പച്ചപ്പാലും പച്ചമുട്ടയും ഇഷ്ടപ്പെടാത്തവര്‍ക്ക് ഇതാ ഇനി മുതല്‍ കാച്ചിയ പാലും പുഴുങ്ങിയ മുട്ടയും റെഡി. ഇത്രമാത്രം സൗകര്യം എവിടെയാണെന്നല്ലേ.? തൃശൂര്‍ മെഡിക്കല്‍ കോളജിലെ രോഗികള്‍ക്കാണ് ഇത്തരത്തിലൊരും സൗകര്യം. ഇനി മുതല്‍ തൃശൂര്‍ മെഡിക്കല്‍ കോളജിലെ രോഗികള്‍ക്ക്‌ കാച്ചിയപാലും പുഴുങ്ങിയ മുട്ടയുമാണ് നല്‍കുക. ഇത്രയും കാലം പച്ചപ്പാലും പച്ചമുട്ടയും ലഭിച്ചിരുന്നവര്‍ പലപ്പോഴും പാലു കാച്ചാനോ മുട്ട പുഴുങ്ങാനോ സംവിധാനമില്ലാത്തതുമൂലം ഇവ ഉപയോഗിക്കാന്‍ കഴിയാത്തതുകൊണ്ട് നശിപ്പിച്ചുകളയുകയാണ് സ്ഥിരമായി ചെയ്തു വന്നത്. വീട് അടുത്തുള്ളവര്‍ പച്ചപ്പാലും പച്ചമുട്ടയും വീടുകളിലേക്കു കൊണ്ടുപോയിരുന്നു.
അത് കൂടാതെ ചിലര്‍ ചെയ്യുന്നത് പാലും മുട്ടയും സമീപത്തുള്ള ഹോട്ടലിലും മറ്റും കൊടുത്ത് പകരം ചായയും ചെറുപലഹാരവും വാങ്ങിയിരുന്നു. സമീപത്തെ മില്‍മ ബൂത്തില്‍ അര ലിറ്ററിന്റെ ഒരു പാക്കറ്റ് പാല്‍ കൊണ്ടുകൊടുത്താല്‍ പകരം സൗജന്യമായി കിട്ടുക ഒരു ചായയാ യിരുന്നു. മുട്ട മുട്ടബജിയാക്കി വില ഈടാക്കിയും നല്‍കിയിരുന്നു. ഇനി സാധനങ്ങള്‍ ഇത്തരത്തില്‍ കൈമാറി കളിക്കേണ്ട ആവശ്യവുമില്ല. അതിനെല്ലാം പരിഹാരമാണ് കാച്ചിയ പാലും പുഴുങ്ങിയ മുട്ടയും.
മെഡിക്കല്‍ കോളജിലെ രോഗികളുടെ ആരോഗ്യപരിപാലനം ലക്ഷ്യമിട്ടാണ് ഇപ്പോള്‍ പുഴുങ്ങിയ മുട്ടയും കാച്ചിയ പാലും നല്‍കാന്‍ മെഡിക്കല്‍ കോളജ് പ്രിന്‍സിപ്പല്‍ ഡോ.ഷേര്‍ളി വാസുവിന്റെയും സൂപ്രണ്ട് ഡോ.കെ.ബാലഗോപാലിന്റെയും നേതൃത്വത്തില്‍ ഇത്തരത്തിലൊരു തീരുമാനമെടുത്തിരിക്കുന്നത്. കാച്ചിയ പാലും പുഴുങ്ങിയ മുട്ടയും രോഗികള്‍ക്കു നല്‍കുന്ന നടപടി ഒരാഴ്ചയ്ക്കുള്ളില്‍ ആരംഭിക്കുമെന്നാണ് ഇപ്പോള്‍ അറിയുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha