നരേന്ദ്ര മോഡി സര്‍ക്കാരിന്റെ ജനദ്രോഹ നയങ്ങള്‍ക്കെതിരെ കോണ്‍ഗ്രസ് ശക്തമായ സമരം നടത്താന്‍ പോവുകയാണെന്ന് മുതിര്‍ന്ന് കോണ്‍ഗ്രസ് നേതാവ് എ.കെ.ആന്റണി. അധികാരത്തില്‍ വന്ന ശേഷം ജനങ്ങള്‍ക്ക് ഉപകാരപ്രദമായ യാതൊരു നടപടിയും ബിജെപി സര്‍ക്കാര്‍ സ്വീകരിച്ചിട്ടില്ല. പാര്‍ലമെന്റിനെ പോലും വിശ്വാസത്തിലെടുക്കാതെ പ്രവര്‍ത്തിക്കുകയാണെന്നും ആന്റണി കുറ്റപ്പെടുത്തി.
പാര്‍ലമെന്റിനെ അട്ടിമറിക്കാനാണ് സര്‍ക്കാരിന്റെ ശ്രമം. ഭൂമി ഏറ്റെടുക്കുന്നതിന് ഓര്‍ഡിനന്‍സ് കൊണ്ടുവന്നതിലൂടെ കര്‍ഷകരുടെ മൗലികാവകാശം നഷ്ടമാവുകയാണ്. അധികാരവും മസില്‍ പവറും ഉപയോഗിച്ച് പാവപ്പെട്ടവരുടെ ഭൂമി തട്ടിപ്പറിക്കാനാണ് ബി.ജെ.പിയുടെ ശ്രമമെന്നും ആന്റണി പറഞ്ഞു.
മോദിയുടെ നയങ്ങള്‍ തെറ്റാണെന്നത് സംബന്ധിച്ച് കോണ്‍ഗ്രസ് നേതാക്കള്‍ക്കോ പ്രവര്‍ത്തകര്‍ക്കോ ഒരു ആശയക്കുഴപ്പവും ഇല്ല. ശശി തരൂരിന്റെ ഭാര്യ സുനന്ദയുടെ മരണവുമായി ബന്ധപ്പെട്ട കേസില്‍ നിയമം നിയമത്തിന്റെ വഴിക്ക് പോവും. ആ സംഭവത്തെ രാഷ്ട്രീയവത്കരിക്കാനില്ലെന്നും ആന്റണി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha