ഞു.
52 സീറ്റാണ് ഇത്തവണ കോണ്ഗ്രസിന് ലോക്സഭയില് ലഭിച്ചത്. തിരഞ്ഞെടുപ്പില് തിരിച്ചടി നേരിട്ട പശ്ചാത്തലത്തില് പാര്ട്ടി അധ്യക്ഷപദം തന്നെ ഒഴിയാനുള്ള ശ്രമത്തിലാണ് രാഹുല്. അതിനാല് തന്നെ ലോക്സഭയിലെ കക്ഷിനേതാവായേക്കില്ല.
പശ്ചിമ ബെംഗാളില്നിന്ന് വിജയിച്ച ആദിര്രഞ്ജന് ചൗധരി, പഞ്ചാബില്നിന്ന് ജയിച്ച മനീഷ് തിവാരി എന്നിവരാണ് പരിഗണിക്കപ്പെടുന്ന പ്രമുഖര്. കേരളമാണ് കോണ്ഗ്രസിന് ഏറ്റവും കൂടുതല് എം പിമാരെ നല്കിയത്15 പേര്. ദീര്ഘകാലം ലോക്സഭാംഗമായിരുന്ന കൊടിക്കുന്നില് സുരേഷിന് ദളിത് പ്രതിനിധിയെന്നത് കൂടുതല് സാധ്യത നല്കുന്നു.
വിശ്വപൗരന് എന്ന പ്രതിച്ഛായയും തിരുവനന്തപുരത്ത് തിളക്കമാര്ന്ന വിജയം നേടിയതും ശശി തരൂരിന് അനുകൂല ഘടകമാകുന്നു. കെ മുരളീധരനും സാധ്യത കല്പിക്കപ്പെടുന്നുണ്ട്. കോണ്ഗ്രസിന്റെ കക്ഷിനേതാവാകുന്ന വ്യക്തിയാകും ലോക്സഭയിലെ പ്രതിപക്ഷനിരയെയും നയിക്കുക.
ലോക്സഭാ തിരഞ്ഞെടുപ്പിലെ വന്വീഴ്ചയ്ക്കു പിന്നാലെ പാര്ട്ടിയിലെ മുതിര്ന്ന നേതാക്കള്ക്കെതിരെ വിമര്ശനമുയര്ത്തി രാഹുല് ഗാന്ധി ഇന്നലെ രംഗത്തെത്തിയിരുന്നു. ശനിയാഴ്ച നടന്ന പ്രവര്ത്തകസമിതി യോഗത്തിലാണ് രാജസ്ഥാന് മുഖ്യമന്ത്രി അശോക് ഗെലോട്ട്, മധ്യപ്രദേശ് മുഖ്യമന്ത്രി കമല്നാഥ്, മുന് കേന്ദ്രമന്ത്രി പി.ചിദംബരം എന്നിവര്ക്കെതിരെ രാഹുലിന്റെ രുക്ഷ വിമര്ശനം. പ്രതിസന്ധിഘട്ടങ്ങളിലും ഇവര് മക്കള്ക്കു സീറ്റ് ലഭിക്കുന്നതിനായി വാശിപിടിച്ചെന്ന് കോണ്ഗ്രസ് അധ്യക്ഷന് തുറന്നടിച്ചു.
പ്രാദേശിക നേതാക്കളെ വളര്ത്തിക്കൊണ്ടുവരേണ്ട ആവശ്യകത എഐസിസി സെക്രട്ടറി ജോതിരാദിത്യ സിന്ധ്യ യോഗത്തില് ഉന്നയിച്ചപ്പോഴായിരുന്നു രാഹുലിന്റെ ഇടപെടല്. ഭരണത്തിലിരിക്കുന്ന സംസ്ഥാനങ്ങളില് മികച്ചപ്രകടനം കാഴ്ചവയ്ക്കാന് സാധിക്കാതെ പോയത് നേതാക്കള് മക്കളുടെ കാര്യത്തില് കൂടുതല് ശ്രദ്ധചെലുത്തിയതുകൊണ്ടാണെന്നു രാഹുല് പറഞ്ഞു.
അശോക് ഗെലോട്ടിന്റെ മകന് വൈഭവ് ഗെലോട്ട്, കമല്നാഥിന്റെ മകന് നകുല്നാഥ്, ചിദംബരത്തിന്റെ മകന് കാര്ത്തി ചിദംബരം എന്നിവര് ലോക്സഭാ തിരഞ്ഞെടുപ്പില് മല്സരിച്ചിരുന്നു. ഇവരില് വൈഭവ് ഗെലോട്ട് ഒഴികെ എല്ലാവരും ജയിക്കുകയും ചെയ്തു. എന്നാല് പാര്ട്ടി ഭരണത്തിലിരിക്കുന്ന രാജസ്ഥാന്, മധ്യപ്രദേശ് സംസ്ഥാനങ്ങളിലെ ദയനീയ പ്രകടനത്തിനു കാരണം മുഖ്യമന്ത്രിമാര് മക്കളുടെ പ്രചാണത്തില് മാത്രം മുഴുകിയതുകൊണ്ടാണെന്നു രാഹുല് പറഞ്ഞു.
പ്രധാനമന്ത്രി നരേന്ദ്ര മോദിക്കും ബിജെപിക്കുമെതിരെ താന് ഉയര്ത്തിക്കൊണ്ടുവന്ന പല വിഷയങ്ങളും ഏറ്റെടുക്കുന്നതിലും ജനങ്ങളിലേക്ക് എത്തിക്കുന്നതിലും പല നേതാക്കള്ക്കും വീഴ്ച സംഭവിച്ചെന്നും രാഹുല് കുറ്റപ്പെടുത്തി.
https://www.facebook.com/Malayalivartha
