കേരള മനസ്സാക്ഷിയെ നടുക്കിയ ആശുപത്രിയിലെ ചോരക്കുഞ്ഞിന്റെ അദ്ഭുത രക്ഷപ്പെടലിൽ, ഒടുവിൽ പ്രതിയായ പത്തൊൻപതുകാരിയായ അമ്മയ്ക്കെതിരെ കടുത്ത വധശ്രമക്കുറ്റം ചുമത്തി പോലീസ്. വെറുമൊരു പ്രസവവിവരം ഒളിച്ചുവെക്കലല്ല, മറിച്ച് വ്യക്തമായ ആസൂത്രണത്തോടെ സ്വന്തം ചോരക്കുഞ്ഞിനെ ഇല്ലാതാക്കാൻ ശ്രമിച്ച 'വധശ്രമം' തന്നെയാണിതെന്ന നിയമപരമായ നിഗമനത്തിലാണ് ഹരിപ്പാട് പോലീസ് ഇപ്പോൾ എത്തിച്ചേർന്നിരിക്കുന്നത്.

കല്ലും കോൺക്രീറ്റ് സ്ലാബുകളും നിറഞ്ഞ, തെരുവുനായ്ക്കളുടെ ശല്യമുള്ള ഭാഗത്തേക്ക് കുഞ്ഞിനെ ജനലിലൂടെ വെന്റിലേഷൻ വഴി പുറത്തേക്ക് എറിഞ്ഞത് കൊലപാതകശ്രമം തന്നെയാണ് എന്ന് വ്യക്തമാക്കുന്ന എഫ്.ഐ.ആർ വിവരങ്ങളാണ് ഇപ്പോൾ പുറത്തുവരുന്നത്.