ശബരിമല യുവതീപ്രവേശം തടയാന്‍ തല്‍ക്കാലം നിയമനിര്‍മാണമില്ലെന്ന് കേന്ദ്രസര്‍ക്കാര്‍ കഴിഞ്ഞ ദിവസം വ്യക്തമാക്കിയിരുന്നു. വിഷയം കോടതിയുടെ പരിഗണനയിലാണെന്ന് നിയമമന്ത്രി ലോക്സഭയില്‍ വ്യക്തമാക്കി. ശബരിമല യുവതീപ്രവേശം തടയാന്‍ ലക്ഷ്യമിട്ട് എന്‍.കെ പ്രേമചന്ദ്രൻ ലോക്സഭയില്‍ സ്വകാര്യബില്‍ അവതരിപ്പിച്ചിരുന്നു. ഇതിന് പിന്നാലെയാണ് നയം വ്യക്തമാക്കി രണ്ടാം മോദി സര്‍ക്കാര്‍ രംഗത്തെത്തിയത്. സഭ ഏകകണ്ഠമായാണ് ബില്ലിന് അവതരണാനുമതി നല്‍കിയത്. അതേസമയം, സ്വകാര്യബില്‍ അപൂര്‍ണമാണെന്നും ശബരിമല ആചാര സംരക്ഷണത്തിന് സമഗ്രമായ നിയമനിര്‍മാണം വേണമെന്നും ബിജെപി എം.പി മീനാക്ഷി ലേഖി ആവശ്യപ്പെടുകയും ചെയ്തു.

എന്നാല്‍ ആ പ്രസ്താവനയിലും ന്യായീകരണവുമായി രംഗത്ത് വന്നിരിക്കുകയാണ് ബിജെപി ജനറല്‍ സെക്രട്ടറി കെ സുരേന്ദ്രന്‍. ശബരിമലയില്‍ സര്‍ക്കാര്‍ പുനഃപരിശോധനാ വിധി കാത്തിരിക്കുന്നു എന്നാണ് നിയമമന്ത്രി പറഞ്ഞതിന്റെ പച്ചമലയാളം എന്ന് സുരേന്ദ്രൻ അവകാശപ്പെടുന്നു. ഫേസ്ബുക്കിലൂടെയായിരുന്നു സുരേന്ദ്രന്റെ ന്യായീകരണം എത്തിയത്. ശബരിമല സ്ത്രീപ്രവേശനത്തില്‍ പ്രതിഷേധം സംഘടിപ്പിച്ചതില്‍ മുന്‍പന്തിയില്‍ ഉണ്ടായിരുന്ന നേതാവ് ആയിരുന്നു കെ സുരേന്ദ്രന്‍. പ്രതിഷേധ പ്രകടനത്തെ തുടര്‍ന്ന് നേതാവ് അറസ്റ്റിലാവുകയും ചെയ്തിരുന്നു.

ഫേസ്ബുക്ക് പോസ്റ്റിന്റെ പൂര്‍ണ്ണ രൂപം;

ശബരിമലയില്‍ സര്‍ക്കാര്‍ പുനപ്പരിശോധനാ വിധി കാത്തിരിക്കുന്നു എന്നാണ് നിയമമന്ത്രി പറഞ്ഞതിന്റെ പച്ചമലയാളം. അതിനര്‍ത്ഥം നിയമനിര്‍മ്മണം അജണ്ടയിലേ ഇല്ലെന്ന് വ്യാഖ്യാനിക്കുന്നത് ഏതായാലും സദുദ്ദേശപരമല്ല. പുനപ്പരിശോധനാ വിധി വരുന്നതുവരെ കാത്തിരിക്കുക എന്നത് സര്‍ക്കാരിനെ സംബന്ധിച്ച്‌ തികച്ചും സ്വാഭാവികമായ കാര്യം. അതിന് മുമ്ബ് തരൂര്‍ ശശിയും ആന്റോ ആന്റണിയും ബെന്നി ബഹനാനും ഹൈബി ഈഡനും ഡീന്‍ കുര്യാക്കോസുമൊക്കെ ചേര്‍ന്ന് ശബരിമലയെ സംരക്ഷിച്ചുകളയുമെങ്കില്‍ നല്ല കാര്യം. കണക്കിന് അവരാണല്ലോ യഥാര്‍ത്ഥ 'ആചാരസംരക്ഷകര്‍'…. എന്നും സുരേന്ദ്രൻ ഫേസ്ബുക്കിൽ കുറിച്ചു.

ബി​ജെ​പി​യു​ടെ ശ​ബ​രി​മ​ല സ​മ​രം ജ​ന​ങ്ങ​ളെ പ​റ്റി​ക്കാ​നാ​ണെ​ന്ന് ശ​ശി ത​രൂ​ര്‍ എം​പി പ്രതികരിച്ചു. ശ​ബ​രി​മ​ല പ്ര​ശ്‌​ന പ​രി​ഹാ​ര​ത്തി​ന് ഒ​ന്നും ചെ​യ്യാ​ന്‍ അ​വ​ര്‍​ക്ക് ആ​ഗ്ര​ഹ​മി​ല്ലെ​ന്നും അ​ദ്ദേ​ഹം ട്വീ​റ്റ് ചെ​യ്തു. 2018ല്‍ ​പ​ട്ടി​ക വി​ഭാ​ഗ​ങ്ങ​ള്‍​ക്കെ​തി​രാ​യ അ​തി​ക്ര​മ നി​യ​മ​ത്തി​ല്‍ സു​പ്രീം​കോ​ട​തി വി​ധി മ​റി​ക​ട​ക്കാ​ന്‍ കേ​ന്ദ്രം നി​യ​മം കൊ​ണ്ടു​വ​ന്നി​രു​ന്നു. എ​ന്നാ​ല്‍ ശ​ബ​രി​മ​ല​യി​ലെ പ്ര​ശ്ന​ത്തി​ല്‍ ഒ​ന്നും ചെ​യ്യാ​ന്‍ അ​വ​ര്‍ ആ​ഗ്ര​ഹി​ക്കു​ന്നി​ല്ലെ​ന്നും ത​രൂ​ര്‍ കുറ്റപ്പെടുത്തി. ശ​ബ​രി​മ​ല​യി​ല്‍ യു​വ​തീ പ്ര​വേ​ശ​ന​വു​മാ​യി ബ​ന്ധ​പ്പെ​ട്ട സു​പ്രീം​കോ​ട​തി വി​ധി മ​റി​ക​ട​ക്കാ​ന്‍ നി​യ​മ നി​ര്‍​മാ​ണം ന​ട​ത്തു​മോ​യെ​ന്ന ആ​ന്‍റോ ആ​ന്‍റ​ണി​യു​ടെ ചോ​ദ്യ​ത്തി​ന് ലോ​ക്സ​ഭ​യി​ല്‍ കേ​ന്ദ്രം വ്യ​ക്ത​മാ​യ മ​റു​പ​ടി ന​ല്‍​കി​യി​രു​ന്നി​ല്ല. ഇ​തി​നു പി​ന്നാ​ലെ​യാ​യി​രു​ന്നു ത​രൂ​രി​ന്‍റെ ട്വീ​റ്റ്.

ശ​ബി​ര​മ​ല വി​ഷ​യം സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലാ​ണെ​ന്നാ​യി​രു​ന്നു കേ​ന്ദ്ര​മ​ന്ത്രി ര​വി​ശ​ങ്ക​ര്‍ പ്ര​സാ​ദി​ന്‍റെ മ​റു​പ​ടി. വിഷയം കോടതിയുടെ പരിഗണനയിലാണെന്ന് മന്ത്രി ലോക്സഭയിൽ അറിയിച്ചു. സ്വകാര്യബില്‍ അപൂര്‍ണമാണെന്നും ശബരിമല ആചാര സംരക്ഷണത്തിന് സമഗ്രമായ നിയമനിര്‍മാണം വേണമെന്നും ബിജെപി എം.പി മീനാക്ഷി ലേഖി ആവശ്യപ്പെടുകയും ചെയ്തു.

ആചാരസംരക്ഷണത്തിന് ഭരണഘടനാ പരിരക്ഷ വേണം. അയ്യപ്പഭക്തരെ പ്രത്യേക വിഭാഗമായ കണക്കാക്കാൻ വ്യവസ്ഥ ചെയ്യുന്ന ബിൽ വേണമെന്നും ലേഖി പറഞ്ഞു. 'ജയ് അയ്യപ്പ' വിളിക്കിടെയാണ് ലേഖി പ്രസംഗം അവസാനിപ്പിച്ചത്. ശബരിമലയ്ക്കായി കേന്ദ്രസര്‍ക്കാര്‍ ബില്‍ കൊണ്ടുവരണമെന്ന് ആന്‍റോ ആന്‍റണി ആവശ്യപ്പെട്ടു. ബില്‍ ചര്‍ച്ചയ്ക്കെടുക്കണോയെന്ന് നറുക്കിട്ടെടുത്താണ് തീരുമാനിക്കുക. പാര്‍ലമെന്‍റിന്‍റെ ഇരുസഭകളിലും പാസാക്കുകയും വേണം.