സര്‍ക്കാരിന്റെ മദ്യനയത്തിന് കെ.പി.സി.സി അംഗീകാരം നല്‍കിയതായി പ്രസിഡന്റ് വി.എം.സുധീരന്‍. മദ്യവര്‍ജ്ജനവും മദ്യനിരോധനവും കെ.പി.സി.സിയുടേയും യു.ഡി.എഫിന്റെ പ്രഖ്യാപിത നയമാണെന്നും അതുമായി മുന്നോട്ട് പോവുമെന്നും കെ.പി.സി.സി നിര്‍വാഹക സമിതി യോഗത്തിനു ശേഷമാണ് സുധീരന്‍ പറഞ്ഞത്.
തദ്ദേശ തിരഞ്ഞെടുപ്പില്‍ ഗ്രൂപ്പ് അതിപ്രസരം അധികമാവരുതെന്ന് നിര്‍ദ്ദേശിച്ചിട്ടുണ്ട്. സ്ഥാനാര്‍ത്ഥികളുടെ വിജയസാദ്ധ്യതയെ ബാധിക്കുന്ന യാതൊന്നും തന്നെ അനുവദിക്കില്ല. നിയമസഭാ തിരഞ്ഞെടുപ്പിനു മുന്പുള്ള തിരഞ്ഞെടുപ്പായതിനാല്‍ തന്നെ ഗൗരവത്തോടെയാണ് തദ്ദേശ തിരഞ്ഞെടുപ്പിനെ കാണുന്നതെന്നും അദ്ദേഹം പറഞ്ഞു.
മദ്യനയത്തിന്റെ കാര്യത്തില്‍ പാര്‍ട്ടിസര്‍ക്കാര്‍ ഏകോപന സമിതിയുടെ തീരുമാനം അനുസരിച്ച് മുന്നോട്ട് പോവും. പത്ത് വര്‍ഷം കൊണ്ട് മദ്യനിരോധനം കൊണ്ടുവരികയാണ് പാര്‍ട്ടിയുടെ ലക്ഷ്യമെന്നും സുധീരന്‍ വ്യക്തമാക്കി. തദ്ദേശ സ്വയംഭരണ തിരഞ്ഞെടുപ്പിന് പാര്‍ട്ടിയെ സജ്ജമാക്കാന്‍ നിര്‍ദ്ദേശം നല്‍കിയതായും സുധീരന്‍ അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha