അന്തരിച്ച നടന്‍ രതീഷിന്റെ മകള്‍ പാര്‍വതി കുഞ്ചാക്കോ ബോബന്റെ നായികയാകുന്നു. സുഗീതിന്റെ പുതിയ ചിത്രത്തിലാണ് ഇരുവരും കാമുകി കാമുകന്‍മാരാകുന്നത്. ചിത്രത്തിന് പേരിട്ടിട്ടില്ല.

രതീഷ് വര്‍ഷങ്ങള്‍ക്ക് മുമ്പ് മരിച്ചിരുന്നു. ഭാര്യ ഡയാന അടുത്തിടെയാണ് അന്തരിച്ചത്. നിഷാദ് കോയയാണ് തിരക്കഥ ഒരുക്കുന്നത്. ശ്രീലങ്കയില്‍ നിന്ന് കേരളത്തിലെത്തുന്ന തമിഴ് യുവതിയുടെ വേഷമാണ് പാര്‍വതിക്ക്. കീര്‍ത്തി സുരേഷ് അഭിനയിക്കേണ്ട വേഷമായിരുന്നു ഇത്. എന്നാല്‍ കീര്‍ത്തിക്ക് തെലുങ്കിലും തമിഴിലും തിരക്കായതിനാല്‍ പിതാവ് സുരേഷ് കുമാര്‍ ഇടപെട്ടാണ് പാര്‍വതിക്ക് അവസരം നല്‍കിയത്.

രതീഷിന്റെ അടുത്ത സുഹൃത്തായിരുന്നു സുരേഷ് കുമാര്‍. രതീഷിന്റെ മരണ ശേഷം സുരേഷ് കുമാറും നടന്‍ സുരേഷ് ഗോപിയുമാണ് ഡയാനയെയും മക്കളെയും സഹായിച്ചിരുന്നത്. രതീഷും മറ്റൊരു സുഹൃത്തും ചേര്‍ന്ന് കൃഷിയും ബിസിനസും നടത്തിയിരുന്നെങ്കിലും രതീഷ് മരിച്ചതോടെ അയാള്‍ പണവുമായി മുങ്ങി. അതോടെ കുടുംബം ഒറ്റപ്പെട്ടു. പാര്‍വതിയെ കൂടാതെ രണ്ട് മക്കള്‍കൂടി രതീഷിനുണ്ട്. മകന്‍ ബാംഗ്ലൂരില്‍ സോഫ്ട് വെയര്‍ പ്രൊഫഷണലാണ്. ഇളയ കുട്ടി പഠിക്കുന്നു. 

ഓര്‍ഡിനറി, ത്രി ഡോട്ട്‌സ് എന്നീ സുഗീത് ചിത്രങ്ങള്‍ക്ക് ശേഷം കുഞ്ചാക്കോ ബോബനും ബിജുമേനോനും ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്. ദുബയ്, ശ്രീലങ്ക എന്നിവിടങ്ങളിലായിരിക്കും പുതിയ ചിത്രം ചിത്രീകരിക്കുന്നത്. ഇരുവരും ടാക്‌സ് ഡ്രൈവര്‍മാരായാണ് അഭിനയിക്കുന്നത്. സുരാജ് , നീരജ് മാധവ്, നിയാസ് ബക്കര്‍, സിദ്ധിഖ എന്നിവരാണ് മറ്റ് താരങ്ങള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha