രാഷ്ട്രീയക്കാര്‍ക്കെതിരെ മാധ്യമങ്ങള്‍ കലാകാരന്മാരെ ഉപയോഗിക്കുന്നു; രാഷ്ട്രീയത്തിലേക്ക് ക്ഷണം കിട്ടിയാല്‍ നോ എന്ന് പറയില്ല
രാഷ്ട്രീയക്കാര്‍ക്കെതിരേ മാധ്യമങ്ങള്‍ കലാകാരന്മാരെ ഉപയോഗിക്കുകയാണെന്ന് സൂപ്പര്‍താരം സുരേഷ്‌ഗോപി. ഇപ്പോള്‍ ഉയര്‍ന്നിരിക്കുന്ന വിവാദത്തിന് പിന്നില്‍ മറ്റൊന്നുമില്ലെന്നും ഇത്തരം കാര്യത്തെ ഗൗരവമായി എടുക്കുന്നില്ലെന്നും സുരേഷ്‌ഗോപി പറഞ്ഞു. ഈ പരിതസ്ഥിതിയില്‍ രാഷ്ട്രീയത്തിലേക്ക് ക്ഷണം കിട്ടിയാല്‍ നോ പറയില്ലെന്നും താരം പറഞ്ഞു.
വിഴിഞ്ഞം പദ്ധതി യാഥാര്‍ത്ഥ്യമാകാന്‍ ഹിന്ദു സമൂഹം കൈകോര്‍ക്കണം എന്ന താരത്തിന്റെ പ്രസ്താവന കഴിഞ്ഞ ദിവസം വിവാദമായിരുന്നു. ഇതിനെതിരേ വീക്ഷണം എഡിറ്റോറിയല്‍ എഴുതുകയും ചെയ്തു.
തുടര്‍ച്ചയായി വിവാദ പ്രസ്താവനകള്‍ പുറത്ത് വിടുന്നതിനിടയിലാണ് തന്റെ രാഷ്ട്രീയ പ്രവേശം സംബന്ധിച്ച നിലപാടുകള്‍ താരം വ്യക്തമാക്കിയത്. സിനിമയ്ക്കുള്ളിലും പുറത്തുമെല്ലാം പറയുന്നതെല്ലാം വിവാദമാകുന്ന സാഹചര്യത്തില്‍ തന്റെ വാക്കുകള്‍ മാധ്യമങ്ങള്‍ വളച്ചൊടിക്കുകയാണ്. വിഴിഞ്ഞം പദ്ധതി യാഥാര്‍ത്ഥ്യമാക്കാന്‍ സിനിമാനടനപ്പുറത്ത് വ്യക്തി എന്ന നിലയിലുള്ള ആഗ്രഹം മാത്രമാണ് ചെയ്തത്. ഇതൊരിക്കലും വ്യക്തിപരമായ നേട്ടം ഉണ്ടാക്കാനല്ല. കഴിഞ്ഞ വര്‍ഷം മാര്‍ച്ച് 5 ന് മോഡിയുമായി കൂടിക്കാഴ്ച നടത്തിയപ്പോഴും വിഴിഞ്ഞം പദ്ധതി ഒരു ആവശ്യകതയായി പറഞ്ഞിരുന്നു. അന്ന് മോഡിയെ പ്രധാനമന്ത്രി സ്ഥാനാര്‍ത്ഥിയായി പ്രഖ്യാപിച്ചിരുന്നു പോലുമില്ലെന്ന് സുരേഷ്‌ഗോപി പറഞ്ഞു.
അതുകൊണ്ട് തന്നെ ഇപ്പോള്‍ ഉണ്ടായിരിക്കു വിവാദങ്ങളെ ഗൗരവമായി എടുക്കുന്നില്ലെന്നും താരം വ്യക്തമാക്കി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
