ഐപിഎൽ ആദ്യ ക്വാളിഫയറിൽ ഗുജറാത്ത് ടൈററൻസിനെതിരെ റോയൽ ചലഞ്ചേഴ്സ് ബെംഗളൂരുവിന് 92 റൺസിന്റെ ജയം. ധരംശാല, ഹിമാചൽ പ്രദേശ് ക്രിക്കറ്റ് അസോസിയേഷൻ സ്റ്റേഡിയത്തിൽ ടോസ് നഷ്ടപ്പെട്ട് ബാറ്റിംഗിനെത്തിയ ആർസിബി അഞ്ച് വിക്കറ്റ് നഷ്ടത്തിൽ 254 റൺസാണ് നേടിയത്.

രജത് പടിധാറാണ് (33 പന്തിൽ പുറത്താവാതെ 93) ടീമിനെ കൂറ്റൻ സ്‌കോറിലേക്ക് നയിച്ച്ത. വിരാട് കോലി (25 പന്തിൽ 43), ക്രുനാൽ പാണ്ഡ്യ (28 പന്തിൽ 43) എന്നിവരുടെ ഇന്നിംഗ്സുകളും നിർണായകമായി.

മറുപടി ബാറ്റിംഗിൽ ഗുജറാത്ത് 19.3 ഓവറിൽ 162 റൺസിന് എല്ലാവരും പുറത്തായി. ആർസിബിക്ക് വേണ്ടി ജേക്കബ് ഡഫി മൂന്ന് വിക്കറ്റ് വീഴ്ത്തി. റാസിക് സലാം ദാർ, ഭുവനേശ്വർ കുമാർ, ക്രുനാൽ പാണ്ഡ്യ എന്നിവർക്ക് രണ്ട് വിക്കറ്റ് വീതമുണ്ട്. ജയത്തോടെ ആർസിബി ഫൈനലിലെത്തി. ഗുജറാത്തിന് ഒരവസരം കൂടിയുണ്ട്. എലിമിനേറ്റർ ജയിച്ചുവരുന്ന ടീമുമായി ഗുജറാത്ത് ഇനി കളിക്കുകയും ചെയ്യും.